MG Windsor Electric CUV : ఎంజీ విండ్సర్ ఎలక్ట్రిక్ కారు చూశారా?.. 331కి.మీ రేంజ్, భారత్లో ధర ఎంతంటే?
MG Windsor Electric CUV : ఆసక్తిగా ఎదురుచూస్తున్న మాస్-మార్కెట్ ఎలక్ట్రిక్ కారు విండ్సర్‌ను భారత మార్కెట్లో లాంచ్ చేసింది.
- Published By: 10TV Digital Team ,Published On : September 11, 2024 / 04:55 PM IST
MG Windsor Electric CUV Launched In India
MG Windsor Electric CUV : కొత్త కారు కోసం చూస్తున్నారా? ప్రముఖ జేఎస్‌డబ్ల్యూ ఎంజీ మోటార్ ఇండియా (JSW MG) ఎంతో ఆసక్తిగా ఎదురుచూస్తున్న మాస్-మార్కెట్ ఎలక్ట్రిక్ కారు విండ్సర్‌ను భారత మార్కెట్లో లాంచ్ చేసింది. సెడాన్ సౌకర్యంతో ఎస్‌యూవీ ప్రాక్టికాలిటీని అందించే దేశంలోనే మొట్టమొదటి సీయూవీగా కంపెనీ ఎంజీ పేర్కొంది.
‘ప్యూర్ ఈవీ ప్లాట్‌ఫారమ్’పై నిర్మించిన విండ్సర్ సౌకర్యవంతమైన డ్రైవ్‌ను అందించే లక్ష్యంతో వస్తుంది. ఎంజీ విండ్సర్ ధరలు రూ. 9.99 లక్షల నుంచి ప్రారంభమవుతాయి. బాస్ BaaS (బ్యాటరీ సర్వీసు)తో సహా కొన్ని ప్రత్యేకమైన ప్రయోజనాలతో వస్తుంది.
ఎంజీ విండ్సర్ బ్యాటరీ :
ఎంజీ విండ్సర్ కారు ప్రారంభ ధరను కంపెనీ రూ. 9.99 లక్షలుగా నిర్ణయించింది. అయితే, వినియోగదారులు ప్రత్యేక ఫైనాన్స్ స్కీమ్‌లో భాగంగా బ్యాటరీకి కిలోమీటరుకి రూ. 3.5 చెల్లించాలి . విండ్సర్‌ను యాజమాన్య ధర పరంగా సాధారణ ఐసీఈ ఎస్‌యూవీలతో బ్రాండ్ కంపేర్ చేస్తోంది. ప్రయత్నిస్తోంది.
ఎంజీ విండ్సర్ ఫ్రీ ఛార్జింగ్ అండ్ బైబ్యాక్ ప్లాన్ :
కంపెనీ ఎంజీ విండ్సర్ మొదటి యజమానికి లైఫ్ టైమ్ బ్యాటరీ వారంటీని అందిస్తోంది. అలాగే, ఎంజీ యాప్ ద్వారా ఇహెచ్‌యూబీతో ఒక ఏడాది వరకు ఫ్రీ పబ్లిక్ ఛార్జింగ్‌తో వస్తుంది. జేఎస్‌డబ్ల్యూ ఎంజీ మోటార్ ఇండియా విండ్సర్ కోసం 3-60 బైబ్యాక్ ప్లాన్‌ను కూడా అందిస్తోంది. 3ఏళ్లు/45వేల కిలోమీటర్ల తర్వాత దాని విలువలో 60శాతం రీకాల్ చేసేందుకు అనుమతిస్తుంది.
ఎంజీ విండ్సర్ స్పెషిఫికేషన్లు :
విండ్సర్ ఐపీ67 సర్టిఫికేట్ పొందిన పీఎమ్ఎస్ మోటార్‌తో వస్తుంది. 38kWh లయన్ ఐయన్ బ్యాటరీతో అందిస్తుంది. 4 డ్రైవింగ్ మోడ్‌లు (ఎకో+, ఎకో, నార్మల్, స్పోర్ట్) ఉన్నాయి. గరిష్ట అవుట్‌పుట్‌లు 136 హెచ్‌పి, 200 ఎన్ఎమ్ వద్ద ఉన్నాయి. క్లెయిమ్ పరిధి 331 కిలోమీటర్లుగా కంపెనీ పేర్కొంది. అలాగే, డీసీ ఫాస్ట్ ఛార్జర్ ద్వారా 40 నిమిషాల్లో ఛార్జ్ చేయవచ్చు.
ఎంజీ విండ్సర్ ఇంటీరియర్ :
సీయూవీ వైడ్ క్యాబిన్ 2,700 మిల్లీమీటర్ల క్లాస్-లీడింగ్ వీల్‌బేస్‌ను కలిగి ఉంది. బ్యాక్ బెంచ్ కోసం బబుల్డ్ లెదర్ ఎండ్‌తో వస్తుంది, అది కూడా 135 డిగ్రీల వరకు కొంచెం వంగి ఉంటుంది. క్యాబిన్‌లో ఇన్ఫినిటీ వ్యూ గ్లాస్ సన్‌రూఫ్ ఉంది. ఇన్ఫోటైన్‌మెంట్ యూనిట్ డ్యాష్‌బోర్డ్‌పై 15.6-అంగుళాల టచ్‌స్క్రీన్ డిస్‌ప్లేతో వస్తుంది.
ఎంజీ విండ్సర్, డిజైన్ :
ఎంజీ విండ్సర్ హై-సెట్ బానెట్‌తో నిటారుగా ఉండే ఫేస్ కలిగి ఉంది. హెడ్‌ల్యాంప్ అసెంబ్లీ నిలువుగా స్ప్లిట్ ఆర్కిటెక్చర్‌ అమర్చారు. కనెక్టింగ్ లైట్ బార్‌తో పాటు టెయిల్‌ల్యాంప్‌లకు సమానమైన రౌండెడ్ ప్రొఫైల్‌ను కలిగి ఉంది. మొత్తంమీద, డిజైన్ చూసేందుకు గుండ్రంగా చాలా ఆకర్షణీయంగా ఉంటుంది.
