UAE Working Week : వారానికి 2.5 రోజులు సెలవు..యూఏఈ మరో కీలక నిర్ణయం
యునైటెడ్ అరబ్ ఎమిరేట్స్(UAE) ప్రభుత్వం మరో కీలక నిర్ణయం తీసుకుంది. ఇకపై ఉద్యోగులకు వారంలో మొత్తం 4.5 రోజులు మాత్రమే పనిదినాలు ఉంటాయని మంగళవారం యూఏఈ ప్రకటించింది. ఇప్పటివరకు యూఏఈలో
- Published By: 10TV Digital Team ,Published On : December 7, 2021 / 05:05 PM IST
Uae
UAE Working Week : యునైటెడ్ అరబ్ ఎమిరేట్స్(UAE) ప్రభుత్వం మరో కీలక నిర్ణయం తీసుకుంది. ఇకపై ఉద్యోగులకు వారంలో మొత్తం 4.5 రోజులు మాత్రమే పనిదినాలు ఉంటాయని మంగళవారం యూఏఈ ప్రకటించింది. ఇప్పటివరకు యూఏఈలో శుక్ర,శనివారం సెలవు రోజులుగా ఉండగా…తాజా నిర్ణయంతో జనవరి-1,2022 నుంచి వారతంపు సెలవులు శుక్రవారం మధ్యాహ్నాం 12 గంటల నుంచే ప్రారంభమవుతాయి.
2006కి ముందు యూఏఈలో గురువారం,శుక్రవారం సెలవు రోజులుగా ఉండేవి. ఆ తర్వాత ప్రేవేట్ కంపెనీల రాకతో శుక్ర,శనివారాలను సెలవు దినాలుగా ప్రకటించారు. ఇప్పుడు గ్లోబల్ మార్కెట్లతో అనుసంధానం అయ్యేందుకు వీలుగా శుక్రవారం మధ్యాహ్నాం నుంచే వారాంతపు సెలవులను ప్రవేశపెట్టారు.
శని,ఆదివారాలను సెలవుగా పాటించే దేశాలతో ఆర్థిక లావాదేవీలు సజావుగా జరిగేందుకే ఈ నిర్ణయం తీసుకున్నట్లు యూఏఈ తెలిపింది. ఈ నిర్ణయంతో దేశంలో పనిచేసే వేలకొద్దీ అంతర్జాతీయ కంపెనీల లావాదేవీలు మరింత సరళంగా జరుగుతాయని తెలిపింది.
దేశ ఆర్థిక పోటీతత్వాన్ని పెంపొందించడానికి పనితీరును పెంచుతూనే, పని-జీవితం మధ్య సమతుల్యతను పెంచడానికి మరియు సామాజిక శ్రేయస్సును మెరుగుపరచడానికి UAE ప్రభుత్వం చేస్తున్న ప్రయత్నాలలో భాగంగా ఈ నిర్ణయం తీసుకున్నట్లు యూఏఈ అధికారిక మీడియా తెలిపింది. కాగా, జాతీయ పని వారాన్ని…ప్రపంచవ్యాప్తంగా ఉన్న ఐదు రోజుల వారం కంటే తక్కువగా ప్రవేశపెట్టిన ప్రపంచంలోనే మొదటి దేశంగా యూఏఈ నిలిచింది.
ALSO READ UP Election : ఎర్ర టోపీలు యూపీకి రెడ్ అలర్ట్..స‌మాజ్‌వాది పార్టీపై మోదీ ఫైర్
