Mumbai: ముంబైలో భారీ అగ్రి ప్రమాదం.. ఎక్కడ జరిగింది? ఎంత మంది చనిపోయారో తెలుసుకోండి
అగ్నిప్రమాదం జరిగిన భవనంలోని నాలుగో అంతస్తులో ఐపీఎల్ క్రికెటర్ పాల్ చంద్రశేఖర్ వాల్తాటి ఇల్లు కూడా ఉంది. మృతి చెందిన ఇద్దరు వ్యక్తులు అమెరికా నుంచి తమ ఇంటికి వచ్చిన అతిధులు. అగ్నిప్రమాదానికి గల కారణాలు ఇంకా తెలియలేదు
- Published By: 10TV Digital Team ,Published On : October 23, 2023 / 03:44 PM IST
Mumbai: ముంబైలోని కండివాలి ప్రాంతంలోని ఓ భవనంలో భారీ అగ్నిప్రమాదం జరిగింది. ఈ ప్రమాదంలో ఇద్దరు మృతి చెందగా, ఐదుగురు గాయపడ్డారు. గాయపడిన ఐదుగురిలో ముగ్గురి పరిస్థితి విషమంగా ఉన్నట్లు సమాచారం. వెస్ట్‌ కాందివాలిలోని మహావీర్ నగర్‌లోని పవన్ ధామ్ వీణా సంతూర్ బిల్డింగ్‌లో సోమవారం ఉదయం అగ్నిప్రమాదం జరిగింది. 8 మంది అగ్నిమాపక సిబ్బంది సహాయంతో మంటలను అదుపు చేస్తున్నట్లు ముంబై మున్సిపల్ కార్పొరేషన్ వెల్లడించింది.
ముంబైలోని కండివాలి ప్రాంతంలో మధ్యాహ్నం 12.27 గంటలకు అగ్నిప్రమాదం సంభవించింది. ఈ భారీ అగ్నిప్రమాదంలో ఒక మహిళ, 8 ఏళ్ల చిన్నారి మరణించినట్లు సమాచారం. మహిళ పేరు గ్లోరీ వల్ఫాతి (43 ఏళ్లు), చిన్నారి పేరు జోసు జేమ్స్ రాబర్ట్ (8 ఏళ్లు). ఈ అగ్నిప్రమాదంలో ముగ్గురు తీవ్రంగా గాయపడ్డారని, వారు ఆసుపత్రిలో చేరి చికిత్స పొందుతున్నారని వార్తలు వచ్చాయి. గాయపడిన వారిలో లక్ష్మీ బూరా (40 సంవత్సరాలు, 45 -50% కాలిన గాయాలు), రాజేశ్వరి భారతే (24 సంవత్సరాలు, 100% కాలిన గాయాలు), రంజన్ సుబోధ్ షా (76 సంవత్సరాలు, 45 -50% కాలిన గాయాలు) ఉన్నారు.
ఇది కూడా చదవండి: Jio AirFiber Plans : ఈ 8 నగరాల్లోనే కొత్త జియోఫైబర్ సర్వీసులు.. హైస్పీడ్ డేటా, ఫ్రీ డిస్నీ ప్లస్ సబ్‌స్ర్కిప్షన్.. ఇప్పుడే బుక్ చేసుకోండి!
స్థానికులు తెలిపిన వివరాల ప్రకారం.. అగ్నిప్రమాదం జరిగిన భవనంలోని నాలుగో అంతస్తులో ఐపీఎల్ క్రికెటర్ పాల్ చంద్రశేఖర్ వాల్తాటి ఇల్లు కూడా ఉంది. మృతి చెందిన ఇద్దరు వ్యక్తులు అమెరికా నుంచి తమ ఇంటికి వచ్చిన అతిధులు. అగ్నిప్రమాదానికి గల కారణాలు ఇంకా తెలియలేదు. ఈ భారీ అగ్నిప్రమాదానికి సంబంధించిన వీడియో సోషల్ మీడియాలో వైరల్‌గా మారింది. మొదటి, రెండో అంతస్తుల్లో మంటలు మరింత తీవ్రంగా ఉన్నాయి. మొదటి అంతస్తు నుంచి ఇంటి బయట వరకు మంటలు ఎగిసిపడుతున్నాయి. దీంతో సమీపంలో ఉన్న ప్రజల్లో గందరగోళం నెలకొంది.
