Kamalapuram : రజినీకాంత్ స్టైల్‌లో బీడీ కాల్చిన వైసీపీ ఎమ్మెల్యే

మున్సిపల్ ఎన్నికల ప్రచారంలో కమలాపురం వచ్చిన మైదుకూరు వచ్చిన ఎమ్మెల్యే రఘురామిరెడ్డి రజినీకాంత్ స్టైల్‌లో బీడీ తాగి అందరిని ఆశ్చర్యపరిచారు.

Kamalapuram

Kamalapuram :  ఆంధ్రప్రదేశ్‌లో మున్సిపల్, కార్పొరేషన్ ఎన్నికల నగారా మోగిన విషయం విదితమే.. ఈ నెల మూడున నోటిఫికేషన్ విడుదల కాగా.. 14, 15, 16న ఎన్నికలు జరగనున్నాయి. ఇక ఈ నేపథ్యంలోనే అధికార ప్రతిపక్ష పార్టీల నేతలు ప్రచారం ముమ్మరం చేశారు. ఎన్నికలకు సమయం దగ్గర పడుతుండటంతో గడపగడపకు వెళ్లి ప్రచారం చేస్తున్నారు. దీనిలో భాగంగానే కమలాపురం మున్సిపాలిటీలో పర్యటించారు మైదుకూరు ఎమ్మెల్యే రఘురామిరెడ్డి.

చదవండి : Kuppam Municipal Election: అధికార, ప్రతిపక్షాల ఎత్తుగడలు.. హీట్ పెంచేస్తున్న కుప్పం!

ఈ సందర్బంగా చేతివృత్తి కార్మికులతో మాట్లాడారు. బీడీకార్మికులు అధికంగా ఉండే ప్రాంతంలో ప్రచారం నిర్వహించిన ఎమ్మెల్యే అక్కడ వారి కష్టాలు అడిగి తెలుసుకున్నారు. ఈ సందర్భంగా ఆయన రజినీకాంత్ స్టైల్లో బీడీ వెలిగించి పొగవదిలారు. అనంతరం ఎమ్మెల్యే మాట్లాడుతూ.. కష్టపడి పనిచేస్తున్న బీడీ కార్మికులను ఉత్సాహపరిచేందుకే సరదాగా తాను బీడీ వెలిగించానని అన్నారు.

చదవండి : MLC Elections : ఎమ్మెల్యే కోట ఎమ్మెల్సీ ఎన్నికలకు నేడే నోటిఫికేషన్

పొగతాగటం తగ్గించటం ఉత్తమం అని అక్కడి వారికి సూచించారు. ఎమ్మెల్యే బీడీ పొగలు గుమ్ములుగా విడ‌వ‌డం చూసి అక్కడ ఉన్న వారు అంతా ఆశ్చర్యానికి గురయ్యారు.