Encourage Experiential Learning : 21వ శతాబ్దపు నైపుణ్యాలను నిజజీవితంలో అన్వయించుకోవటానికి… అనుభవపూర్వకమైన అభ్యాసాన్ని ప్రోత్సహించాలా ?
పాఠ్యాంశాలు, బోధనా పద్ధతులు అనేవి విద్యార్థులు ఉత్సుకత , ఆసక్తి, దానిలో నిమగ్నమవ్వడానికి, ప్రతిస్పందించడానికి, విమర్శనాత్మక ఆలోచన, సృజనాత్మక ప్రయత్నాలకు చోటు కల్పిస్తున్నాయా లేదా అనేది నిర్ధారించుకోవాల్సిన అవసరం ఉంది.
- Published By: 10TV Digital Team ,Published On : July 25, 2023 / 06:06 PM IST
EXPERIENTIAL LEARNING
Encourage Experiential Learning : విద్యా వ్యవస్థ లో అనేక మార్పులు, సంస్కరణలు చోటు చేసుకుంటున్నాయి. వాస్తవానికి విద్య యొక్క లక్ష్యం కేవలం అక్షరాస్యత , చదవడం, వ్రాయడం నైపుణ్యాలను అందించడానికి మాత్రమే సరిపోతుందని భావించారు. ఇటీవలి కాలంలో, విద్య అనేది ఒక సామాజిక పర్యావరణ వ్యవస్థగా రూపాంతరం చెందింది. ఇది ప్రారంభ విద్య నుండి కౌమారదశ వరకు , చివరకు యుక్తవయస్సు వరకు వారి జీవితంలోని వివిధ దశలలో కొనసాగే ప్రయాణంలో విద్యార్థులకు మద్దతుగా నిలుస్తుంది.
విద్యార్థులను, యువకులను, యుక్తవయస్కులను వృత్తిపరమైన , ఆర్థికంగా సమర్థవంతమైన జీవన విధానానికి సిద్ధం చేయడానికి, సామాజికంగా, జ్ఞానపరంగా , శారీరకంగా పిల్లల అభివృద్ధిని పెంపొందించే సంపూర్ణ నైపుణ్యాల వైపు వారిని మార్గనిర్దేశం చేయడం ద్వారా ఇది ఒక మాధ్యమంగా మారింది. విద్యార్థులకు సమర్థవంతమైన అవకాశాలను కల్పించటానికి, వారు అభివృద్ధి చెందడానికి సరైన వాతావరణాన్ని విజయవంతంగా అందించటానికి వీలుగా విద్యార్థుల అవసరాలను తీర్చేదిగా విద్య ఉండాలి. అంతేకాకుండా నైపుణ్యాల విస్తృతి’ని పెంపొందించటంపై ప్రధానంగా దృష్టి పెట్టాల్సిన అవసరం ఉంది.
పాఠ్యాంశాలు, బోధనా పద్ధతులు అనేవి విద్యార్థులు ఉత్సుకత , ఆసక్తి, దానిలో నిమగ్నమవ్వడానికి, ప్రతిస్పందించడానికి, విమర్శనాత్మక ఆలోచన, సృజనాత్మక ప్రయత్నాలకు చోటు కల్పిస్తున్నాయా లేదా అనేది నిర్ధారించుకోవాల్సిన అవసరం ఉంది. అధ్యాపకులు, విద్యార్థులు తమ చుట్టూ ఉన్న వారి సహకారాన్ని తీసుకుంటూ అభ్యసించడం, నేర్చుకోవటం, తరగతి గదులలో సామూహిక బృందాలుగా ఒకరితో ఒకరు చర్చించుకోవటం వంటి విధానాలు అనుసరించటం మంచిది.
READ ALSO : No Jobs For Freshers : ఐటీ కంపెనీల్లో ఫ్రెషర్లకు నో జాబ్స్
21వ శతాబ్దపు నైపుణ్యాలను ఉపయోగించడంలో పాఠ్యాంశాల ద్వారా బోధించలేని ఆచరణాత్మకమైన , అనుభవపూర్వకమైన విద్యా విధానం అవసరం. సృజనాత్మకత, విమర్శనాత్మక ఆలోచన, కమ్యూనికేషన్, సహకారం, ఉత్సుకతను ప్రోత్సహించేందుకు బోధన అభ్యాస ప్రక్రియ అవసరం.
