IRCTC Refund Rules : మీ ట్రైన్ ఆలస్యమైనా AC పనిచేయకున్నా.. టికెట్ క్యాన్సిల్ చేసినా? TDR ఎలా ఫైల్ చేయాలి? రీఫండ్ ఎలా పొందాలంటే? స్టెప్ బై స్టెప్ ప్రాసెస్..!
IRCTC Refund Rules : రైలు టికెట్ బుకింగ్ చేసుకున్నాక కొన్ని అనివార్య పరిస్థితుల్లో టికెట్ క్యాన్సిల్ చేసుకోవాలి.. రద్దు ఛార్జీలతో TDR ఫైల్ ఎలా చేయాలో పూర్తి ప్రక్రియను తెలుసుకుందాం.
- Published By: 10TV Digital Team ,Published On : December 7, 2025 / 02:29 PM IST
IRCTC Refund Rules
IRCTC Refund Rules : పండుగ సీజన్లో రైలు టికెట్ బుకింగ్స్ ఎక్కువగా ఉంటాయి. చాలామంది ప్రయాణికులు IRCTC యాప్ లేదా పోర్టల్ ద్వారా ముందుగానే టిక్కెట్లు బుక్ చేసుకుంటారు. అయితే, కొన్నిసార్లు, అత్యవసర పరిస్థితుల్లో సెలవు లేకపోవడం, ప్రయాణ తేదీలను మార్చడం, వెయిటింగ్ లిస్ట్లో టికెట్ ఉండటం లేదా రైలు రద్దు వంటి కారణాలతో చివరి నిమిషంలో టిక్కెట్లను రద్దు చేయాల్సి ఉంటుంది.
మీరు ప్రయాణించే రైలు ఆలస్యమైనా లేదా అందులో ఏసీ పనిచేయకపోవడం వంటి ఏదైనా కారణాలతో కూడా టీడీఆర్ ఫైల్ చేయొచ్చు. ఇలాంటి పరిస్థితుల్లో ప్రతి ప్రయాణికుడు టికెట్ క్యాన్సిల్ రీఫండ్కు సంబంధించిన రూల్స్ తప్పక అర్థం చేసుకోవాలి. టికెట్ రద్దు చేస్తే రీఫండ్ ఎంత వస్తుంది? ఎలా పొందాలి అనే పూర్తి వివరాలను ఇప్పుడు తెలుసుకుందాం..
టికెట్ క్యాన్సిల్ రూల్స్ ఏంటి? :
- ఐఆర్సీటీసీ యాప్ లేదా పోర్టల్ ద్వారా బుక్ చేసుకున్న రైలు టిక్కెట్లను ఆన్లైన్లో క్యాన్సిల్ చేసుకోవచ్చు. రైల్వే నిబంధనల ప్రకారం మీకు రీఫండ్ లభిస్తుంది.
- రైలు బయల్దేరడానికి 48 గంటల కన్నా ముందు కన్ఫర్మ్ టికెట్ క్యాన్సిల్ చేసుకుంటే.. ఎగ్జిక్యూటివ్ క్లాస్కు రూ. 240 + GST AC చైర్ కార్కు రూ. 180 + GST ఛార్జీ విధిస్తారు.
- బయల్దేరడానికి 48 గంటల నుంచి 12 గంటల ముందు టికెట్ క్యాన్సిల్ చేస్తే.. అన్ని AC క్లాసులకు ఛార్జీలో 25శాతం రుసుము వర్తిస్తుంది. ఈ రుసుము కనీస క్యాన్సిల్ ఛార్జీ GSTకి అదనంగా ఉంటుంది.
- రైలు బయల్దేరడానికి 12 గంటల నుంచి 4 గంటల ముందు టికెట్ క్యాన్సిల్ చేస్తే.. అన్ని AC క్లాసులకు 50శాతం ఛార్జీతో పాటు కనీస క్యాన్సిల్ ఛార్జీ GST వసూలు చేస్తారు.
- రైలు బయల్దేరడానికి 4 గంటల ముందు వరకు టికెట్ రద్దు చేయకపోతే లేదా TDR ఆన్లైన్లో ఫైల్ చేయకపోతే కన్ఫార్మ్ టికెట్లకు కూడా రీఫండ్ రాదు.
వెయిటింగ్ టికెట్ క్యాన్సిలేషన్ రూల్స్ :
వెయిట్లిస్ట్ టికెట్ను ఆన్లైన్లో క్యాన్సిల్ చేసుకుంటే.. రైల్వేలు ప్రతి ప్రయాణీకుడికి రూ. 20 జీఎస్టీని తిరిగి చెల్లిస్తాయి. అయితే, రైలు బయలుదేరిన 4 గంటలలోపు రద్దు చేయాలి. ప్రారంభ చార్ట్ తయారీ తర్వాత టికెట్ వెయిట్లిస్ట్ జాబితాలో ఉంటే.. ప్రయాణీకుడు క్యాన్సిల్ చేయాల్సిన అవసరం లేదు. ఆటోమాటిక్గా క్యాన్సిల్ అవుతుంది. పూర్తి రీఫండ్ ఎలాంటి డిస్కౌంట్లు లేకుండా అకౌంట్లలో డిపాజిట్ అవుతుంది.
