మగ ఉద్యోగులకు 24వారాల పేరెంటల్ లీవ్..వోల్వో కీలక నిర్ణయం

మగ వాళ్లకు కూడా పేరెంటల్ సెలవు తీసుకునేందుకు వీలు కల్పిస్తూ స్వీడన్‌ కార్ల తయారీ సంస్థ వోల్వో ఆశ్చర్యకరమైన నిర్ణయం తీసుకుంది.

Volvo మగ వాళ్లకు కూడా పేరెంటల్ సెలవు తీసుకునేందుకు వీలు కల్పిస్తూ స్వీడన్‌ కార్ల తయారీ సంస్థ వోల్వో ఆశ్చర్యకరమైన నిర్ణయం తీసుకుంది. తమ లింగ తటస్థ విధానం ‘ఫ్యామిలీ బాండ్’ ను బుధవారం వోల్వో సంస్థ ప్రకటించింది. ఈ విధానం ప్రకారం ఇప్పుడు మగ ఉద్యోగులు కూడా పేరెంటల్‌ లీవ్‌ పొందనున్నారు.

దీంతో భారతదేశంలోని మగ ఉద్యోగులకు మొత్తం జీతంలో 80 శాతం చొప్పున 24 వారాల (120 పనిదినాలు) పేరెంటల్‌ సెలవు పొందటానికి వీలు ఉంటుంది. ప్రసూతి ప్రయోజన (సవరణ) చట్టం, 2017 ప్రకారం మహిళా ఉద్యోగులు 26 వారాల పూర్తి చెల్లింపు ప్రసూతి సెలవులను కొనసాగిస్తారని వోల్వో కార్ ఇండియా ఒక ప్రకటనలో తెలిపింది. వోల్వో కార్ గ్లోబల్ ఆదేశాలకు అనుగుణంగా ఉండే ఈ విధానం భారతదేశంలోని అందరు తల్లులు, తండ్రులు, ఒకే సెక్స్ తల్లిదండ్రులు, పిల్లలను దత్తత తీసుకోవటానికి, సర్రోగసీ ద్వారా పెంపొందించడం భారతదేశంలోని అన్ని సాధారణ జీతాల (ఆన్-రోల్, ఫుల్‌ టైమ్‌) ఉద్యోగులకు వర్తిస్తుందని వోల్వో సంస్థ తన ప్రకటనలో తెలిపింది. వయస్సు లేదా వైవాహిక స్థితిపై పరిమితులు లేవు.

తల్లిదండ్రులు ఇద్దరూ తమ ప్రారంభ రోజుల్లో తమ పిల్లలతో కలిసి ఉండటానికి సమాన అవకాశాలను కల్పించడం ద్వారా సమగ్ర, విభిన్న సంస్కృతిని పెంపొందించడంలో కొత్త విధానం పెద్ద దశ అని వోల్వో కార్ ఇండియా మేనేజింగ్ డైరెక్టర్ జ్యోతి మల్హోత్రా తెలిపారు. తమ సంస్థ ఉద్యోగి స్నేహపూర్వక సంస్థ కావడంతో ఇద్దరు భాగస్వాములు తల్లిదండ్రుల ఆనందాలను పంచుకోవాలని, పిల్లలను పెంచుకునేటప్పుడు ఒకరికొకరు అందుబాటులో ఉండాలని నమ్ముతామని తెలిపారు.