UPSC 2024 Prelims Result : యూపీఎస్సీ 2024 ప్రిలిమ్స్ ఫలితాలు వచ్చేశాయి.. అర్హత పొందిన అభ్యర్థుల వివరాలివే!

UPSC 2024 Prelims Result : యూపీఎస్సీ ఈఎస్ఈ మెయిన్స్ 2024 పరీక్ష జూన్ 23న నిర్వహించనున్నట్టు కమిషన్ ప్రకటించింది. అర్హత పొందిన అభ్యర్థుల జాబితాను ఓసారి చెక్ చేయండి.

UPSC 2024 Prelims Result : యూనియన్ పబ్లిక్ సర్వీస్ కమిషన్ (UPSC) ఇంజనీరింగ్ సర్వీసెస్ ఎగ్జామినేషన్ 2024 (ESE 2024) ప్రిలిమినరీ పరీక్ష ఫలితాలను ప్రకటించింది. పరీక్షలకు ఎంపికైన అభ్యర్థుల జాబితాను అధికారిక వెబ్‌సైట్‌లో వెల్లడించింది. యూపీఎస్సీ ప్రిలిమ్స్ పరీక్ష గత ఫిబ్రవరి 18న జరిగింది. అదనంగా, యూపీఎస్సీ ఈఎస్ఈ మెయిన్స్ 2024 పరీక్ష జూన్ 23న నిర్వహించనున్నట్టు కమిషన్ ప్రకటించింది.

అర్హత పొందిన అభ్యర్థుల జాబితాను ఓసారి చెక్ చేయండి. అభ్యర్థుల జాబితా వివరాల కోసం ఈ లింక్ https://upsc.gov.in/sites/default/files/WR-ESEP-24-engl-NameList-280324.pdf ద్వారా తెలుసుకోవచ్చు.

Read Also : Apple iPhone 14 discount : ఆపిల్ ఐఫోన్ 14పై భారీ డిస్కౌంట్.. కేవలం రూ.57వేలకే సొంతం చేసుకోవచ్చు!

యూపీఎస్సీ ఈఎస్ఈ 2024లో సివిల్ ఇంజనీరింగ్, మెకానికల్ ఇంజనీరింగ్, ఎలక్ట్రికల్ ఇంజనీరింగ్, ఎలక్ట్రానిక్స్, టెలికమ్యూనికేషన్ ఇంజనీరింగ్ అనే 4 విభాగాలలో బెంచ్‌మార్క్ డిజేబిలిటీస్ (PwBD) ఉన్న అభ్యర్థుల కోసం 5 రిజర్వ్ చేసిన స్థానాలతో సహా సుమారు 167 స్థానాలను భర్తీ చేయాలని లక్ష్యంగా పెట్టుకుంది.

మెయిన్స్ పరీక్ష కోసం యూపీఎస్సీ ఈఎస్ఈ అడ్మిట్ కార్డ్‌లు పరీక్ష తేదీకి ఒక వారం ముందు రిలీజ్ కానున్నాయి. ఫైనల్ రిజల్ట్ డిక్లరేషన్ (పర్సనాలిటీ టెస్ట్ తర్వాత)తో సహా మొత్తం ఇంజినీరింగ్ సర్వీసెస్ ఎగ్జామినేషన్ ప్రక్రియ ముగిసిన తర్వాత ఇంజినీరింగ్ సర్వీసెస్ (ప్రిలిమినరీ) ఎగ్జామినేషన్, 2024 మార్కులు, కట్-ఆఫ్ మార్కులు కమిషన్ వెబ్‌సైట్‌లో వెల్లడి కానున్నాయి.

మెయిన్స్ పరీక్ష కోసం పరీక్షా కేంద్రాన్ని మార్చాలన్న అభ్యర్థనలను స్వీకరించబోమని కమిషన్ పేర్కొంది. యూపీఎస్సీ హెల్ప్‌లైన్ వారం రోజులలో ఉదయం 10 గంటల నుంచి సాయంత్రం 5 గంటల వరకు వ్యక్తిగత సాయం కోసం లేదా టెలిఫోన్ ద్వారా (011)-23388088/ 23385271/23381125/23098543 ద్వారా సంప్రదించవచ్చు. యూపీఎస్సీ ఆఫీస్ ప్రాంగణంలో మొబైల్ ఫోన్‌లు నిషేధమని తెలిపింది.

Read Also : iPad Air Discount : ఫ్లిప్‌కార్ట్‌లో ఐప్యాడ్ ఎయిర్‌పై భారీ డిస్కౌంట్.. కేవలం రూ.9,901 మాత్రమే!