EMRS Recruitment : ఏకలవ్య మోడ‌ల్ రెసిడెన్షియ‌ల్ పాఠశాలల్లో టీచింగ్, నాన్ టీచింగ్ పోస్టుల భర్తీ
పోస్టుల వారిగా ఖాళీలను పరిశీలిస్తే ప్రిన్సిపల్ పోస్టులు 303, పోస్టు గ్రాడ్యుయేట్ టీచ‌ర్ (పీజీటీ) పోస్టులు 2266, అకౌంటెంట్‌ పోస్టులు 361, జూనియర్‌ సెక్రటేరియట్‌ అసిస్టెంట్‌ పోస్టులు 759, ల్యాబ్‌ అటెండెంట్‌ పోస్టులు 373 పోస్టులు ఉన్నాయి. మరాఠి, ఒడియా, తెలుగు, బెంగాలి, హిందీ, మ్యాథ్స్‌, ఫిజిక్స్‌, కెమిస్ట్రీ, హిస్టరీ, జియోగ్రఫీ తదితర సబ్జెక్టుల్లో ఖాళీలున్నాయి.
- Published By: 10TV Digital Team ,Published On : July 4, 2023 / 01:19 PM IST
EMRS Recruitment
EMRS Recruitment : భారత ప్రభుత్వ గిరిజన వ్యవహారాల మంత్రిత్వ శాఖ ఆధ్వర్యంలోని ఏకలవ్య మోడ‌ల్ రెసిడెన్షియ‌ల్ పాఠశాలల్లో (ఈఎంఆర్ఎస్) టీచింగ్, నాన్ టీచింగ్ పోస్టుల భర్తీ చేపట్టనున్నారు. ఈనోటిఫికేషన్ లో భాగంగా మొత్తం 4,062 టీచింగ్, నాన్ టీచింగ్ పోస్టులను భర్తీ చేస్తున్నారు. నేషనల్‌ ఎడ్యుకేషన్‌ సోసైటీ ఫర్‌ ట్రైబల్‌ స్టూడెంట్స్‌ (ఎన్‌ఈఎస్‌టీఎస్‌) కింద ఈ పోస్టులను భర్తీ చేయనున్నారు. ఈఎంఆర్ఎస్ స్టాఫ్‌ సెలక్షన్‌ ఎగ్జామ్‌ (ఈఎస్‌ఎస్‌ఈ)-2023 ఆధారంగా ఈ నియామక ప్రక్రియ ఉంటుంది.
పోస్టుల వారిగా ఖాళీలను పరిశీలిస్తే ప్రిన్సిపల్ పోస్టులు 303, పోస్టు గ్రాడ్యుయేట్ టీచ‌ర్ (పీజీటీ) పోస్టులు 2266, అకౌంటెంట్‌ పోస్టులు 361, జూనియర్‌ సెక్రటేరియట్‌ అసిస్టెంట్‌ పోస్టులు 759, ల్యాబ్‌ అటెండెంట్‌ పోస్టులు 373 పోస్టులు ఉన్నాయి. మరాఠి, ఒడియా, తెలుగు, బెంగాలి, హిందీ, మ్యాథ్స్‌, ఫిజిక్స్‌, కెమిస్ట్రీ, హిస్టరీ, జియోగ్రఫీ తదితర సబ్జెక్టుల్లో ఖాళీలున్నాయి. ప్రిన్సిపల్, పీజీటీ, అకౌంటెంట్‌, జేఎస్‌ఏ, ల్యాబ్‌ అటెండెంట్‌ వంటి పోస్టులు భర్తీ చేస్తారు.
దరఖాస్తు చేసుకునే అభ్యర్ధుల అర్హతలకు సంబంధించి ప్రిన్సిపల్ పోస్టులకు బీఈడీ, మాస్టర్స్‌ డిగ్రీలో ఉత్తీర్ణతతోపాటు కనీసం 12 ఏళ్ల పని అనుభవం ఉండాలి. వయసు 50 ఏళ్లకు మించరాదు. పీజీటీ పోస్టులకు బీఈడీతోపాటు పీజీ డిగ్రీ/ఎంఎస్సీ/ఎంఈ/ఎంటెక్‌/ఎంసీఏలో ఉత్తీర్ణత పొంది ఉండాలి. వయసు 40 ఏళ్లకు మించరాదు.
ఆసక్తి కలిగిన వారు ఆన్‌లైన్‌లో దరఖాస్తు చేసుకోవాల్సి ఉంటుంది. జులై 31, 2023వ తేదీ దరఖాస్తుకు తుది గడువుగా నిర్ణయించారు. ప్రిన్సినల్ పోస్టులకు రూ.2000, పీజీటీ పోస్టులకు రూ.1500, నాన్ టీచింగ్ పోస్టులకు రూ.1000ల చొప్పున రిజిస్ట్రేషన్‌ ఫీజు చెల్లించవల్సి ఉంటుంది. రాత పరీక్ష, ఇంట‌ర్వ్యూ ఆధారంగా ఎంపిక చేస్తారు. పూర్తి వివరాలకు వెబ్ సైట్ ; https://emrs.tribal.gov.in/ పరిశీలించగలరు.
