UPI PIN Change : ఇక డెబిట్ కార్డుతో పనిలేదు.. UPI PIN మార్చుకోవడం వెరీ ఈజీ.. కేవలం 10 నిమిషాల్లోనే..!
UPI PIN Number : యూపీఐ యూజర్లు డెబిట్ కార్డ్ లేకుండానే మీ UPI పిన్ మార్చుకోండి. ఈ సులభమైన పద్ధతిని ఓసారి ట్రై చేయండి.
- Published By: 10TV Digital Team ,Published On : November 25, 2025 / 05:15 PM IST
UPI PIN Number
UPI PIN Change : యూపీఐ యూజర్లకు గుడ్ న్యూస్.. ఇకపై యూపీఐ పిన్ డెబిట్ కార్డు లేకుండానే మార్చుకోవచ్చు. ఇప్పటివరకూ యూపీఐ లావాదేవీల విషయంలో 4 అంకెలు లేదా 6 అంకెల పిన్ తప్పనిసరిగా ఇవ్వాల్సి ఉండేది. లేదంటే లావాదేవీ చేయలేం.
మీ ఫోన్ వేరొకరి చేతుల్లోకి వెళ్లినా లావాదేవీ చేయలేరు. అందుకే యూపీఐ పిన్ డెబిట్ కార్డ్ ద్వారా సెట్ చేసుకోవచ్చు. యూపీఐ క్రమం తప్పకుండా ఉపయోగించే యూజర్లు తమ పిన్‌ను మార్చుకోవాలని నిపుణులు సూచిస్తున్నారు. తద్వారా చీటింగ్ జరిగే అవకాశాలు తగ్గుతాయి.
డెబిట్ కార్డ్ లేకుండా యూపీఐ పిన్ మార్చడం లేదా సెట్ చేయడం అవకాశం లేదు. ప్రస్తుతం, నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఆధార్ కార్డ్ ద్వారా UPI పిన్ సెట్ చేసుకునే సౌకర్యాన్ని ప్రవేశపెట్టింది. ఫలితంగా, యూపీఐ వినియోగదారులు ఇప్పుడు డెబిట్ కార్డ్ లేకుండా యూపీఐ పిన్ మార్చుకోవచ్చు. యూపీఐ పేమెంట్ సిస్టమ్ ఎక్కువ మంది యూజర్లు వినియోగించుకునేలా ఈ సిస్టమ్ ప్రవేశపెట్టారు.
అయితే, ఇందుకోసం మీ ఫోన్ నంబర్‌ను ఆధార్ కార్డుతో లింక్ చేయాలి. అదనంగా, అదే ఫోన్ నంబర్‌ను బ్యాంక్ అకౌంటుతో కూడా లింక్ చేయాలి. అప్పుడే యూజర్ ఆధార్ కార్డు ద్వారా యూపీఐ పిన్ సెట్ చేసుకోవచ్చు. ఒక్కమాటలో చెప్పాలంటే.. అదే మొబైల్ నంబర్‌ను బ్యాంకు ఆధార్ కార్డుతో రిజిస్టర్ చేసుకోవాలి. అప్పుడు మీ యూపీఐ పిన్ మార్చడానికి లేదా సెట్ చేసేందుకు మీకు ఇకపై డెబిట్ కార్డ్ అవసరం ఉండదు.
డెబిట్ కార్డ్ లేకుండా UPI పిన్ ఎలా మార్చాలి? :
- మీ UPI యాప్‌ ఓపెన్ చేసి మీ బ్యాంక్ అకౌంట్ వివరాలను యాడ్ చేయండి.
- మీ బ్యాంక్ అకౌంట్ కోసం UPI పిన్‌ను సెట్ చేసే ఆప్షన్ ఎంచుకోండి.
- మీకు డెబిట్ కార్డ్ ఆధార్ OTP రెండు ఆప్షన్లు కనిపిస్తాయి.
- మీ UPI పిన్ సెట్ కోసం ఆధార్ OTP ఎంచుకోండి. ఆపై Allow ఇవ్వండి.
- మీ ఆధార్ నంబర్ ఫస్ట్ 6 అంకెలను ఎంటర్ చేయండి. వెరిఫికేషన్ చేయండి.
- మీ బ్యాంక్-రిజిస్టర్డ్ మొబైల్ నంబర్‌కు OTP (వన్-టైమ్ పాస్‌వర్డ్) వస్తుంది.
- OTPని ఎంటర్ చేసి Confirm క్లిక్ చేయండి.
- వెరిఫికేషన్ తర్వాత మీరు కొత్త UPI పిన్ సెట్ చేసుకోవచ్చు.
- మీ కొత్త పిన్ ఎంటర్ చేసి సమర్పించండి.
- మీ కొత్త UPI పిన్ సెట్ అయినట్టే.
