Delhi hospital: ఏడేళ్ల తర్వాత తినడానికి, మాట్లాడటానికి వీలు కల్పించిన సర్జరీ

రాజస్థాన్ కు చెందిన 13ఏళ్ల టీనేజర్ కు దాదాపు ఏడేళ్ల తర్వాత మాట్లాడటానికి, తినడానికి వీలు కుదిరింది. సర్జరీ తర్వాత సొంతగా గాలి తీసుకోగలుగుతున్నాడని, తినగల్గుతున్నాడని, మాట్లాడుతున్నాడని సిటీ హాస్పిటల్ కన్ఫామ్ చేసింది.

Delhi hospital: రాజస్థాన్ కు చెందిన 13ఏళ్ల టీనేజర్ కు దాదాపు ఏడేళ్ల తర్వాత మాట్లాడటానికి, తినడానికి వీలు కుదిరింది. సర్జరీ తర్వాత సొంతగా గాలి తీసుకోగలుగుతున్నాడని, తినగల్గుతున్నాడని, మాట్లాడుతున్నాడని సిటీ హాస్పిటల్ కన్ఫామ్ చేసింది. వెంటిలేటర్ పై ఉన్నప్పుడు స్వతహాగా గాలి పీల్చుకోలేని వాళ్లకు ట్రాకోస్టమీ ట్యూబ్ సాయంతో బ్రీతింగ్ పైప్ అరేంజ్ చేస్తారు.

ఇంతకీ అసలా పిల్లాడి అలా ఎందుకు జరిగిందంటే.. రూఫ్ మీద నుంచి పడి రెండు వారాల పాటు కోమాలోకి వెళ్లిపోయాడు. అప్పుడు గాలి పీల్చుకునేందుకు గానూ ట్యూబ్ అరేంజ్ చేశారు. రికవరీ సమయంలోనూ వైండ్ పైప్ అలా ఉండిపోవడంతో శాశ్వతంగా అలా ఉండిపోయింది.

ఆ ట్యూబ్ కారణంగా ఆహారం తీసుకోవడానికి, మాట్లాడటానికి వాయీస్ బాక్స్ లో ఎయిర్ ప్రెజర్ లేకుండాపోయింది. అలా స్కూల్ కు కూడా వెళ్లలేకపోయాడు. అది సరి చేసే క్రమంలో రెండేళ్ల క్రితం చేసిన సర్జరీ సక్సెస్ కాలేదు. డాక్టర్లు కొన్నేళ్ల పాటు ఆగితే సర్జరీ చేసి సరి చేయొచ్చని చెప్పారు.

సర్జరీ చేయించేందుకు సర్ గంగా రామ్ హస్పిటల్ కు ఏప్రిల్ లో చిన్నారిని తీసుకొచ్చారు పేరెంట్స్.

 

Read Also : 2,000 ఏళ్ల క్రితమే పుర్రెకు సర్జరీ..

“ఆ చిన్నారిని మొదటగా చూసినప్పుడు నా పదిహేనేళ్లలో ఎయిర్ వే, వాయీస్ బాక్స్ సర్జరీ చేయడం చాలా కష్టం కావొచ్చని అనుకున్నా” అని సర్ గంగా రామ్ హాస్పిటల్ ఈఎన్టీ డిపార్ట్‌మెంట్ సీనియర్ కన్సల్టెంట్ డా. మనీశ్ ముంజల్ తెలిపారు.

సర్జరీ సంక్లిష్టతను దృష్టిలో ఉంచుకుని, ఒక ఛాతీ సర్జన్, ఒక ENT సర్జన్, పీడియాట్రిక్ ICU, అనస్తీషియా నిపుణులతో కూడిన బృందం రెడీ అయింది. బాలుడి శ్వాసనాళంలో 4 సెంటీమీటర్ల గ్యాప్ ఉందని గుర్తించిన వైద్యులు, దానిని తగ్గించేందుకు లారింజియల్ డ్రాప్ అనే ప్రక్రియను నిర్వహించి చిన్నారి వాయిస్ బాక్స్ ను సాధారణ స్థితికి తీసుకొచ్చారు.

డాక్టర్ ముంజాల్ మాట్లాడుతూ, “చివరిగా, చాలా ముఖ్యమైన, కష్టమైన భాగం క్రికోయిడ్ ఎముకపై శస్త్రచికిత్స చేయడం. ఇది వాయిస్ బాక్స్‌కి దిగువన ఉన్న గుర్రపుడెక్క ఆకారంలో ఉండే ఎముక, ఇది రెండు వైపులా చిన్న స్వర నరాలను కలిగి ఉంటుంది. ఇది ప్రధానంగా వాయిస్, వాయుమార్గ రక్షణకు బాధ్యత వహిస్తుంది. స్వరపేటిక నరాలు దెబ్బతినకుండా చూసేందుకు వైద్యులు క్రికోయిడ్ ఎముకలో అంతరాన్ని పెంచడానికి డ్రిల్లింగ్ వ్యవస్థను ఉపయోగించారు.

“మేము స్కోప్‌ని ఉపయోగించి అతని వాయుమార్గం లోపలికి చూసినప్పుడు, పిల్లవాడు మాట్లాడాలనుకున్నప్పుడు వాయిస్ బాక్స్ కదులుతున్నట్లు చూశాం, కానీ గాలి ఒత్తిడి లేనందున శబ్దాలు బయటకు రావడం లేదు. సిస్టమ్ చెక్కుచెదరకుండా ఉందని, గ్యాప్ ముగిసిన తర్వాత అతను మాట్లాడే అవకాశం ఉందని ఇది వివరించింది”అని డాక్టర్ ముంజాల్ అన్నారు.

మెడలోపల కుట్లు విరిగిపోయే ప్రమాదం ఉందని, అకస్మాత్తుగా శ్వాసను నిలిపివేసే ప్రమాదం ఉందని డాక్టర్ ముంజాల్ వివరించారు. అందువల్ల, సర్జరీ తర్వాత కొన్ని రోజులు గ్యాప్ ఉండటంతో వెంటిలేటర్‌పై ఉంచారు. గడ్డం ఛాతీ వైపు లాక్ చేయబడిన స్థితిలో కూడా ఉంచారు. కుట్లు విరిగిపోయే అవకాశాలను తగ్గించడానికి ఇలా చేశారు. .

సర్జరీ సక్సెస్ అయ్యేసరికి చిన్నారి కోలుకుని ఇంటికి వెళ్లిపోయాడు. మాట్లాడడమే కాకుండా తిరిగి పాఠశాలకు వెళ్లడం కూడా ప్రారంభించాడని పిల్లల తండ్రి అమిత్ కుమార్ అన్నారు.