విశాఖ సీఐ సన్యాసినాయుడు సస్పెండ్

విశాఖపట్నం: న్యాయం కోసం స్టేషన్‌కు వచ్చిన మహిళ పట్ల గౌరవంగా వ్యవహరించాల్సిన ఎంవీపీ పోలీసు స్టేషన్ సర్కిల్‌ ఇన్‌స్పెక్టర్‌ సన్యాసినాయుడు తన బాధ్యతలను విస్మరించి కామంతో కళ్లు మూసుకుపోయి కీచకుడిలా ప్రవర్తించాడు. ఆ యువతికి ఫోన్‌ చేసి తన వశం చేసుకునేందుకు యత్నించాడు. సుమారు 30 నిమిషాలపాటు అసభ్యంగా మాట్లాడాడు. ఆధారాలతో సహా  బాధితురాలు ఫిర్యాదు చేయటంతో  సిపి మహేష్ చంద్ర లడ్డా సిఐ పై వేటు వేసారు. 

విజయనగరం జిల్లా జియ్యమ్మవలస మండలం లక్ష్మీపురానికి చెందిన పల్లా కృష్ణకుమారి ఏయూలో పీహెచ్‌డీ చేస్తూ ఎంవీపీ కాలనీలో తన కుటుంబంతో కలిసి ఉంటోంది. బెంగళూరులో సాఫ్ట్‌వేర్‌ ఇంజనీర్‌గా పనిచేస్తున్న మేనమామ టి.విజయ్‌భాస్కర్‌తో ఏడేళ్ల నుంచి ప్రేమలో ఉంది. పెళ్లి చేసుకుంటానని నమ్మించి లోబరుచుకున్నాడు. ఇప్పుడు వేరొక యువతితో పెళ్లికి నిశ్చితార్థం చేసుకున్నాడు. దీనిపై కృష్ణకుమారి ఈనెల 27న ఎంవీపీ పోలీ్‌స స్టేషన్‌లో ఫిర్యాదుచేసింది. ఈ సందర్భంగా కృష్ణవేణితోపాటు సీఏ చదువుతున్న ఆమె చెల్లి కూడా స్టేషన్‌కు వెళ్లింది. ఆమెపై సీఐ సన్యాసినాయుడు కన్నేశాడు. ఆ యువతికి ఫోన్‌ చేసిన సీఐ సన్యాసినాయుడు….ఆమె సోదరికి న్యాయం చేసేందుకు తన వంతు ప్రయత్నం చేశానని, తన సామాజిక వర్గమేనన్న అభిమానంతో ఏదో చేద్దామనుకున్నా చేయలేకపోయానంటూ నిట్టూర్చాడు. అనంతరం అసభ్యకరమైన పదజాలంతో మాటలు కొనసాగించాడు.
Also Read : వామ్మో.. ఎంత పెద్దదో : నడిరోడ్డుపై భారీ అనకొండ.. ట్రాఫిక్ జామ్

‘మీ అక్క కంటే నువ్వు చాలా అందంగా వున్నావని పొగడ్తలు కురిపించాడు. నువ్వు హైదరాబాద్‌ వెళ్లిపోతే మాకు కనిపించవన్నమాట అంటూ తన మనసులోని ఉద్దేశాన్ని క్రమంగా బయటపెట్టాడు. ఖాళీ చూసుకుని తనతో బయటకు రావాలని ప్రతిపాదించడంతో ఆమె అవాక్కయింది. ఎందుకు అలా అంటున్నారని ప్రశ్నించగా. ‘నీకు ఇంకా అర్థం కాలేదా…నీతో మాట్లాడాలని…కలవాలని…ప్రేమ సాగించాలని ఉందంటూ’ తనలోని మృగత్వాన్ని బయటపెట్టాడు. ‘మా నాన్నకు ఆరోగ్యం బాగోలేక మూడు నెలలు ఆస్పత్రిలో వుంటే తిండి లేకపోయినా ఎవరి వద్దా చేయి చాచకుండా వచ్చాం…మీకూ ఆడపిల్లలు ఉన్నారు కదా…ఆడపిల్లలంటే మీకు అంత అలుసా…’ అంటూ ఆమె కన్నీటి పర్యంతమైంది. తండ్రి లేడు, ఇద్దరూ ఆడపిల్లలే..చదువుకుంటున్నారు. డబ్బులు అవసరం ఉంటాయి…బయటకు వస్తావా అంటు సీఐ ఫోన్‌లో  ఆమెను వేధించాడు. 

సీఐ మాట్లాడిన మాటలన్నీరికార్డు చేసిన ఆమె మహిళా సంఘాలతో కలిసి ద్వారకా ఏసీపీ వైవీ నాయుడును కలిసి కాల్‌ రికార్డుతో సహా ఫిర్యాదు అందించింది. దీనిపై సీపీ మహే్‌షచంద్రలడ్డాకు సమాచారం ఇవ్వగా సమగ్ర దర్యాప్తు జరిపి నివేదిక ఇవ్వాలని ఏసీపీని ఆదేశించారు. ఏసీపీ నివేదిక ఆధారంగా సీఐ సన్యాసినాయుడును సస్పెండ్‌ చేస్తూ ఉత్తర్వులు జారీచేశారు. స్టేషన్‌కు వచ్చే ఫిర్యాదుదారులు ప్రధానంగా మహిళల పట్ల పోలీసులు గౌరవంగా వ్యవహరించాల్సిందేనని. ఏమాత్రం అసభ్యంగా ప్రవర్తించినా కఠిన చర్యలు తప్పవని లడ్హా తెలిపారు. పోలీస్ స్టేషన్‌లో లేదా ఏదైనా అధికారి వల్ల వేధింపులు ఎదురైతే నేరుగా నాకు ఫిర్యాదు చేస్తే చట్టపరమైన చర్యలు తీసుకుంటానని,ఇప్పటికే కొన్ని ప్రాంతాల్లో ప్రజలు పట్ల సరిగా వ్యవహరించని పోలీసు అధికారలను సర్వీస్ నుండి తొలగించామని సీపీ తెలిపారు. డిపార్ట్మెంట్ ఎంక్వైరీ లో తప్పు చేసినట్టు రుజువైతే సర్వీస్ నుండి తొలగిస్తామని సీపీ తెలిపారు.
Also Read : తగలబడిన ఫైళ్లు మిమ్మల్ని కాపాడలేవు మోడీజీ