జియో ఫైబర్ ఎఫెక్ట్ : Airtel నుంచి Xstream 4K Box, Stick సర్వీసు
- Published By: sreehari ,Published On : September 2, 2019 / 12:31 PM IST
రిలయన్స్ జియో ఫైబర్ బ్రాడ్ బ్యాండ్ సర్వీసు సెప్టెంబర్ 5న కమర్షియల్ లాంచ్ కాబోతోంది. జియో ఫైబర్ ఎఫెక్ట్‌తో ఇతర పోటీదారులైన ఎయిర్ టెల్, టాటా స్కై, యాక్ట్ ఫైబర్ సర్వీసుల్లో కలవరం మొదలైంది. జియో ఫైబర్ కౌంటర్‌గా తమ వినియోగదారులను ఆకర్షించేందుకు కొత్త డిజిటల్ ఎంటర్ టైన్ మెంట్ సర్వీసులను ప్రకటిస్తున్నాయి.
ఇండియాలో అతిపెద్ద బ్రాడ్ బ్యాండ్ సర్వీసుదారుల్లో ఒకటైన ఎయిర్ టెల్ కొత్త సర్వీసు ఆఫర్ ప్రకటించింది. జియో ఫైబర్ బ్రాడ్ బ్యాండ్ సర్వీసుకు పోటీగా ఎయిర్ టెల్ Xstream Box, Xstream Stick సర్వీసును ఆఫర్ చేస్తోంది. జియో ఫైబర్ సర్వీసులో జియో సెట్ టాప్ బాక్సు, గేమింగ్ కన్సోల్ టెలివిజన్ ఎక్స్ పీరియన్స్ ఆఫర్ చేస్తోంది.
దీంతో ఇప్పడు అందరి దృష్టి జియో ఫైబర్ సర్వీసుపైనే పడింది. ఎయిర్ టెల్ కూడా వినియోగదారులను తమవైపు తిప్పుకునేందుకు జియోకు గట్టి కౌంటర్ ఇచ్చింది. Xstream 4K Hybrid సెట్ టాప్ బాక్సు లాంచ్ చేస్తున్నట్టు ప్రకటించింది. రిలయన్స్ జియో ఫైబర్ హైబ్రిడ్ సెట్ టాప్ బాక్సు మాదిరిగానే ఎయిర్ టెల్ కూడా xstream Box, Xstream Stick సర్వీసును ఆఫర్ చేస్తోంది.
ఇంటర్నెట్ ఎనేబుల్డ్ సెట్ టాప్ బాక్సు ద్వారా యూజర్లు OTT స్మార్ట్ stick ద్వారా live Tv, వీడియో, మ్యూజిక్, న్యూస్, స్పోర్ట్స్ యాక్సస్ చేసుకోవచ్చు. కొత్త జనరేషన్ యూజర్ల కోసం ఎంటర్ టైన్ ప్లాట్ ఫాంలో ఎయిర్ టెల్ ఎక్స్ స్ట్రీమ్ సర్వీసును ఇండియాలో తొలిసారి ఆఫర్ చేస్తున్నట్టు భారతీ ఎయిర్ టెల్ చీఫ్ ప్రొడక్టు ఆఫీసర్ ఆదర్శ్ నయిర్ ఒక అధికారిక ప్రకటనలో తెలిపారు.
ఎయిర్ టెల్ xstream హైబ్రిడ్ STB :
* ఎయిర్ టెల్ ఎక్స్ ట్రీమ్ బాక్సు అంటే.. Xstream 4K Hybrid Box.
* ఈ xstream 4K హైబ్రీడ్ బాక్సు ధర రూ.3వేల 999.
* ఎయిర్ టెల్ డిజిటల్ టీవీ కస్టమర్లకు డిస్కౌంట్ ధరతో అప్ గ్రేడ్ చేసుకోవచ్చు.
* కొత్త హైబ్రిడ్ సెట్ టాప్ బాక్సు Upgrade కింద ధర రూ.2,249లకే పొందవచ్చు.
* ఎయిర్ టెల్ Xstream Box ఒక ఏడాది కాంప్లిమెంటరీ సబ్ స్ర్కిప్షన్ కూడా వస్తుంది.
* ఒక నెల సబ్ స్ర్కిప్షన్ కింద కంపెనీ HD DTH ప్యాక్ పొందవచ్చు.
* ఈ బాక్సు ద్వారా యూజర్లు 500 TV ఛానళ్లను ఈజీగా వీక్షించవచ్చు.
* ఎయిర్ టెల్ Xstream Appలో ప్రీ లోడెడ్ యాప్స్ ద్వారా కంటెంట్ యాక్సస్ చేసుకోవచ్చు.
* ఎయిర్ టెల్ 4k హైబ్రిడ్ సెట్ టాప్ బాక్సు Android 9.0 Pie OSపై రన్ అవుతుంది.
* ఈ బాక్సు ద్వారా యూజర్లు ఈజీగా గూగుల్ play store యాక్సస్ చేసుకోవచ్చు.
* నచ్చిన యాప్స్ డౌన్ లోడ్ చేసుకుని ఇన్ స్టాల్ చేసుకోవచ్చు. మొబైల్ యాక్సస్ చేసుకోవచ్చు.
Airtel Xstream Stick :
* ఎయిర్ టెల్ Xstream Stick ఫీచర్లు DTH యాక్సస్ తప్పించి Xstream Box మాదిరిగానే ఉంటాయి.
* యూజర్లు OTT ప్లాట్ ఫాంలో Netflix, Amazon Prime Video, Youtubeలో వీడియోలు చూడొచ్చు.
* ఆండ్రాయిడ్ 8.0 ఒరియో, గూగుల్ ప్లే స్టోర్ సపోర్ట్ ఉంది.
* ఎక్స్ స్ట్రీమ్ స్టిక్ ధర రూ.3వేల 999 ఉంటుంది.
* మొదటి నెల ఉచితంగా పొందవచ్చు.
* యానివల్ సబ్ స్ర్కిప్షన్ కింద యూజర్లు ఏడాదికి రూ.999 చెల్లించాల్సి ఉంటుంది.
