బీ రెడీ : BSNL JTOలకు దరఖాస్తుల ఆహ్వానం
- Published By: veegamteam ,Published On : February 12, 2019 / 04:41 AM IST
భారత్ సంచార్‌ నిగమ్ లిమిటెడ్ (BSNL) గేట్-2019 ద్వారా జూనియర్ టెలికామ్ ఆఫీసర్ (JTO) పోస్టుల భర్తీకి దరఖాస్తులు కోరుతోంది. ఈ పోస్టులకు సంబంధించి సివిల్, ఎలక్ట్రానిక్స్ విభాగాల్లో BE/B-TECH విద్యార్హత ఉన్నవారు దరఖాస్తు చేసుకోవడానికి అర్హులు. గేట్-2019 పరీక్షలో వచ్చిన స్కోరు ఆధారంగా ఉద్యోగ ఎంపికలు ఉంటాయి.
పరీక్ష ఫీజు:
– అభ్యర్థులు పరీక్ష ఫీజుగా రూ.1000 చెల్లించి మార్చి 12 వరకు ఆన్‌లైన్ ద్వారా దరఖాస్తు చేసుకోవాల్సి ఉంటుంది.
– SC, ST అభ్యర్థులు రూ.500 చెల్లిస్తే సరిపోతుంది.
విభాగాలు:
* సివిల్-132
*ఎలక్ట్రికల్- 66
* JTO- 198 పోస్టులు
అర్హత:
BE/ B-TECH(సివిల్/ఎలక్ట్రికల్). సంబంధిత విభాగంలో గేట్-2019 పరీక్షలో ఉత్తీర్ణత ఉండాలి.
వయస్సు పరిమితి:
12.03.2019 నాటికి 18 – 30 సంవత్సరాల మధ్య వయసుండాలి. నిబంధనల ప్రకారం వయోపరిమితిలో సడలింపులు వర్తిస్తాయి.
దరఖాస్తు విధానం:
ఆన్‌లైన్ ద్వారా. దరఖాస్తు సమయంలో గేట్-2019 రిజిస్ట్రేషన్ ID తప్పనిసరిగా నమోదుచేయాల్సి ఉంటుంది.
ఎంపిక విధానం:
గేట్-2019 పరీక్షలో వచ్చిన స్కోరు ఆధారంగా అభ్యర్థులను ఎంపిక చేస్తారు. గేట్-2019 ఫలితాల ప్రకారం సర్కిళ్ల వారీగా అభ్యర్థుల మెరిట్ జాబితాను తయారుచేస్తారు. గేట్ స్కోరు తప్ప ఎలాంటి పరీక్షలు, ఇంటర్వ్యూలు నిర్వహించరు.
ముఖ్యమైన తేదీలు:
* ఆన్‌లైన్ దరఖాస్తు ప్రక్రియ ప్రారంభం: 11.02.2019.
* ఆన్‌లైన్ దరఖాస్తుకు చివరితేది: 12.03.2019.
