Triumph Tiger 1200 : కొంటే ఇలాంటి బైక్ కొనాలి భయ్యా.. ట్రయంఫ్ టైగర్ 1200 బైక్ వచ్చేసింది.. ధర ఎంతంటే?
ఈ కొత్త ట్రయంఫ్ బైకును రూ. 19.39 లక్షల (ఎక్స్-షోరూమ్) ప్రారంభ ధరతో ప్రవేశపెట్టింది.
- Published By: 10TV Digital Team ,Published On : October 28, 2024 / 10:21 PM IST
New Triumph Tiger 1200 range introduced in India
New Triumph Tiger 1200 Launch : కొత్త బైక్ కొంటున్నారా? భారత మార్కెట్లో ట్రయంఫ్ మోటార్‌సైకిల్స్ కొత్త టైగర్ 1200 రేంజ్ బైక్ ఆవిష్కరించింది. ఈ కొత్త ట్రయంఫ్ బైకును రూ. 19.39 లక్షల (ఎక్స్-షోరూమ్) ప్రారంభ ధరతో ప్రవేశపెట్టింది. కొత్త టైగర్ 1200 ఇప్పుడు మొత్తం 4 వేరియంట్‌లలో అందుబాటులో ఉంది. అందులో టైగర్ 1200 జీటీ ప్రో, టైగర్ 1200 జీటీ ఎక్స్‌ప్లోరర్, టైగర్ 1200 ర్యాలీ ప్రో, టైగర్ 1200 ర్యాలీ ఎక్స్‌ప్లోరర్ మోడల్స్ ఉన్నాయి.
టైగర్ 1200 రేంజ్‌కు సంబంధించిన అప్‌డేట్‌లలో ఇంజన్ రిఫైన్‌మెంట్‌లు, మెరుగైన సౌలభ్యం, ఎర్గోనామిక్స్, మెరుగైన కార్నరింగ్ గ్రౌండ్ క్లియరెన్స్, యాక్టివ్ ప్రీలోడ్ తగ్గింపుతో సీటు ఎత్తు తగ్గించడం, కొత్త కలర్ ఆప్షన్లు ఉన్నాయి. టైగర్ 1200 1160సీసీ టీ-ప్లేన్ ట్రిపుల్ ఇంజిన్ 150పీఎస్, 130ఎన్ఎమ్ అందిస్తుంది. ఇంజిన్ జడత్వాన్ని పెంచడానికి క్రాంక్ షాఫ్ట్, ఆల్టర్నేటర్ రోటర్, బ్యాలెన్సర్‌లలో మార్పులతో పాటు కొన్ని అనుబంధిత ఇంజిన్ మార్పులతో వస్తుంది. ఇంజనీరింగ్ బృందం సున్నితమైన మరింత కచ్చితమైన లో రెవ్ టార్క్ డెలివరీని క్రియేట్ చేయగలదని ట్రయంఫ్ పేర్కొంది.
ఎక్స్‌ప్లోరర్ మోడల్‌లలో ప్రసిద్ధి చెందిన డంపెన్డ్ హ్యాండిల్‌బార్లు, రైజర్‌లు జీటీ ప్రో, ర్యాలీ ప్రోలకు అమర్చారు. రైడర్ సీటు ఫ్లాటర్ ప్రొఫైల్‌తో మళ్లీ డిజైన్ అయింది. ఎక్కువ ట్రిప్పుల్లో అలసటను తగ్గించడంలో రైడర్‌కు మరింత స్థలాన్ని అందిస్తుంది. ట్రయంఫ్ జీటీ ప్రోలో 830ఎమ్ఎమ్ ర్యాలీ ప్రోలో 855ఎమ్ఎమ్ లోయర్ సీట్ ఎత్తుకు సీట్ పొజిషన్‌ను కలిగి ఉంది. 20ఎమ్ఎమ్ తగ్గించే యాక్సెసరీతో లోయర్ సీటు సౌకర్యవంతంగా ఉండేలా రూపొందించింది. లాంగ్ క్లచ్ లివర్ కూడా ఉంది. రైడర్స్ వేళ్లకు ఎక్కువ స్థలాన్ని అందిస్తుంది.
ప్రత్యేకించి సుదీర్ఘ ప్రయాణాల్లో మరింత సౌకర్యాన్ని అందిస్తుంది. ట్రయంఫ్ ఫుట్‌పెగ్ పొజిషన్‌ ద్వారా టైగర్ 1200 జీటీ ప్రో, జీటీ ఎక్స్‌ప్లోరర్ మోడళ్ల కార్నరింగ్ గ్రౌండ్ క్లియరెన్స్‌ను కూడా పెంచింది. టైగర్ 1200 జీటీ ప్రో, టైగర్ 1200 జీటీ ఎక్స్‌ప్లోరర్ 3 కలర్ ఆప్షన్లలో అందుబాటులో ఉన్నాయి. కార్నివాల్ రెడ్ (కొత్త), స్నోడోనియా వైట్, సఫైర్ బ్లాక్. టైగర్ 1200 ర్యాలీ ప్రో, టైగర్ 1200 ర్యాలీ ఎక్స్‌ప్లోరర్ కూడా మ్యాట్ శాండ్‌స్టార్మ్ (కొత్త), జెట్ బ్లాక్ ఆప్షన్లు, మాట్ ఖాకీ 3 కలర్ ఆప్షన్లను కలిగి ఉన్నాయి.
Read Also : Realme GT 7 Pro Launch : రియల్‌మి జీటీ 7 ప్రో కీలక ఫీచర్లు లీక్.. లాంచ్ ఎప్పుడంటే?
