Viagra Tablets: బాబోయ్.. కూరలో వయాగ్రా మాత్రలు కలిపి భర్తను చంపేందుకు భార్య ప్రయత్నం..
15 వయాగ్రా మాత్రలు తెప్పించి కూరలో కలిపి భర్త సురేష్‌ కు పెట్టింది మౌనిక.
- Published By: 10TV Digital Team ,Published On : October 17, 2025 / 05:37 PM IST
Viagra Tablets: కరీంనగర్‌ లో దారుణం జరిగింది. తాళి కట్టిన భర్తను భార్యే అత్యంత కిరాతకంగా హత్య చేసింది. తొలుత కూరలో వయాగ్రా మాత్రలు కలిపి భర్తను లేపేసేందుకు ప్రయత్నం చేసింది. అది వర్కౌట్ కాకపోవడంతో మరో ఖతర్నాక్ ప్లాన్ వేసింది. ఈసారి బీపీ, నిద్రమాత్రలను పొడిగా చేసి మద్యంలో కలిపి భర్తకు ఇచ్చింది. అది తాగి అతడు అపస్మారక స్థితిలోకి వెళ్లిపోగానే చీరతో మెడకు బిగించి ఉరేసి చంపింది. ఆ తర్వాత భర్తది సహజ మరణం అని అందరినీ నమ్మించే ప్రయత్నం చేసింది. అయితే, పోలీసులు తమదైన శైలిలో విచారణ జరిపి మర్డర్ మిస్టరీని చేధించారు. అది సహజ మరణం కాదు మర్డర్ అని, భార్యే హంతకురాలు అని పోలీసులు తేల్చడంతో అంతా షాక్ కి గురయ్యారు.
కరీంనగర్‌ పోలీస్‌ కమిషనర్‌ ఈ కేసు వివరాలను మీడియాకు తెలిపారు. వివాహేతర సంబంధం, డబ్బు కోసం వేధింపులు.. ఈ కారణాలతో భర్తను భార్యే చంపిందన్నారు. సప్తగిరి కాలనీకి చెందిన కత్తి సురేశ్ (36), మౌనిక దంపతులు. సురేశ్ డ్రైవర్‌గా పని చేస్తున్నాడు. సెప్టెంబర్ 17న రాత్రి సురేశ్ లైంగిక చర్య సమయంలో స్పృహ కోల్పోయాడని భార్య మౌనిక తన అత్తమామలకు ఫోన్‌ చేసి చెప్పింది. వారు వెంటనే సురేశ్ ని ఆస్పత్రికి తీసుకెళ్లారు. అప్పటికే సురేశ్ చనిపోయాడని డాక్టర్లు చెప్పారు.
అయితే ఇన్సూరెన్స్ డబ్బు కోసం కేసు నమోదు చేయించాలని కొందరు మౌనికకు సలహా ఇచ్చారు. ఈ సలహానే మౌనికను పోలీసులకు పట్టించింది. మర్డర్ వ్యవహారం వెలుగులోకి తెచ్చింది. వారి సలహా మేరకు మౌనిక కరీంనగర్‌ టూ టౌన్‌ పోలీసులు ఫిర్యాదు చేసింది. కేసు నమోదు చేసిన పోలీసులు విచారణ చేపట్టారు. దర్యాఫ్తులో విస్తుపోయే విషయాలు తెలిశాయి. మౌనిక వ్యవహారంపై అనుమానంతో కొందరు పోలీసులకు కీలక సమాచారం ఇచ్చారు. ఆ దిశగా పోలీసులు లోతైన దర్యాఫ్తు జరపగా.. మౌనికే హంతకురాలు అని తేలింది.
2015లో సురేశ్, మౌనిక ప్రేమించి పెళ్లి చేసుకున్నారు. వారికి ఇద్దరు పిల్లలు. కాగా, కొన్ని నెలల క్రితం మౌనిక సెక్స్‌వర్కర్‌ వృత్తిలోకి ప్రవేశించింది. ఈ క్రమంలో ఆమెకు ఓ వ్యక్తితో ఏర్పడిన పరిచయం వివాహేతర బంధానికి దారితీసింది. మరోవైపు డబ్బు కోసం భర్త సురేశ్.. మౌనికను వేధించే వాడు. రోజురోజుకి అతడి వేధింపులు పెరిగిపోవడంతో.. భర్తను చంపేయాలని నిర్ణయించుకుంది. తన బంధువు, మరో సెక్స్‌వర్కర్‌ కు విషయం చెప్పింది. ఆమె మెడికల్ ఏజెన్సీ యజమాని, మరో సెక్స్‌వర్కర్‌ ను మౌనికకు పరిచయం చేసింది. అంతా కలిసి సురేశ్ మర్డర్ కు ప్లాన్ చేశారు.
15 వయాగ్రా మాత్రలు తెప్పించి..కూరలో కలిపి..
ఇందులో భాగంగా వయాగ్రా, బీపీ మాత్రలతో సురేశ్ ను చంపొచ్చని మౌనికకు మెడికల్ ఏజెన్సీ యజమాని సలహా ఇచ్చాడు. 15 వయాగ్రా మాత్రలు తెప్పించి కూరలో కలిపి భర్త సురేష్‌ కు పెట్టింది మౌనిక. అయితే కూర వాసన రావడంతో అతడు తినలేదు. దాంతో మొదటి ప్లాన్ ఫెయిల్ అయ్యింది. మౌనిక రెండో ప్లాన్ వేసింది. ఈసారి బీపీ, నిద్ర మాత్రలను ఎంచుకుంది. సెప్టెంబర్ 17న రాత్రి.. బీపీ, నిద్రమాత్రలను పొడిగా చేసి మద్యంలో కలిపి సురేశ్ కు ఇచ్చింది. అది తాగిన సురేశ్ అపస్మారక స్థితిలోకి వెళ్లిపోయాడు. ఆ వెంటనే చీరను కిటికీ గ్రిల్‌కు కట్టి.. మరోపక్క సురేశ్ మెడకు బిగించి ఉరేసి చంపింది మౌనిక.
Also Read: లెక్చరర్ చెంప చెళ్లుమనిపించిన అమ్మాయి.. వీడియో వైరల్
