Gold Rate: బంగారం కొనుగోలుకు ఇదే మంచి సమయం..! వరుసగా నాల్గోరోజు తగ్గిన గోల్డ్ రేటు.. హైదరాబాద్, విజయవాడలో అయితే..

బంగారం ధరలు నాలుగు రోజులుగా తగ్గుతూ వస్తున్నాయి. గడిచిన మూడు రోజుల్లో 24క్యారట్ల 10గ్రాముల గోల్డ్ పై..

gold

Gold And Silver Price: బంగారం కొనుగోలుదారులకు గుడ్ న్యూస్. అంతర్జాతీయంగా చోటు చేసుకుంటున్న పరిణామాల నేపథ్యంలో ఇన్నాళ్లు ఆకాశమే హద్దుగా దూసుకెళ్లిన బంగారం ధరలు నేలకు దిగొస్తున్నాయి. నాలుగు రోజులుగా వరుసగా గోల్డ్ రేటు తగ్గుతూ వస్తుంది. శనివారం కూడా బంగారం ధర తగ్గింది.

ఉదయం నమోదైన వివరాల ప్రకారం.. 10గ్రాముల 24క్యారట్ల ధర రూ. 220 తగ్గగా.. 22 క్యారట్ల బంగారంపై రూ. 200 తగ్గింది. అయితే, గడిచిన నాలుగు రోజులుగా 10గ్రాముల 24 క్యారట్ల గోల్డ్ పై రూ. 1470 తగ్గుదల చోటు చేసుకుంది. అయితే, మార్చి నెలలో బంగారం రేటు మరింత తగ్గే అవకాశాలు ఉన్నట్లు ఎక్స్ పర్ట్స్ అంచనా వేస్తున్నారు. ఇదిలాఉంటే వెండి ధరలో ఇవాళ ఎలాంటి మార్పులు చోటు చేసుకోలేదు. దీంతో తెలుగు రాష్ట్రాల్లోని హైదరాబాద్, విజయవాడ, విశాఖపట్టణం వంటి ప్రధాన నగరాలతోపాటు దేశంలోని ప్రధాన నగరాల్లో ఇవాళ్టి బంగారం, వెండి ధరలను ఓసారి తెలుసుకుందాం.

తెలుగు రాష్ట్రాల్లో ఇవాళ్టి ధరలు ..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో బంగారం ధర తగ్గింది.
♦ హైదరాబాద్‌, విజయవాడ, విశాఖపట్నంలో.. 10 గ్రాముల 22 క్యారట్ల ప‌సిడి ధ‌ర రూ.79,400కు చేరగా.. 24 క్యారట్ల ధర రూ.86,620 వద్ద కొనసాగుతుంది.

దేశవ్యాప్తంగా ఇవాళ్టి బంగారం ధరలను పరిశీలిస్తే..
♦ ఢిల్లీలో 22 క్యారట్ల 10 గ్రాముల బంగారం ధర రూ. 79,550 కాగా.. 24 క్యారట్ల ధర రూ.86,770గా నమోదైంది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధ‌ర రూ. 79,400 కాగా.. 24 క్యారెట్ల ధర రూ.86,620 వద్ద కొనసాగుతుంది.

వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధరలో ఎలాంటి మార్పులు చోటు చేసుకోలేదు. దీంతో ఆయా నగరాల్లో కిలో వెండి ధర రూ.1,05,000 వద్దకు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండిపై రూ.3వేలు తగ్గింది. దీంతో ఆయా నగరాల్లో కిలో వెండి ధర రూ.97,000 వద్ద కొనసాగుతుంది.
♦ చెన్నైలో కిలో వెండి ధర రూ. 1,05,000గా నమోదైంది.