ప్లే లెర్నింగ్‌తో మెదడులకు మరింత పదును పెట్టటం ;
పిల్లలు సంపూర్ణంగా అభివృద్ధి చెందడానికి , పరిపూర్ణమైన వ్యక్తులుగా మారడానికి, విశ్లేషణాత్మక , తార్కిక సామర్థ్యాల్లో ప్రభావవంతమైన అభివృద్ధి అవసరం. అయితే వారి భావోద్వేగ సంబంధిత అవసరాలు కూడా పరిగణలోకి తీసుకోవాలి. ఆటపాటలతో కూడిన చదువులు ఆచరణాత్మక, అనుభవపూర్వకమైన అభ్యాసానికి ప్రాణం పోస్తుంది. క్రీడలు, ఆట-ఆధారిత కార్యకలాపాలు, క్విజ్‌లు, డిజిటల్ గేమ్‌లలో తక్షణమే ఆలోచించడం, వ్యూహరచన చేయాల్సి ఉంటుంది. విమర్శనాత్మకంగా ఆలోచించడం, విశ్లేషించడం, నిర్ణయాలు తీసుకునే అవకాశాలను అందించడం ద్వారా విద్యార్థులను విజ్ఞానాత్మకంగా, సామాజికంగా ఉత్తేజపరిచేందుకు సహాయపడతాయి.
READ ALSO : Viral Video : సెలూన్‌కి వచ్చిన కస్టమర్‌ని చితకబాదిన బార్బర్.. వైరల్ వీడియోపై ప్రజలు ఆగ్రహం
రోల్ ప్లే ద్వారా నేర్చుకోవడం ;
తరగతి గది కార్యకలాపాలు, రంగస్థల ప్రదర్శనలు , పాఠ్యేతర ప్లాట్‌ఫారమ్‌ల ద్వారా, విద్యా వ్యవస్థలు విద్యార్థులకు వాస్తవ పరిస్థితుల అనుభవాన్ని ప్రేరేపించడానికి అనువైన అవకాశాలను అందించగలగాలి. విద్యార్థులకు విభిన్న సామాజిక సందర్భాలను, విభిన్న వ్యక్తులను అర్థం చేసుకోవడంలో ఈ విధానం సహాయపడుతుంది. అటువంటి వైవిధ్యాలు , ప్రత్యేకత పట్ల సానుభూతిని పెంపొందించడంలో సహాయపడుతుంది.
ఉదాహరణకు, కుటుంబ సభ్యుల ఆలోచనలను, దృక్కోణాలను అర్థం చేసుకోవడానికి విద్యార్థులు తల్లిదండ్రులుగా రోల్ ప్లే చేయగలరు. అధ్యాపకులు విద్యార్థులను ఇతర తోటి విద్యార్థుల వలె రోల్-ప్లే చేయగలిగేలా సహకారం , నైపుణ్యాలను మార్గనిర్దేశం చేయవచ్చు. రోల్-ప్లేయింగ్ అనేది విద్యార్థులను కీలకమైన సమస్యల పరిష్కార నైపుణ్యాలలో నిమగ్నం చేయడానికి, జీవితంలో ఎదురయ్యే సమస్యలకు పరిష్కారాలను అన్వేషించడానికి, తమ అవసరాలను నెరవేర్చుకోవటానికి ఒక సృజనాత్మకత మార్గంగా దోహద పడుతుంది.
అనుభవపూర్వక వాతావరణం ;
పిల్లలు 21వ శతాబ్దపు నైపుణ్యాలను వారి భవిష్యత్తులో అన్వయించుకునేలా చూసుకోవడంలో అత్యంత ముఖ్యమైన దశ స్వేచ్ఛా ఆలోచనను అనుమతించే వాతావరణాన్ని సృష్టించడం. అకడమిక్ ప్రాధాన్యతలు , ఆట,పాటలతో కూడిన చదువులు, విద్యార్ధులు భవిష్యత్తులో ఎదురయ్యే రిస్క్‌లను తీసుకోవడానికి , తప్పుల నుండి గుణపాఠాలు నేర్చుకునే అవకాశాన్ని ఇస్తుంది.
READ ALSO : YS Sharmila: వైఎస్ షర్మిల బాణం కాంగ్రెస్ చేతికి చిక్కిందా.. అందుకే సికింద్రాబాద్ సీట్‌పై కన్నేశారా?
విద్యార్థులను మంచి వ్యక్తులుగా తీర్చిదిద్దే బాధ్యతను తీసుకునేందుకు అధ్యాపకులకు కూడా నిర్దిష్ట శిక్షణ అవసరం. సమాజానికి మంచి సహకారం అందించడానికి చిన్న వయస్సు నుండి పిల్లలకు నైపుణ్యాలతోపాటు, కొన్ని సమస్యలను ఎదుర్కొన్నప్పుడే వారి జీవితం సాఫీగా మారుతుంది. అధ్యాపకులు కూడా విద్యార్థుల విభిన్న బహుళ అవసరాలను తీర్చడానికి వ్యక్తిగతీకరించిన అభ్యాసంపై దృష్టి పెట్టాలి.
విద్య అనేది బోధన ద్వారా నేర్చుకునేటటువంటి వ్యవస్థగా మిగిలి ఉన్నంత కాలం ప్రజలు మాట్లాడలేని, నేర్చుకోలేని వాటిని నేర్చుకునే అవకాశాలను సృష్టిస్తుంది, అది అభివృద్ధికి దివ్యౌషధంగా మారుతుంది.
