Pakistani Drone : పంజాబ్ గురుదాస్ పూర్ లో పట్టుబడిన పాక్ డ్రోన్

పంజాబ్ లోని గురుదాస్ పూర్ లో పాకిస్థాన్ కు చెందిన డ్రోన్ పట్టుబడింది. ఇవాళ (ఆదివారం) ఉదయం 9.15 గంటల సమయంలో గురుదాస్ పూర్ లోని అంతర్జాతీయ సరిహద్దుల్లో బీఎస్ఎఫ్ జవాన్లు ఓ డ్రోన్ గుర్తించారు.

Pakistani drone

Pakistani Drone : పంజాబ్ లోని గురుదాస్ పూర్ లో పాకిస్థాన్ కు చెందిన డ్రోన్ పట్టుబడింది. ఇవాళ (ఆదివారం) ఉదయం 9.15 గంటల సమయంలో గురుదాస్ పూర్ లోని అంతర్జాతీయ సరిహద్దుల్లో బీఎస్ఎఫ్ జవాన్లు ఓ డ్రోన్ గుర్తించారు. దాని వద్ద భారీ పరిమాణంలో పార్శిల్ ను స్వాధీనం చేసుకున్నారు. అందులో పెద్ద మొత్తంలో మెరాయిన్ ఉండొచ్చని భావిస్తున్నారు. పాక్ నుంచి భారత్ లోకి ఆయుధాలు, డ్రగ్స్ సరఫరా చేస్తూ అంతర్జాతీయ సరిహద్దుల్లో తరచుగా డ్రోన్ లు పట్టుబడుతున్నాయి.

ఈ నేపథ్యంలో గురుదాస్ పూర్ లోని సరిహద్దులో ఉన్న ఫెన్సింగ్ సమీపంలో డ్రోన్ ఉండటాన్ని బీఎస్ఎఫ్ జవాన్లు గుర్తించారని అధికారులు తెలిపారు. దాని వద్ద ఓ కాంటర్ బండ్ లభించిందని చెప్పారు. అందులో ఏముందనే విషయం ఇంకా తెలియరాలేదు. నిన్న (శనివారం) సరిహద్దుల్లోని ఖసావాలి గ్రామం వద్ద పాకిస్థానీ స్మగ్లర్ల కదలికలను బీఎస్ఎఫ్ జవాన్లు గుర్తించారు.

Drugs-Weapons : పంజాబ్ గురుదాస్ పూర్ సెక్టార్ లో డ్రగ్స్, ఆయుధాలు కలకలం

ఈ క్రమంలో ఇరువర్గాల మధ్య కాల్పులు జరిగాయి. కాల్పుల అనంతరం ఆ ప్రాంతంలో భద్రతా బలగాలు గాలింపు చర్యలు చేపట్టాయి. దీంతో ఫెన్సింగ్ కు 30 మీటర్ల దూరంలో 15 అడుగుల పొడవున్న ఓ పైపును గుర్తించారు. దాని గుండా హెరాయిన్, ఆయుధాలను సరఫరా చేస్తున్నట్లు గుర్తించారు. ఈ సందర్భంగా 20 ప్యాకెట్లలో హెరాయిన్, రెండు తుపాకులు, 6 మ్యాగజైన్లు, 242 రౌండ్ల బుల్లెట్లను స్వాధీనం చేసుకున్నారు.