Car Incident: ఘోర రోడ్డు ప్రమాదం.. ఒకే కుటుంబానికి చెందిన 8మంది దుర్మరణం..
ప్రమాదం జరిగిన తీరు స్థానికులను భయాందోళనకు గురి చేసింది.
- Published By: 10TV Digital Team ,Published On : November 30, 2025 / 07:49 PM IST
Car Incident: రాజస్థాన్ లోని రహదారి రక్తమోడింది. ఘోర రోడ్డు ప్రమాదం చోటు చేసుకుంది. ఈ ప్రమాదంలో ఒకే కుటుంబానికి చెందిన 8 మంది చనిపోయారు. దౌసా-మనోహర్‌పూర్ జాతీయ రహదారిపై అదుపు తప్పిన కారు.. నిలిపి ఉంచిన ట్రక్కును ఢీకొట్టి బోల్తా పడింది. ఈ దుర్ఘటనలో కారులో ఉన్న వారిలో 8మంది స్పాట్ లోనే మరణించారు. ఇద్దరు తీవ్రంగా గాయపడ్డారు.
నియంత్రణ కోల్పోయిన కారు రోడ్డు పక్కన నిలిపి ఉంచిన ట్రక్కును వెనుక నుంచి బలంగా ఢీకొట్టింది. ఈ యాక్సిడెంట్ లో కారు పూర్తిగా ధ్వంసమైంది. ఓవర్ స్పీడ్, ఓవర్ టేక్ ప్రయత్నం ప్రమాదానికి కారణంగా తెలుస్తోంది. సమాచారం అందుకున్న పోలీసులు స్పాట్ కి చేరుకున్నారు. సహాయక చర్యలు చేపట్టారు. స్థానికుల సాయంతో కారులో నుంచి మృతదేహాలను బయటకు తీశారు. ఈ ఘటనలో ఇద్దరు తీవ్రంగా గాయపడ్డారు. వారిని ఆసుపత్రికి తరలించి చికిత్స అందిస్తున్నారు. పోస్టుమార్టం నిమిత్తం మృతదేహాలను ఆసుపత్రికి తరలించారు.
ప్రమాదం జరిగిన తీరు స్థానికులను భయాందోళనకు గురి చేసింది. ఈ దుర్ఘటనతో నేషనల్ హైవేపై రహదారి భద్రత ప్రమాణాలపై మరోసారి ప్రశ్నలు తలెత్తాయి.
Also Read: జర్నీ సినిమాను తలపించే ఘోర ప్రమాదం.. 2 బస్సులు ఢీ.. 11 మంది మృతి..
