In The Name Of God : సైతాన్‌కి దేవుడికి తేడా ఏంటో తెలుసా..? ట్రైలర్ మామూలుగా లేదుగా..!

రీసెంట్‌గా ‘ఇన్ ది నేమ్ ఆఫ్ గాడ్’ ట్రైలర్ వదిలారు.. సింపుల్‌గా చెప్పాలంటే ట్రైలర్ కిరాక్ ఉంది.. స్టోరీ లైన్, ట్విస్టులు, యాక్టర్స్ పర్ఫార్మెన్సెస్, విజువల్స్, బ్యాగ్రౌండ్ స్కోర్ సింప్లీ సూపర్బ్.. ట్రైలర్, సిరీస్ మీద అంచనాలను అమాంతం పెంచేసింది..

In The Name Of God:

హండ్రెడ్ ప‌ర్సెంట్ అన్‌లిమిటెడ్ ఎంట‌ర్‌టైన్‌మెంట్‌తో తెలుగు ప్రేక్ష‌కుల హృద‌యాల్లో తిరుగులేని స్థానాన్ని ద‌క్కించుకున్న తెలుగు ఓటీటీ మాధ్య‌మం ‘ఆహా’ లో యాక్ష‌న్ క్రైమ్ థ్రిల్ల‌ర్ వెబ్ సిరీస్ ‘ఇన్ ది నేమ్ ఆఫ్ గాడ్’(ఐఎన్‌జీ) జూన్ 18న విడుద‌లవుతుంది. ప్రియ‌ద‌ర్శి, నందినీ రాయ్‌, పోసాని కృష్ణ‌ముర‌ళి ప్ర‌ధాన పాత్ర‌ల్లో న‌టించారు. విద్యాసాగ‌ర్ ముత్తు కుమార్ ద‌ర్శ‌క‌త్వం వ‌హించిన ఈ వెబ్ సిరీస్ ప్ర‌ముఖ సీనియ‌ర్ ద‌ర్శ‌కుడు సురేష్ కృష్ణ నిర్మించారు. ఈ అవెయిటింగ్ వెబ్ సిరీస్ ట్రైల‌ర్‌ను శ‌నివారం తెలుగు, త‌మిళ ప్రేక్ష‌కుల‌కు సుప‌రిచితుడైన స్టార్ హీరో కార్తి విడుద‌ల చేశారు.

Excited to launch the trailer of #InTheNameOfGod, an all new crime thriller web-series, releasing June 18 on @ahavideoIN! Wishing the best for @Suresh_Krissna sir and team! https://t.co/R9UsJ6m3VX

— Actor Karthi (@Karthi_Offl) June 12, 2021

ట్రైల‌ర్ విష‌యానికి వ‌స్తే ‘ఇన్ ది నేమ్ ఆఫ్ గాడ్’(ఐఎన్‌జీ) వెబ్ సిరీస్‌ చ‌క్క‌టి విజువ‌ల్ ట్రీట్‌గా, రా కంటెంట్‌, ఎమోష‌న్స్‌, డ్రామా, యాక్ష‌న్, చ‌క్క‌టి డైలాగ్స్ క‌ల‌బోత‌గా  ఉంది. ఆది(ప్రియ‌ద‌ర్శి) అనే ప్ర‌మాద‌క‌ర‌మైన యువ‌కుడి క‌థ ఇది. మీనా(నందినీ రాయ్‌) అనే అమ్మాయితో ఆది రిలేష‌న్ ఏంటి? జీవితంలో అత‌ను ఎదుర్కొన్న ఎత్తుప‌ల్లాలేంటి? అనే విషయాలు ‘ఇన్ ది నేమ్ ఆఫ్ గాడ్‌’ పై మరింత ఆస‌క్తిని పెంచుతున్నాయి.

‘1 నేనొక్క‌డినే’, ‘స్వామి రారా’, ‘హండ్రెడ్ ప‌ర్సెంట్ ల‌వ్’ వంటి చిత్రాల‌తో పాటు అల్లు అర్జున్ పాన్ ఇండియా మూవీ ‘పుష్ప‌’కు ఎడిట‌ర్‌గా వ‌ర్క్ చేస్తున్న కార్తీక శ్రీనివాస్ ‘ఇన్ ది నేమ్ ఆఫ్ గాడ్’(ఐఎన్‌జీ)కు ఎడిట‌ర్‌గా వ‌ర్క్ చేశారు. ఇప్ప‌టికే విడుద‌లైన ప్రోమోలు, టీజ‌ర్‌కు ప్రేక్ష‌కుల నుంచి అమేజింగ్ రెస్పాన్స్ వ‌చ్చింది. ఇప్పుడు విడుద‌లైన ఈ ట్రైల‌ర్ అంచ‌నాల‌ను మ‌రింత పెంచుతోంది. ఆహా ‘ఇన్ ది నేమ్ ఆఫ్ గాడ్’ తో పాటు 2021లో విడుద‌లైన ‘క్రాక్‌’, ‘నాంది’, ‘లెవ‌న్త్ అవ‌ర్‌’, ‘జాంబి రెడ్డి’, ‘చావు క‌బురు చ‌ల్ల‌గా’, ‘కాలా’, రీసెంట్‌గా విడుద‌లైన ‘అర్ధ శ‌తాబ్దం’ వంటి బ్లాక్ బ‌స్ట‌ర్ చిత్రాలు, వెబ్ సిరీస్‌ల‌ను ప్రేక్ష‌కుల‌కు అందించి తిరుగులేని ఎంట‌ర్‌టైన్‌మెంట్‌కు కేరాఫ్‌గా నిలుస్తుంది. ఇప్పటివరకు రిలీజ్ చేసిన ప్రోమోస్ ఆకట్టుకున్నాయి.