Khushi : సమంత, విజయ్ దేవరకొండకి గాయాలు?.. మూవీ యూనిట్ క్లారిటీ

సమంత, విజయ్ ఈ సినిమా షూటింగ్ లో గాయపడ్డారని సమాచారం. కశ్మీర్‌లోని పహల్గామ్ ప్రాంతంలో ఓ స్టంట్ సీక్వెన్స్ చేస్తున్న సమయంలో వారికి గాయాలైనట్లు............

 

Vijay Devarakonda :  ప్రస్తుతం సమంత, విజయ్ దేవరకొండ కలిసి ఖుషి అనే ఓ లవ్ రొమాంటిక్ ఎంటర్టైనర్ సినిమా చేస్తున్న సంగతి తెలిసిందే. మైత్రి మూవీ మేకర్స్ నిర్మాణంలో శివ నిర్వాణ ఈ సినిమాని తెరకెక్కిస్తున్నాడు. గత నెల రోజులుగా కశ్మీర్లో లాంగ్ షెడ్యూల్ షూటింగ్ చేశారు. తాజాగా సోమవారం షూటింగ్ పూర్తయింది అంటూ శివ నిర్వాణ ఓ గ్రూప్ ఫోటో సోషల్ మీడియాలో షేర్ చేశారు. ప్రస్తుతానికి ఈ సినిమా షూట్ కి చిన్న బ్రేక్ ఇచ్చారు. త్వరలోనే సెకండ్ షెడ్యూల్ మొదలు పెడతారని తెలియచేశారు.

Pranitha : హీరోయిన్ ప్రణీత లేటెస్ట్ బేబీ బంప్ ఫోటోలు

అయితే సమంత, విజయ్ ఈ సినిమా షూటింగ్ లో గాయపడ్డారని సమాచారం. కశ్మీర్‌లోని పహల్గామ్ ప్రాంతంలో ఓ స్టంట్ సీక్వెన్స్ చేస్తున్న సమయంలో వారికి గాయాలైనట్లు తెలుస్తుంది. షూటింగ్ లో భాగంగా వీరిద్దరూ లిడర్ నదికి రెండు వైపులా కట్టిన తాడు బ్రిడ్జ్ పై వాహనం నడపవలసి వచ్చిందట. అయితే ఆ వాహనం అదుపు తప్పి కింద నీటిలో పడిపోవడంతో వీరికి గాయాలయ్యాయి. వెంటనే స్పందించిన చిత్ర యూనిట్‌ వీరికి చికిత్స అందించారట. ఆ బ్రిడ్జ్ హైట్ తక్కువగా ఉండటంతో విజయ్, సమంత చిన్న చిన్న గాయాలతో పెద్ద ప్రమాదం నుంచి తప్పించుకున్నారు అని అంటున్నారు. అయితే దీనిపై అభిమానులు చిత్ర యూనిట్ స్పందించాలని సోషల్ మీడియాలో కామెంట్స్ చేస్తున్నారు. తాజాగా ఈ ఘటనపై తాజాగా చిత్ర యూనిట్ స్పందిస్తూ సమంత, విజయ్ కి ఎలాంటి గాయాలు కాలేదని, వారు సేఫ్ గానే ఉన్నారని తెలిపారు. అభిమానులు పుకార్లు నమ్మి ఆందోళన చెందవద్దని..  మీడియాకు ప్రత్యేకంగా ఓ నోట్ రిలీజ్ చేశారు. టీం అంతా సక్సెస్ ఫుల్ గా కశ్మీర్ లో 30 రోజుల షూటింగ్ కంప్లీట్ చేసుకొని మే 23నే హైదరాబాద్ తిరిగి వచ్చిందనీ.. రెండో షెడ్యూల్ అతి త్వరలోనే మొదలు కానుందని చెప్పారు.