Zomato : జొమాటో షాకింగ్ డెసిషన్.. సేవలు పూర్తిగా బంద్
ప్రముఖ ఫుడ్ డెలివరీ సంస్థ జొమాటో కీలక నిర్ణయం తీసుకుంది. దేశవ్యాప్తంగా 225 చిన్న నగరాల్లో తమ సంస్థ సేవలు నిలిపివేసినట్లు ప్రకటించింది.
Zomato : ప్రముఖ ఫుడ్ డెలివరీ సంస్థ జొమాటో కీలక నిర్ణయం తీసుకుంది. దేశవ్యాప్తంగా 225 చిన్న నగరాల్లో తమ సంస్థ సేవలు నిలిపివేసినట్లు ప్రకటించింది. కంపెనీ మూడో త్రైమాసిక ఫలితాల విడుదల సందర్భంగా ఈ విషయాన్ని వెల్లడించింది జొమాటో. గ్రాస్ ఆర్డర్ విలువ 0.3 శాతం ఉన్న కారణంగా ఆయా నగరాల్లో సేవలు నిలిపివేస్తున్నట్లు జొమాటో తన నివేదికలో స్పష్టం చేసింది.
గత కొన్ని త్రైమాసికాలుగా 225 నగరాల్లో వ్యాపారం ప్రోత్సాహకరంగా లేదని, ప్రస్తుతం ఫుడ్ డెలివరీ మార్కెట్ లో నెలకొన్న ఈ మందగమనం ఎవరూ ఊహించలేనిదని తెలిపింది. ఇది తమ వ్యాపార వృద్ధి పెద్దగా ప్రభావం చూపించకపోవచ్చు.
కానీ, కంపెనీ నిర్దేశించుకున్న దీర్ఘకాల లక్ష్యాలను అందుకోవటం ఎంతో ముఖ్యమని తెలిపింది. అందుకే, ఈ నిర్ణయం తీసుకున్నట్లు వెల్లడించింది జొమాటో. సేవలు నిలిపివేసిన నగరాల జాబితాను మాత్రం జొమాటో వెల్లడించింది. అక్టోబర్, డిసెంబర్ త్రైమాసికంలో కంపెనీ 346.6 కోట్ల
రూపాయల నష్టాన్ని నమోదు చేసింది.
10TV LIVE : నాన్ స్టాప్ న్యూస్ అప్డేట్స్ కోసం 10TV చూడండి.
గత అక్టోబర్ నుంచి ఫుడ్ డెలివరీ రంగంలో వ్యాపారం మందకొడిగా సాగడమే ఇందుకు ప్రధాన కారణం అని జొమాటో భావిస్తోంది. ఈ ప్రభావం దేశవ్యాప్తంగా ఉన్నప్పటికీ.. ప్రధానంగా 8 నగరాల్లో ఎక్కువగా ఉందని నివేదికలో పేర్కొంది.