LIC Special Scheme : మహిళల కోసం LIC స్పెషల్ స్కీమ్.. పైసా పెట్టుబడి లేకుండా నెలకు రూ. 7వేలు సంపాదన.. ఎలా అప్లయ్ చేయాలంటే?
LIC Special Scheme : ఎల్ఐసీ స్పెషల్ స్కీమ్ మహిళల కోసం ప్రత్యేకించి తీసుకొచ్చింది. పెట్టుబడి లేకుండానే నెలవారీగా రూ.7వేలు సంపాదించుకోవచ్చు.
- Published By: 10TV Digital Team ,Published On : August 6, 2025 / 02:34 PM IST
LIC Special Scheme
LIC Special Scheme : మహిళలకు గుడ్ న్యూస్.. LICలో మహిళల కోసం అద్భుతమైన స్కీమ్ ఉంది. ఈ LIC పథకంలో మీరు ఎలాంటి పెట్టుబడి పెట్టాల్సిన అవసరం లేదు. పైసా పెట్టుబడి లేకుండా నెలవారీ ఆదాయం పొందవచ్చు. లైఫ్ ఇన్సూరెన్స్ కార్పొరేషన్ ఆఫ్ ఇండియా ఈ పథకం ద్వారా మహిళలకు ఉపాధి కల్పిస్తోంది.
ఈ పథకం పేరు LIC బీమా సఖి యోజన. ఈ పథకం కింద మహిళలకు ట్రైనింగ్ ఇచ్చి LIC ఏజెంట్లుగా నియమిస్తారు. ఎల్ఐసీ బీమాకు సంబంధించి అవగాహనను పెంచడమే వీరి పని. తద్వారా నెలవారీ ఆదాయాన్ని పొందవచ్చు.
ఈ పథకం ఏంటి? ఎలా పొందాలి? అనేది పూర్తి వివరంగా తెలుసుకుందాం.. LIC బీమా సఖి యోజన కింద ఎంపికైన మహిళలకు మొదటి 3 ఏళ్లు నెలవారీ స్టైఫండ్ అందుతుంది. ఈ మొత్తం వారి పనితీరుపై ఆధారపడి ఉంటుంది. మొదటి సంవత్సరంలో నెలకు రూ. 7వేలు స్థిర మొత్తంలో స్టైఫండ్ అందుతుంది. బీమా సఖిలు ఏజెంట్లుగా మారడానికి LIC వారికి స్పెషల్ ట్రైనింగ్, మార్కెటింగ్ ఎక్విప్‌మెంట్, క్యాంపెయిన్ సపోర్టును అందిస్తుంది.
ఎవరు అప్లయ్ చేసుకోలేరు :
ఇప్పటికే LIC ఏజెంట్లుగా ఉన్నవారు ఈ పథకానికి దరఖాస్తు చేసుకోలేరు. అలాగే, LIC ఉద్యోగులకు సంబంధించిన భర్త, భార్య, పిల్లలు, తల్లిదండ్రులు లేదా తోబుట్టువులు దరఖాస్తు చేసేందుకు అనుమతి లేదు. పదవీ విరమణ చేసిన LIC ఉద్యోగులు, గతంలో LIC ఏజెంట్లుగా ఉన్నవారు కూడా ఈ పథకం ప్రయోజనం పొందలేరు.
ఎవరు దరఖాస్తు చేయొచ్చు? :
- దరఖాస్తు చేసుకునే సమయానికి దరఖాస్తుదారునికి కనీసం 18 ఏళ్లు నిండి ఉండాలి.
- గరిష్ట వయోపరిమితి 70 ఏళ్లు.
- దరఖాస్తుదారు కనీసం 10వ తరగతి ఉత్తీర్ణులై ఉండాలి.
- దరఖాస్తుకు అవసరమైన డాక్యుమెంట్లు
LIC బీమా సఖి యోజనకు దరఖాస్తు చేసేందుకు మీకు ఈ కింది డాక్యుమెంట్లు అవసరం.
- ఏజ్ ప్రూఫ్ (సెల్ఫ్ అటెస్టెడ్ కాపీ)
- అడ్రస్ ప్రూఫ్ (సెల్ఫ్ అటెస్టెడ్ కాపీ)
- ఎడ్యుకేషనల్ సర్టిఫికేట్ల సెల్ఫ్ అటెస్టెడ్ కాపీ
- పాస్‌పోర్ట్ సైజు ఫొటోగ్రాఫ్
- స్టైపెండ్ వివరాలు
ఎంపిక చేసిన మహిళా ఏజెంట్లకు మొదటి సంవత్సరంలో నెలకు రూ. 7వేలు స్టైఫండ్ లభిస్తుంది. రెండో సంవత్సరంలో మొదటి సంవత్సరంలో విక్రయించిన పాలసీలలో కనీసం 65శాతం ప్రతి నెలా యాక్టివ్‌గా ఉంటే వారికి నెలకు రూ. 6వేలు లభిస్తుంది. తక్కువ పాలసీలు యాక్టివ్‌గా ఉంటే స్టైఫండ్ పొందలేరు.
