Triumph Smallest Bikes : భారత్‌కు వచ్చేసిన బజాజ్ ట్రయంఫ్ బైకులు.. ఫస్ట్ 10వేల కస్టమర్లకు దిమ్మతిరిగే ఆఫర్.. డోంట్ మిస్..!
Triumph Smallest Bikes : బజాజ్ ట్రయంఫ్ స్పీడ్ 400, స్క్రాంబ్లర్ 400X అనే రెండు బైకులు భారత మార్కెట్లో లాంచ్ అయ్యాయి. ట్రయంఫ్ స్పీడ్ 400 ధర రూ. 2.33 లక్షలు కాగా, స్క్రాంబ్లర్ 400X ధర ఇంకా రివీల్ చేయలేదు.
- Published By: 10TV Digital Team ,Published On : July 5, 2023 / 08:55 PM IST
Triumph Just Launched Its Smallest Bike In India. The Pricing Is A Shocker
Triumph Smallest Bikes : ప్రముఖ దిగ్గజ బ్రిటీష్ మోటార్‌సైకిల్ తయారీదారు ట్రయంఫ్ (Triumph) అభివృద్ధి చెందుతున్న మార్కెట్‌లలో చిన్న నుంచి మధ్య స్థాయి సామర్థ్యం గల మోటార్‌సైకిళ్లను రూపొందిస్తోంది. భారతీయ ద్విచక్ర వాహన దిగ్గజం బజాజ్‌తో భాగస్వామ్యం కుదుర్చుకుంది. ఈ జాయింట్ వెంచర్ ఫస్ట్ రెండు ప్రొడక్టుల్లో ట్రయంఫ్ స్పీడ్ 400 (Triumph Speed 400), ట్రయంఫ్ స్క్రాంబ్లర్ 400X (Triumph Scrambler 400X) భారత మార్కెట్లో లాంచ్ అయ్యాయి.
స్పీడ్ 400, పెద్ద స్ట్రీట్ ట్విన్ 900 నుంచి స్టైలింగ్ స్ఫూర్తిని పొందిన స్ట్రీట్ నేక్డ్ మోటార్‌సైకిల్ ధర రూ.2.33 లక్షలకు అందుబాటులో ఉంది. అయితే, మొదటి 10వేల మంది కస్టమర్లు ఈ బైక్‌ను 2.23 లక్షలు (ఎక్స్-షోరూమ్) వద్ద పొందవచ్చు. స్క్రాంబ్లర్ 400X ధర ఇంకా రివీల్ చేయలేదు. త్వరలో కంపెనీ ఈ బైక్ ధరను ప్రకటించనుంది. ట్రయంఫ్ రూపొందించిన ఈ రెండు మోటార్‌సైకిళ్లను బజాజ్ పూణే సమీపంలోని చకన్ ప్లాంట్‌లో నిర్మించనుంది.
దేశవ్యాప్తంగా కొన్ని షోరూమ్‌లను మాత్రమే కలిగిన ట్రయంఫ్.. 400 మోటార్‌సైకిళ్ల నుంచి ఈ ఏడాది చివరి నాటికి 80 షోరూమ్‌లకు విస్తరించాలని భావిస్తోంది. ఈ రెండు ట్రయంఫ్ మోటార్‌సైకిళ్లు 398CC, 4 వాల్వ్, లిక్విడ్ కూల్డ్, డ్యూయల్ ఓవర్‌హెడ్ క్యామ్‌షాఫ్ట్ (DOHC) సింగిల్-సిలిండర్ ఇంజన్‌తో రూపొందించింది. 8000 RPM వద్ద 40PS గరిష్ట శక్తిని, 6,500 RPM వద్ద 37.5Nm గరిష్ట టార్క్‌ను ఉత్పత్తి చేస్తుంది.
Triumph Just Launched Its Smallest Bike In India. The Pricing Is A Shocker
ఈ బైకు ఇంజిన్ 6-స్పీడ్ గేర్‌బాక్స్‌తో కలిగి ఉంది. ట్రయంఫ్ క్లెయిమ్ ఇంధన సామర్థ్యం గాలన్‌కు 80 మైళ్లు లేదా లీటరుకు 28 కిలోమీటర్ల వరకు దూసుకెళ్లగలదు. ఈ రెండు బైక్‌లను ఇంటర్మీడియట్ రైడర్‌లు, బిగినర్స్‌ను దృష్టిలో ఉంచుకుని నిర్మించింది. తక్కువ సీటు ఎత్తు, తక్కువ బరువు వంటి యూజర్ ఫ్రెండ్లీ ఎర్గోనామిక్‌లను కలిగి ఉంటాయి. స్ట్రీట్ బైక్, స్ట్రీట్ 400, రెండు చివర్లలో 17 అంగుళాల అల్లాయ్ వీల్స్‌తో, 110/70 సెక్షన్ ఫ్రంట్ టైర్,150/70 వెనుక వైపు వస్తుంది. ఈ బైకు సీటు ఎత్తు 790mm ఉండగా, బరువు కేవలం 176 కిలోలు ఉంటుంది.
మరోవైపు, స్క్రాంబ్లర్ బైక్ కొంచెం బీఫియర్‌గా ఉంటుంది. ఫ్రంట్ సైడ్ 19-అంగుళాల అంచుపై ప్రయాణిస్తుంది. ముందు వైపున 150mm వద్ద స్ట్రీట్ బైక్ కన్నా కొంచెం ఎక్కువ సస్పెన్షన్ ట్రావెల్‌ను కలిగి ఉంది. సీటు ఎత్తు చాలా స్క్రాంబ్లర్-శైలి మోటార్‌సైకిళ్లకు అనుగుణంగా 835mm వద్ద కొంచెం ఎక్కువగా ఉంటుంది. దీని బరువు 185 కిలోలు, స్ట్రీట్ బైక్ కన్నా 9 కిలోలు ఎక్కువగా ఉంటుంది. ఈ రెండు మోటార్‌సైకిళ్లతో భారత మార్కెట్లో రాయల్ ఎన్‌ఫీల్డ్ అమ్మకాల గణాంకాలను ట్రయంఫ్ లక్ష్యంగా పెట్టుకుంది.
రాయల్ ఎన్‌ఫీల్డ్ 350cc మోటార్‌సైకిళ్లు దేశంలో అత్యధికంగా అమ్ముడవుతున్న మిడ్-కెపాసిటీ బైక్‌లు, సరసమైన మార్జిన్‌తో అందుబాటులో ఉన్నాయి. ఇటీవలే లాంచ్ అయిన హార్లే డేవిడ్‌సన్ X440, KTM 390 సిరీస్ (డ్యూక్, అడ్వెంచర్), BMW G310, G310GS పూర్తిగా కొత్త ప్లాట్‌ఫారమ్‌పై నిర్మించిన రాయల్ ఎన్‌ఫీల్డ్ హిమాలయన్ 450 నుంచి ఈ రెండు ట్రయంఫ్ బైకులు గట్టి పోటీని ఎదుర్కోవలసి ఉంటుంది.
Read Also : MG Motor India : దేశవ్యాప్త ‘సర్వీస్ క్యాంప్’ను ప్రకటించిన ఎంజీ మోటార్ ఇండియా.. ఎప్పటివరకంటే?
