12వ అంతస్తు పైనుంచి జారిపడిన రెండేళ్ల చిన్నారి.. ఎలా క్యాష్ పట్టాడో చూడండి.. షాకింగ్ వీడియో

12వ అంతస్తు పైనుంచి జారిపడిన రెండేళ్ల చిన్నారి.. ఎలా క్యాష్ పట్టాడో చూడండి.. షాకింగ్ వీడియో

Truck Driver catches toddler : అందరూ చూస్తుండగానే.. 12 అంతస్తుల ఎత్తైన భవనం నుంచి ఓ చిన్నారి ఆడకుంటూ జారిపడింది. ఈ షాకింగ్ ఘటన వియత్నాంలోని హనోయ్ లో జరిగింది. అదే సమయంలో సమయస్ఫూర్తితో వ్యవహరించిన ఓ డెలివరీ ట్రక్ డ్రైవర్ చిన్నారిని తన రెండు చేతులతో ఒడిసిపట్టడంతో పాప ప్రాణాలతో బయటపడింది. చిన్నపాటి గాయలు అయినప్పటికీ చిన్నారి ప్రాణాలను కాపాడి సూపర్ మ్యాన్ అనిపించుకున్నాడు.

12 అంతస్తుల భవనంలో ఆడుకుంటున్న ఓ చిన్నారి గ్రిల్ దాటి బయటకు వచ్చింది. అప్పటికే పాప గట్టిగా ఏడుస్తోంది. భవనంలో లోపల ఉన్నవారు పాపను అందుకునేందుకు వీలుకాలేదు. కంగారుగా కేకలు పెడుతున్నారు. అదే భవనం కింద డెలివరీ డ్రక్ డ్రైవర్ గుయెన్ గోక్ మాన్హ్‌ ఉన్నాడు. పాప కింద పడటం చూసిన అతడు వెంటనే సూపర్ మ్యాన్ లా ఎగిరి గంతేశాడు.


12 అంతస్తు నుంచి పట్టుతప్పి కిందికి జారిపడిన పాపను పట్టుకునేందుకు పక్కనే ఉన్న గోడెక్కాడు. మెటాలిక్ పైకప్పు ఎక్కి పాపను పట్టుకునేందుకు ప్రయత్నించాడు. చివరికి చిన్నారిని తన రెండు చేతులతో గట్టిగా ఒడిసిపట్టుకున్నాడు. పాప, డ్రైవర్ ఇద్దరూ స్వల్పంగా గాయపడ్డారు. ఇదంతా రెప్పపాటులో జరిగిపోయింది. పాప జారిపడిన వీడియో సోషల్ మీడియాలో వైరల్ అవుతోంది.