India vs Sri Lanka, 2nd T20I- చెలరేగిన అయ్యర్.. జడేజా విధ్వంసం.. శ్రీలంకపై భారత్ విజయం!
టీ20 సిరీస్లో భాగంగా శ్రీలంకతో జరిగిన రెండో మ్యాచ్లో టీమిండియా 7 వికెట్ల తేడాతో ఘన విజయం సాధించింది.
India vs Sri Lanka, 2nd T20I- టీ20 సిరీస్లో భాగంగా శ్రీలంకతో జరిగిన రెండో మ్యాచ్లో టీమిండియా 7 వికెట్ల తేడాతో ఘన విజయం సాధించింది. ఈ విజయంతో మూడు మ్యాచ్ల సిరీస్లో భారత్ 2-0తో తిరుగులేని ఆధిక్యంలో నిలిచింది. భారత్ తరఫున శ్రేయాస్ అయ్యర్ హాఫ్ సెంచరీతో రాణించాడు. అదే సమయంలో రవీంద్ర జడేజా, సంజు శాంసన్ ముఖ్యమైన ఇన్నింగ్స్ అందించారు.
అంతకుముందు టాస్ గెలిచి భారత్ ఫీల్డింగ్ ఎంచుకోగా.. తొలుత బ్యాటింగ్ చేసిన శ్రీలంక భారత్కు 184 పరుగుల లక్ష్యాన్ని నిర్దేశించింది. అనంతరం బ్యాటింగ్కు దిగిన భారత్ 17.1 ఓవర్లలో 3 వికెట్లు కోల్పోయి లక్ష్యాన్ని ఛేదించింది. భారత్ తరఫున శ్రేయాస్ అయ్యర్, రవీంద్ర జడేజా తుఫాను ఇన్నింగ్స్ ఆడగా.. అయ్యర్ 44 బంతుల్లో 74 పరుగులతో చెలరేగాడు. అతని ఇన్నింగ్స్లో 4 సిక్సర్లు, 6 ఫోర్లు ఉన్నాయి. జడేజా 18 బంతుల్లో 45 పరుగులు చేసి గెలుపులో కీలకం అయ్యాడు. జడేజా 7 ఫోర్లు, ఒక సిక్స్ కొట్టాడు.
భారత్ ఆరంభంలో మాత్రం కాస్త తడబడింది. కెప్టెన్ రోహిత్ శర్మ కేవలం ఒక్క పరుగుకే ఔటయ్యాడు. అదే సమయంలో ఓపెనర్ ఇషాన్ కిషన్ కూడా 16 పరుగులు మాత్రమే చేశాడు. అనంతరం శ్రేయాస్ అయ్యర్, సంజూ శాంసన్ మంచి భాగస్వామ్యం అందించారు. ఈ ఇద్దరు ఆటగాళ్లు భారత జట్టు స్కోరును 100 పరుగులు దాటించారు. ఆ తర్వాత సంజూ ఔటయ్యాడు. 25 బంతుల్లో 39 పరుగులు చేశాడు. శాంసన్ ఇన్నింగ్స్లో 3 సిక్సర్లు, 2 ఫోర్లు ఉన్నాయి.
శ్రీలంక జట్టుకు ఓపెనర్ పాతుమ్ నిసంక బలమైన ఇన్నింగ్స్ ఆడాడు. 53 బంతుల్లో 75 పరుగులు చేశాడు. నిశాంక ఇన్నింగ్స్లో 11 ఫోర్లు ఉన్నాయి. అదే సమయంలో కెప్టెన్ శంక తుఫాను ఇన్నింగ్స్ ఆడాడు. 19 బంతుల్లో 47 పరుగులతో నాటౌట్గా నిలిచాడు. ఓపెనర్ గుణతిలక చక్కటి సహకారం అందించాడు. 29 బంతుల్లో 38 పరుగులు చేశాడు.
జస్ప్రీత్ బుమ్రా, యుజువేంద్ర చాహల్లు టీమ్ఇండియాకు మంచి బౌలింగ్ చేశారు. బుమ్రా 4 ఓవర్లలో 24 పరుగులిచ్చి ఒక వికెట్ తీశాడు. అదే సమయంలో చాహల్ 4 ఓవర్లలో 27 పరుగులిచ్చి ఒక వికెట్ తీశాడు. వీరితో పాటు భువనేశ్వర్ కుమార్, రవీంద్ర జడేజా, హర్షల్ పటేల్ తలో వికెట్ తీశారు.
That’s that from the 2nd T20I.
74* from @ShreyasIyer15, 39 from @IamSanjuSamson
and a brilliant 18-ball 45* from @imjadeja as #TeamIndia seal the T20I series.Scorecard – https://t.co/ImBxdhXjSc #INDvSL @Paytm pic.twitter.com/ELvnJ3RrgN
— BCCI (@BCCI) February 26, 2022