కన్ఫార్మ్ కానీ టిక్కెట్ల రద్దు రూల్స్ :
పార్టీ ఇ-టికెట్ లేదా ఫ్యామిలీ ఇ-టికెట్లోని కొంతమంది ప్రయాణీకులకు టిక్కెట్లు కన్ఫార్మ్ అయి ఉంటే మరికొందరు వెయిటింగ్ లిస్ట్లలో ఉంటే రూల్స్ భిన్నంగా ఉంటాయి. ఈ పరిస్థితిలో టికెట్ రద్దు అయినా లేదా రైలు బయలుదేరడానికి 4 గంటల ముందు వరకు TDR ఫైల్ చేయకపోతే.. కన్ఫార్మ్ అయిన ప్రయాణీకులకు పూర్తి ఛార్జీ రీఫండ్ కూడా లభిస్తుంది.
కానీ, ప్రతి ప్రయాణీకుడికి రూ. 20 + జీఎస్టీ రుసుము తొలగిస్తారు. మొదటి చార్ట్ తయారీ తర్వాత రైలు బయల్దేరడానికి 30 నిమిషాల ముందు టికెట్ రద్దు అయితే.. కన్ఫార్మ్ ప్రయాణీకులకు ఎలాంటి తగ్గింపులు లేకుండా ఫుల్ రీఫండ్ లభిస్తుంది. ఫస్ట్ రిజర్వేషన్ చార్ట్ ఇప్పుడు రైలు బయల్దేరడానికి 8 గంటల ముందు రెడీ అవుతుంది.
రైలు 3 గంటల కన్నా ఎక్కువ ఆలస్యమైతే రూల్స్ :
రైలు షెడ్యూల్ చేసిన సమయం కన్నా 3 గంటలకు పైగా ఆలస్యమైతే ప్రయాణీకుడు ప్రయాణించకపోతే.. పూర్తిగా లేదా పాక్షికంగా కన్ఫార్మ్ టిక్కెట్లు ఉన్న ప్రయాణీకులందరికీ ఎలాంటి ఛార్జీలు లేకుండా పూర్తి ఛార్జీని తిరిగి చెల్లిస్తారు.
టికెట్ క్యాన్సిలేషన్ ప్రాసెస్ ఏంటి? :
- IRCTC యాప్ లేదా వెబ్సైట్ (www.irctc.co.in)లోకి లాగిన్ అవ్వండి.
- మెనూకి వెళ్లి ‘Booked Tickets’ లేదా ‘My Transactions’ సెక్షన్ ఓపెన్ చేయండి.
- లిస్ట్ నుంచి మీరు క్యాన్సిల్ చేయాలనుకునే టికెట్ను ఎంచుకోండి.
- టికెట్ పేజీలో ‘Ticket Cancel’ బటన్పై క్లిక్ చేయండి.
- పార్టీ లేదా ఫ్యామిలీ ఇ-టికెట్ అయితే, క్యాన్సిల్ ప్యాసెంజర్స్ ఆప్షన్ ఎంచుకోండి.
- ఇప్పుడు టికెట్ రద్దును కన్ఫార్మ్ చేయండి.
- రద్దు ఛార్జీలు, రీఫండ్ అంచనా మొత్తం స్క్రీన్పై కనిపిస్తాయి.
- రద్దు తర్వాత రీఫండ్ మొత్తం IRCTC సిస్టమ్ ప్రకారం ప్రాసెస్ అవుతుంది.
- కాల్ చేయడం ద్వారా మీ టికెట్ను Cancel చేసుకోవచ్చు.
మీరు రైల్వే హెల్ప్లైన్ నంబర్ 139కు కాల్ చేయడం ద్వారా కూడా మీ టికెట్ను రద్దు చేసుకోవచ్చు. మీ రిజిస్టర్డ్ మొబైల్ నంబర్ నుంచి 139కు కాల్ చేయండి. ఈ నంబర్ మీరు టికెట్ బుక్ చేసుకునేటప్పుడు అందించిన నంబర్ మాత్రమే ఉండాలి. ఆ తర్వాత IVR మెనూలో ‘ఆప్షన్ 4 టికెట్ క్యాన్సిలేషన్’ ఆప్షన్ ఎంచుకోండి. మీ PNR రైలు వివరాలను ఎంటర్ చేసి OTPతో క్యాన్సిల్ చేసుకోవచ్చు.
IRCTCలో TDR ఎలా ఫైల్ చేయాలి? :
- ఐఆర్సీటీసీ వెబ్సైట్లో (www.irctc.co.in)లోకి లాగిన్ అవ్వండి.
