iPhone 16e Price : వావ్.. ఆఫర్ అదిరింది.. ఫ్లిప్‌కార్ట్‌లో ఐఫోన్ 16e అతి తక్కువ ధరకే.. ఇది కదా డీల్ అంటే..!
iPhone 16e Price : ఆపిల్ ఐఫోన్ 16e ఫోన్ ధర తగ్గిందోచ్.. సరసమైన ధరకే ఫ్లిప్‌కార్ట్‌లో కొనేసుకోవచ్చు. ఇలాంటి డీల్ మళ్లీ దొరకదు..
- Published By: 10TV Digital Team ,Published On : June 24, 2025 / 12:03 PM IST
iPhone 16e Price
iPhone 16e Price : కొత్త ఆపిల్ ఐఫోన్ కొంటున్నారా? ఐఫోన్ 15 ప్రో మోడల్స్ లేదా ఐఫోన్ 16 లైనప్‌ ఏదైనా కొనేసుకోవచ్చు. అయితే, ఆపిల్ ఇంటెలిజెన్స్ ఫీచర్లతో కొత్త ఐఫోన్ (iPhone 16e Price) కావాలంటే మాత్రం ఐఫోన్ 16e తీసుకోవాల్సిందే.. ఈ హ్యాండ్‌సెట్ ప్రీమియం డిజైన్, యాక్షన్ బటన్, పవర్‌ఫుల్ A18 చిప్‌సెట్‌ను కలిగి ఉంది.
ఫ్లిప్‌కార్ట్‌లో బ్యాంక్ ఆఫర్లు, ధర తగ్గింపుతో రూ. 9వేలు డిస్కౌంట్ అందిస్తోంది. రూ.59,900 ధరకు లాంచ్ అయిన ఈ ఐఫోన్ 16e మోడల్ ఆపిల్ ఇంటెలిజెన్స్, ఫేస్‌ ఐడీ, ఇతర ఫీచర్లతో అత్యంత సరసమైన వేరియంట్‌గా అందుబాటులో ఉంది. ఈ డీల్ ఎలా పొందాలంటే?
ఫ్లిప్‌కార్ట్‌లో ఐఫోన్ 16e ధర :
ప్రస్తుతం ఫ్లిప్‌కార్ట్‌లో ఆపిల్ ఐఫోన్ 16e రూ.54,900కి అందుబాటులో ఉంది. లాంచ్ ధరపై రూ.5వేలు తగ్గింపు పొందవచ్చు. కస్టమర్లు ఎంపిక చేసిన బ్యాంక్ కార్డులపై రూ.4వేలు తగ్గింపు పొందవచ్చు. ధర రూ.50,900 కన్నా తగ్గుతుంది. నో-కాస్ట్ ఈఎంఐ ఆప్షన్ కూడా ఎంచుకోవచ్చు. మీ పాత ఐఫోన్ కొత్త ఐఫోన్ 16e కోసం ఎక్స్ఛేంజ్ చేయాలనుకుంటే.. ఫోన్ మోడల్, వర్కింగ్ కండిషన్, వేరియంట్ ఆధారంగా రూ. 41,600 వరకు ఎక్స్ఛేంజ్ వాల్యూను పొందవచ్చు.
ఆపిల్ ఐఫోన్ 16e స్పెసిఫికేషన్లు (iPhone 16e Price) :
ఆపిల్ ఐఫోన్ 16e మోడల్ 6.1-అంగుళాల OLED 460ppi సూపర్ రెటినా XDR డిస్‌ప్లేను కలిగి ఉంది. 1200 నిట్స్ గరిష్ట ప్రకాశాన్ని అందిస్తుంది. HDR, ట్రూ టోన్, సిరామిక్ షీల్డ్ ప్రొటెక్షన్ కూడా కలిగి ఉంది. ఈ ఐఫోన్ పవర్‌ఫుల్ A18 చిప్‌సెట్‌తో సపోర్టు ఇస్తుంది. iOS 18.4పై రన్ అవుతుంది. IP68-సర్టిఫైడ్ కూడా కలిగి ఉంది. ఈ ఐఫోన్ 26 గంటల వరకు వీడియో ప్లేబ్యాక్‌ను అందిస్తుంది.
కెమెరా విషయానికొస్తే.. ఈ ఐఫోన్ OISతో 48MP వైడ్-యాంగిల్ కెమెరా, 2x ఆప్టికల్ జూమ్, 4K 60fps వద్ద డాల్బీ విజన్‌తో HDR వీడియో రికార్డింగ్ ఉన్నాయి. 30 fps వద్ద 4K HDR వరకు సపోర్టుతో సినిమాటిక్ మోడ్‌ను కలిగి ఉంది. ఈ ఐఫోన్ ఫ్రంట్ సైడ్ 12MP సెల్ఫీ షూటర్‌ను కలిగి ఉంది. 60fps వద్ద 4K వరకు రికార్డింగ్‌కు సపోర్టు ఇస్తుంది.
