KTM 200 Duke : కొత్త బైక్ కొంటున్నారా? కొత్త టీఎఫ్‌టీ డిస్‌ప్లేతో కేటీఎం 200 డ్యూక్ బైక్ వచ్చేసింది.. ఫీచర్లు అదుర్స్, ధర ఎంతంటే?
KTM 200 Duke Launch : కేటీఎమ్ పాపులర్ కేటీఎమ్ 200 డ్యూక్‌ను కొత్త 5-అంగుళాల కలర్ టీఎఫ్‌టీ డిస్‌ప్లేతో అప్‌గ్రేడ్ చేసింది. ఈ మోటార్‌సైకిల్ ధర రూ. 2,03,412 (ఎక్స్-షోరూమ్, ఢిల్లీ)గా కంపెనీ నిర్ణయించింది.
- Published By: 10TV Digital Team ,Published On : October 5, 2024 / 06:03 PM IST
KTM 200 Duke gets new TFT display, price And Full Details
KTM 200 Duke Launch : కొత్త బైక్ కొనేందుకు ప్లాన్ చేస్తున్నారా? ప్రముఖ ప్రీమియం టూవీలర్ కంపెనీ కేటీఎం నుంచి కొత్త బైక్ వచ్చేసింది. కేటీఎమ్ పాపులర్ కేటీఎమ్ 200 డ్యూక్‌ను కొత్త 5-అంగుళాల కలర్ టీఎఫ్‌టీ డిస్‌ప్లేతో అప్‌గ్రేడ్ చేసింది. ఈ మోటార్‌సైకిల్ ధర రూ. 2,03,412 (ఎక్స్-షోరూమ్, ఢిల్లీ)గా కంపెనీ నిర్ణయించింది.
అంతేకాదు.. టీఎఫ్‌టీ డిస్‌ప్లే థర్డ్ జనరేషన్ కేటీఎమ్ 390 డ్యూక్ నుంచి తీసుకుంది. ఈ మోడల్ గ్లాస్ డిస్‌ప్లే కొత్త స్విచ్ క్యూబ్‌తో వస్తుంది. స్మార్ట్‌ఫోన్ కనెక్టివిటీతో సహా అన్ని వాహన ఫంక్షన్‌లతో నాలుగు-వే మెను స్విచ్‌లు ఉన్నాయి. బ్లూటూత్ ద్వారా కేటీఎమ్ మై-రైడ్ యాప్ ద్వారా కనెక్టివిటీ ఫంక్షన్‌లు, రైడర్‌లు మ్యూజిక్ ప్లే చేయడానికి, ఇన్‌కమింగ్ కాల్‌, టర్న్-బై-టర్న్ నావిగేషన్‌ను ఉపయోగించేందుకు అనుమతిస్తాయి.
కేటీఎమ్ 200 డ్యూక్‌లో సూపర్‌మోటో ఏబీఎస్ మోడ్ ఉంది. టీఎఫ్‌టీ డిస్‌ప్లేను ఉపయోగించి బ్యాక్ సైడ్ ఉన్న ఏబీఎస్ బ్రేకింగ్ ఫంక్షన్‌ను సపరేట్ చేయొచ్చు. అలాగే, రైడర్‌లు లెఫ్ట్హ్యాండిల్‌బార్-మౌంటెడ్ మెనూ స్విచ్‌ని ఉపయోగించి వారి షిఫ్ట్ ఆర్పీఎమ్ కస్టమైజ్ చేసుకోవచ్చు. ఆర్పీఎమ్ పరిమితం చేయవచ్చు. సెట్ చేసిన తర్వాత, 5-అంగుళాల కలర్ టీఎఫ్‌టీ డిస్‌ప్లే డార్క్-థీమ్, ఆరెంజ్-థీమ్ డిస్‌ప్లే మధ్య మారుతుంది.
కేటీఎమ్ 200 డ్యూక్ 199.5సీసీ, సింగిల్-సిలిండర్, లిక్విడ్-కూల్డ్, డీఓహెచ్‌‌సీ, ఈఎఫ్ఐ ఇంజిన్‌ను ఉపయోగిస్తుంది. 25పీఎస్ గరిష్ట శక్తిని 19.3ఎన్ఎమ్ గరిష్ట టార్క్‌ను ఉత్పత్తి చేస్తుంది. మోటార్‌సైకిల్‌లో అన్నిఎల్ఈడీ లైటింగ్, వీపీ యూఎస్‌డీ మోనోషాక్, అల్యూమినియం స్వింగార్మ్‌తో కూడిన తేలికపాటి ట్రేల్లిస్ ఫ్రేమ్ ఉన్నాయి. కలర్ ఆప్షన్ల గురించి మాట్లాడుతూ.. కేటీఎమ్ 200 డ్యూక్ డార్క్ గాల్వానో, ఎలక్ట్రానిక్ ఆరెంజ్, మెటాలిక్ సిల్వర్ కలర్ ఆప్షన్లలో వస్తుంది.