- My Account > My Transactions > File TDR ఆప్షన్కు వెళ్లండి.
- మీరు TDR ఫైల్ చేసేందుకు సంబంధిత PNR నెంబర్ ఎంచుకోండి.
- డ్రాప్డౌన్ లిస్ట్ నుంచి TDR ఫైల్ కోసం అవసరమైన కారణాన్ని ఎంచుకోండి.
- క్లెయిమ్ కోసం ప్రయాణీకుల సంఖ్యను ఎంచుకోండి.
- ‘File TDR’ బటన్పై క్లిక్ చేయండి.
- సూచనలను చదవండి.. కన్ఫార్మ్ ‘Yes’ పై క్లిక్ చేయండి.
- ఆ తర్వాత మీకు Successfull మెసేజ్ డిస్ప్లే అవుతుంది.
ప్రతి TDR క్లెయిమ్కు నిర్దిష్ట సమయ పరిమితులు ఉన్నాయి. ఉదాహరణకు.. మీ రైలు 3 గంటల కన్నా ఎక్కువ ఆలస్యమై, మీరు ప్రయాణించకపోతే ట్రైన్ బయలుదేరే సమయానికి ముందే TDRను ఫైల్ చేయాలి.
ఏయే సందర్భాల్లో టీడీఆర్ ఫైల్ చేయొచ్చు అనేది ఇప్పుడు తెలుసుకుందాం..
1. రైలు 3 గంటలకు పైగా ఆలస్యంగా వచ్చి ప్రయాణీకుడు ప్రయాణించలేదంటే.. బోర్డింగ్ స్టేషన్ వద్ద రైలు బయలుదేరే సమయం వరకు
2. సరైన కోచ్ లేకపోవడం లేదా ఛార్జీలో తేడా (లోయర్ క్లాస్లో ప్రయాణం) – 2 రోజుల వరకు (సర్టిఫికెట్ జారీ చేసిన రోజు మినహా)
3. AC ఫెయిల్ – ప్రయాణీకుల డిస్టినేషన్ స్టేషన్కు చేరుకునే సమయం నుంచి 20 గంటలలోపు మాత్రమే టీడీఆర్ ఫైల్ చేయొచ్చు.
4. కన్ఫార్మ్ టికెట్ ప్రయాణీకులందరూ ప్రయాణించకపోవడం.. బోర్డింగ్ స్టేషన్లో షెడ్యూల్ ట్రైన్ 4 గంటల ముందు వరకు
5. రైలు మరో మార్గంలో వెళ్లడం.. ప్రయాణీకుడు ప్రయాణించకపోవడం.. బోర్డింగ్ స్టేషన్ వద్ద బయలుదేరే సమయం నుంచి 72 గంటల వరకు
6. రైలు దారి మళ్లింపు.. బోర్డింగ్ స్టేషన్ మీదుగా వెళ్లలేదు.. బోర్డింగ్ స్టేషన్ వద్ద బయలుదేరే సమయం నుంచి 72 గంటల వరకు
7. పార్టీ పాక్షికంగా కన్ఫార్మ్/వెయిట్లిస్ట్ & వెయిట్లిస్ట్ ప్రయాణీకులు ప్రయాణించకపోవడం.. డెస్టినేషన్ స్టేషన్కు చేరుకున్న 72 గంటల వరకు
8. పార్టీ పాక్షికంగా కన్ఫర్మ్/వెయిట్లిస్ట్, అందరు ప్రయాణీకులు ప్రయాణించకపోవడం.. బోర్డింగ్ స్టేషన్ వద్ద బయలుదేరడానికి 30 నిమిషాల ముందు వరకు
9. ప్రయాణీకుడు లోయర్ క్లాసులో జర్నీ, ఛార్జీలో వ్యత్యాసం ఉంటే.. 2 రోజుల వరకు (సర్టిఫికెట్ జారీ చేసిన రోజు మినహా)
10. పార్టీ పాక్షికంగా ప్రయాణం.. (పాక్షికంగా వాడిన టిక్కెట్పై రీఫండ్).. బోర్డింగ్ స్టేషన్ వద్ద బయలుదేరే సమయం నుంచి 72 గంటల వరకు
11. లోయర్ క్లాసులో రిజర్వేషన్ ప్రయాణించిన సందర్భాల్లో.. బోర్డింగ్ స్టేషన్ వద్ద ట్రైన్ బయలుదేరినప్పటి నుంచి 3 గంటలలోపు
12. కోచ్ దెబ్బతినడం వల్ల ప్రయాణించకపోవడం.. బోర్డింగ్ స్టేషన్ వద్ద అసలు బయలుదేరినప్పటి నుంచి 3 గంటలలోపు
13. గమ్యస్థానం చేరకముందే రైలు ఆగిపోవడం.. ప్రయాణీకుల గమ్యస్థానానికి షెడ్యూల్ చేసిన రాక నుంచి 72 గంటల వరకు
