Gold Rate: బంగారం ధర దిగొస్తుందోచ్.. మూడ్రోజుల్లో భారీగా తగ్గిన గోల్డ్ రేటు.. ఏప్రిల్ నెలలో మరింత తగ్గబోతుందా..

బంగారం కొనుగోలు చేసేందుకు సిద్ధమైన వారికి శుభవార్త. గోల్డ్ రేటు క్రమంగా తగ్గుతోంది.

Gold

Gold And Silver Price: బంగారం కొనుగోలు చేసేందుకు సిద్ధమైన వారికి శుభవార్త. గోల్డ్ రేటు క్రమంగా తగ్గుతోంది. బంగారం ధర గడిచిన ఏడాది కాలంగా పెరుగుతూ, తగ్గుతూ వచ్చింది. ముఖ్యంగా ఈ ఫిబ్రవరి నెల నుంచి గోల్డ్ రేటు ఎక్కువగా పెరిగింది. అయితే, గడిచిన మూడు రోజుల్లో బంగారం, వెండి ధరలు భారీగా తగ్గుముఖం పట్టాయి. దీంతో కొనుగోలుదారులకు ఊరట లభిస్తుంది.

అంతర్జాతీయంగా ఉద్రిక్తత పరిస్థితులు సద్దుమణుగుతుండటం, ఇన్వెస్టర్లు తమ పెట్టుబడులను మళ్లీ మార్కెట్లోకి తరలిస్తుండటంతో బంగారం ధరలు తగ్గుముఖం పడుతున్నాయని నిపుణులు చెబుతున్నారు. అంతర్జాతీయ పరిస్థితులు, డిమాండ్ సప్లయ్ మధ్య తేడాలు కూడా ధరలు స్వల్పంగా తగ్గడానికి ఒక కారణమని అంటున్నారు. అయితే, ఏప్రిల్ నెలలోనూ బంగారం, వెండి ధరలు తగ్గే అవకాశం ఉంటుందని నిపుణులు అంచనా వేస్తున్నారు.

ఈనెల ప్రారంభంలో 10గ్రాముల 24క్యారట్ల బంగారం ధర 86,840కి, 22 క్యారట్ల బంగారం ధర రూ.70,600కు చేరింది. అప్పటి నుంచి గోల్డ్ రేట్లు పెరుగుతూ వచ్చాయి. దీనికి కారణం అమెరికా అధ్యక్షుడు డొనాల్డ్ ట్రంప్ వాణిజ్య యుద్ధం పేరిట ఇతర దేశాలపై సుంకాలు పెంచడంతో ప్రపంచ వ్యాప్తంగా స్టాక్ మార్కెట్లు దెబ్బతిన్నాయి. దీంతో ఇన్వెస్టర్లు తమ డబ్బును భారీ మొత్తంలో గోల్డ్ పై ఇన్వెస్ట్ చేయడంతో బంగారం ధర భారీగా పెరగడం ప్రారంభమైంది. ప్రస్తుతం మార్కెట్లు రికవరీ బాట పట్టడంతో బంగారం ధరలు తగ్గుముఖం పడుతున్నాయి. ఈ క్రమంలో గడిచిన మూడ్రోజుల్లో గోల్డ్ రేటు భారీగా తగ్గింది.

గురువారం 24క్యారట్ల 10గ్రాముల బంగారం ధర రూ.220 మేరకు పెరిగి.. రూ.90,660కి చేరింది. అదేవిధంగా 22 క్యారెట్ల గోల్డ్ ధర రూ.200 పెరిగి రూ. 83,100కు చేరింది. అయితే, శుక్ర, శని, ఆదివారాల్లో బంగారం ధరలు తగ్గాయి. మూడు రోజుల్లో 24క్యారట్ల గోల్డ్ పై రూ.880 తగ్గింది. అయితే, ప్రస్తుతం అంతర్జాతీయ మార్కెట్లు రికవరీ బాట పట్టడంతో బంగారం ధరలు తగ్గుముఖం పడుతున్నాయి. అంతర్జాతీయ మార్కెట్లలో ఇదే పరిస్థితి ఉంటే.. ఏప్రిల్ నెలలోనూ గోల్డ్ రేటు భారీగా తగ్గుముఖం పట్టేందుకు అవకాశం ఉందని మార్కెటల్ వర్గాలు పేర్కొంటున్నారు.