హెచ్‌డిఎఫ్‌సీ క్రెడిట్ కార్డులు ఇక రావు: ఆర్‌బీఐ కీలక ఆదేశాలు

ప్రైవేటురంగ బ్యాంకింగ్ దిగ్గజం హెచ్‌డిఎఫ్‌సీ బ్యాంకుకు పెద్ద ఎదురుదెబ్బ తగిలింది. హెచ్‌డీఎఫ్‌సీపై ప‌లు ఆంక్ష‌లు విధించింది రిజ‌ర్వ్ బ్యాంక్ ఆఫ్ ఇండియా(RBI). బ్యాంకుకు సంబంధించిన అన్నీ రకాల డిజిటల్ సేవలను నిషేధించాలంటూ.. అలాగే ఇంటర్నెట్ బ్యాంకింగ్, మొబైల్ బ్యాంకింగ్ మరియు చెల్లింపు వినియోగ సేవలను నిషేధిస్తూ ఆర్బిఐ డిసెంబర్ 02న ఉత్తర్వులు జారీ చేసింది. హెచ్‌డిఎఫ్‌సి వినియోగదారులకు కొత్త క్రెడిట్ కార్డులను ఇవ్వకూడదు అంటూ ఆదేశించింది.



గత 2 సంవత్సరాల్లో HDFC BANK వినియోగదారులకు డిజిటల్ సేవలలో చాలా సమస్యలు ఎదురయ్యాయి. ఈ కారణంగా సెంట్రల్ బ్యాంక్ ఈ చర్య తీసుకుంది. స్టాక్ ఎక్స్‌ఛేంజ్ ఇచ్చిన సమాచారంలో, డిసెంబర్ 2న RBI, Hdfc బ్యాంకును ఆదేశించినట్లు బ్యాంక్ తెలిపింది. నవంబర్ 21న, బ్యాంకుకు సంబంధించిన ఇంటర్నెట్ బ్యాంకింగ్ మరియు చెల్లింపు వ్యవస్థ చెదిరినట్లు బ్యాంకు చెబుతుంది. అయితే, ప్రాధమిక డేటా సెంటర్‌లో విద్యుత్ వైఫల్యం కారణంగా లోపం సంభవించినట్లు బ్యాంకు చెబుతుంది.



గ‌త రెండేళ్ల‌లో బ్యాంకుకు సంబంధించిన ఇంట‌ర్నెట్ బ్యాంకింగ్‌/మొబైల్ బ్యాంకింగ్ సేవ‌ల్లో త‌ర‌చూ అంత‌రాయాలు క‌ల‌గ‌డంపై ఆర్బీఐ ఈ ఆర్డ‌ర్ జారీ చేసింది. అయితే, గత రెండేళ్లలో బ్యాంకుకు ఇది మూడవ పెద్ద ఎదురుదెబ్బ. హెచ్‌డిఎఫ్‌సి బ్యాంక్ తన డిజిటల్ 2.0 ను విడుదల చేయడానికి సన్నాహాలు చేస్తోంది. దీనిలో చాలా డిజిటల్ ఛానెల్స్ ప్రారంభించే అవకాశం ఉంది. అటువంటి పరిస్థితిలో, RBI ఉత్తర్వు బ్యాంకుకు పెద్ద ఎదురుదెబ్బ.



వీటితో పాటు, బ్యాంకు బోర్డు కూడా ఇలాంటి లోపాలపై దర్యాప్తు చేయాలని, దాని జవాబుదారీతనం ప్రజలకు తెలియజేయాలని RBI స్పష్టం చేసింది. బ్యాంకు నుంచి సంతృప్తి వచ్చినప్పుడు మాత్రమే పై చర్యలు లేదా నియమాలు తొలగించబడతాయని RBI తన ప్రకటనలో తెలిపింది. గత రెండేళ్లలో తన ఐటి వ్యవస్థను బలోపేతం చేయడానికి అనేక చర్యలు తీసుకున్నామని, మిగిలిన పనులను వేగంగా పూర్తి చేస్తామని హెచ్‌డిఎఫ్‌సి బ్యాంక్ ఇప్పటికే తెలిపింది.