Gold Price: పడిపోతున్న గోల్డ్ రేటు.. వరుసగా రెండోరోజు భారీగా తగ్గిన బంగారం ధర.. కారణాలు ఇవే.. హైదరాబాద్‌లో తులం రేటు ఎంతో తెలుసా..

బంగారం కొనుగోలుదారులకు భారీ ఊరట లభించింది. గడిచిన నాలుగు రోజులుగా గోల్డ్ రేటు భారీగా తగ్గుతూ వస్తోంది.

Gold

Gold Price: బంగారం కొనుగోలుదారులకు భారీ ఊరట లభించింది. గడిచిన నాలుగు రోజులుగా గోల్డ్ రేటు భారీగా తగ్గుతూ వస్తోంది. శని, సోమవారాల్లో బంగారం ధర తగ్గగా.. ఇవాళ కూడా గోల్డ్ రేటు భారీగా తగ్గింది.

మంగళవారం ఉదయం నమోదైన వివరాల ప్రకారం.. 10గ్రాముల 24 క్యారెట్ల బంగారంపై రూ. 880 తగ్గగా.. 22 క్యారెట్ల బంగారంపై రూ. 800 తగ్గింది. దీంతో గడిచిన నాలుగు రోజుల్లో తులం బంగారంపై సుమారు రూ.2వేలు తగ్గింది. అంతర్జాతీయ మార్కెట్లో గోల్డ్ రేటు పెరిగింది. ఔన్సు గోల్డ్ పై పది డాలర్లు పెరిగిది. తద్వారా ఔన్సు గోల్డ్ 3,353 డాలర్ల వద్ద కొనసాగుతుంది. మరోవైపు భారతదేశంలో వెండి ధర ఇవాళ భారీగా తగ్గింది. కిలో వెండిపై రూ.2వేలు తగ్గింది.

రష్యా-యుక్రెయిన్ వివాదానికి ముగింపు పలికే దిశగా పరిస్థితులు కనిపిస్తుండటంతో బంగారంకు డిమాండ్ తగ్గింది. అమెరికా అధ్యక్షుడు డొనాల్డ్ ట్రంప్, రష్యా అధ్యక్షుడు పుతిన్ మధ్య ఆగస్టు 15న అలాస్కాలో సమావేశం జరగనుంది. ఇందులో ఇద్దరూ యుద్ధం ముగించడంపై చర్చించనున్నారు. ఈ చర్చలు ఫలిస్తే బంగారం ధర మరింత పడిపోయే అవకాశం ఉందని నిపుణులు అంచనా వేస్తున్నారు. ఇదే సమయంలో భారత్ పైనా ట్రంప్ సుంకాలు తగ్గించే అవకాశం ఉంది. అది జరిగితే గోల్డ్ రేటు మరింత తగ్గుతుందని నిపుణుల అంచనా.
వరుసగా బంగారం ధర భారీగా తగ్గిన నేపథ్యంలో ఇవాళ భారతదేశంలోని ప్రధాన నగరాల్లో తులం బంగారం ధర, కిలో వెండి ధర ఎంతఉందో ఓసారి తెలుసుకుందాం..

తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర భారీగా తగ్గింది.
♦ హైదరాబాద్‌, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధ‌ర రూ.92,950 చేరగా.. 24 క్యారట్ల ధర రూ.1,01,400కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.93,100కు చేరగా.. 24 క్యారట్ల ధర రూ. 1,01,550కు చేరింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధ‌ర రూ.92,950 కాగా.. 24క్యారెట్ల ధర రూ.1,01,400కు చేరింది.

వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర భారీగా తగ్గింది. కిలో వెండిపై రూ.2వేలు తగ్గింది. దీంతో ఆయా నగరాల్లో కిలో వెండి ధర రూ.1,25,000 వద్ద కొనసాగుతుంది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,15,000 వద్దకు చేరింది.
♦ చెన్నైలో కిలో వెండి ధర రూ. 1,25,00 వద్ద కొనసాగుతుంది.

గమనిక​ : పైన పేర్కొన్న ధరలు ఉదయం మార్కెట్​ ప్రారంభంలో ఉన్నవి మాత్రమే. ఈ గోల్డ్​, సిల్వర్​ రేట్లు మారుతూ ఉంటాయి. గమనించగలరు.