Amit Shah: జాతీయ భ‌ద్ర‌తా స‌ల‌హాదారు అజిత్ డోభాల్‌తో అమిత్ షా కీల‌క భేటీ
జాతీయ భ‌ద్ర‌తా స‌ల‌హాదారు అజిత్ డోభాల్‌తో ఢిల్లీలో కేంద్ర హోం శాఖ మంత్రి అమిత్ షా స‌మావేశ‌మ‌య్యారు. జ‌మ్మూక‌శ్మీర్‌లో హిందువుల‌ను ల‌క్ష్యంగా చేసుకుని ఉగ్ర‌వాదులు దాడులు చేస్తోన్న ఘ‌ట‌న‌లు వ‌రుస‌గా చోటు చేసుకుంటోన్న విష‌యం తెలిసిందే. కొన్ని నెల‌లుగా జ‌రుగుతోన్న ఉగ్ర‌దాడులపై అజిత్ డోభాల్‌తో అమిత్ షా చ‌ర్చిస్తున్నారు.
- Published By: 10TV Digital Team ,Published On : June 2, 2022 / 04:11 PM IST
Shah Doval
Amit Shah: జాతీయ భ‌ద్ర‌తా స‌ల‌హాదారు అజిత్ డోభాల్‌తో ఢిల్లీలో కేంద్ర హోం శాఖ మంత్రి అమిత్ షా స‌మావేశ‌మ‌య్యారు. జ‌మ్మూక‌శ్మీర్‌లో హిందువుల‌ను ల‌క్ష్యంగా చేసుకుని ఉగ్ర‌వాదులు దాడులు చేస్తోన్న ఘ‌ట‌న‌లు వ‌రుస‌గా చోటు చేసుకుంటోన్న విష‌యం తెలిసిందే. కొన్ని నెల‌లుగా జ‌రుగుతోన్న ఉగ్ర‌దాడులపై అజిత్ డోభాల్‌తో అమిత్ షా చ‌ర్చిస్తున్నారు. ఈ సమావేశంలో కేంద్ర స‌హాయ మంత్రి జితేంద్ర సింగ్ కూడా పాల్గొన్నారు.
jammu kashmir: జ‌మ్మూక‌శ్మీర్‌లో బ్యాంకు మేనేజ‌ర్‌పై కాల్పులు జ‌రిపి చంపిన ఉగ్ర‌వాదులు
ఈ స‌మావేశం దాదాపు గంట సేపు కొన‌సాగుతుంద‌ని తెలుస్తోంది. జ‌మ్మూక‌శ్మీర్‌లో ప్ర‌స్తుత ప‌రిస్థితుల‌పై కూడా అమిత్ షా స‌మీక్ష నిర్వ‌హించ‌నున్న‌ట్లు స‌మాచారం. జమ్మూక‌శ్మీర్‌లోని కుల్గాంలో నేడు ఓ బ్యాంకు మేనేజ‌ర్‌పై ఓ ఉగ్ర‌వాది కాల్పులు జ‌రిపి చంపిన విష‌యం తెలిసిందే. ఈ నేప‌థ్యంలో ఇదే రోజు అజిత్ డోభాల్‌తో అమిత్ షా స‌మావేశం కావ‌డం గ‌మ‌నార్హం. జ‌మ్మూక‌శ్మీర్‌లో ఉగ్ర‌వాదుల ఏరివేత, స‌రిహ‌ద్దుల నుంచి ఉగ్ర‌వాదుల చొర‌బాట్లను అరిక‌ట్ట‌డం వంటి అంశాల‌పై అమిత్ షా కీల‌క నిర్ణ‌యాలు తీసుకునే అవ‌కాశం ఉన్న‌ట్లు తెలుస్తోంది.
