Donald Trump: కొత్త గెటప్ లో కనిపించనున్న ట్రంప్.. బాక్సింగ్ పోటీలపై ఫోకస్

అమెరికా మాజీ ప్రెసిడెంట్ డొనాల్డ్ ట్రంప్.. శనివారం 58 ఏళ్ల మాజీ హెవీ వెయిట్‌ ఛాపియన్‌ ఎవాండర్‌ హోలీఫీల్డ్‌ తలపడుతున్న బాక్సింగ్‌ పోటీలకు...

Boxing Trump

Donald Trump: అమెరికా మాజీ ప్రెసిడెంట్ డొనాల్డ్ ట్రంప్.. కొత్త గెటప్‌లో కనిపించనున్నారు. శనివారం 58 ఏళ్ల మాజీ హెవీ వెయిట్‌ ఛాపియన్‌ ఎవాండర్‌ హోలీఫీల్డ్‌ తలపడుతున్న బాక్సింగ్‌ పోటీలకు కామెంటేటర్‌గా వ్యవహరించనున్నారు. ఫ్లోరిడాలోని డొనాల్డ్‌ జూనియర్‌తో కలిసి ట్రంప్‌ ఈ బాక్సింగ్‌ పోటీలకు వ్యాఖ్యాతగా వ్యవహరించనున్నాడు. నాలుగు బౌట్ల ఈ పోటీని fite.tvలో వీక్షించొచ్చు. మొబైల్‌, స్మార్ట్‌టీవీ యాప్స్‌లోనూ చూడొచ్చు. కాకపోతే ఇది ఉచితం కాదు. తప్పకుండా 49.9 డాలర్లు చెల్లించాల్సి ఉంటుంది.

‘గొప్ప పోరాట యోధులు, గొప్ప పోరాటాలంటే నాకిష్టం. ఈ శనివారం ఇద్దరి ఫైటర్ల పోరాటాన్ని వీక్షించేందుకు, నా ఆలోచనలు పంచుకొనేందుకు ఆసక్తిగా ఎదురు చూస్తున్నా. ఈ ప్రత్యేక కార్యక్రమాన్ని మీరెవ్వరూ మిస్సవ్వొద్దు’ అని డొనాల్డ్‌ ట్రంప్‌ పిలుపునిచ్చారు.

వాస్తవంగా ఈ పోటీలు లాస్‌ ఏంజెల్స్‌లో జరగాల్సి ఉంది. మాజీ యూఎఫ్‌సీ ఛాంపియన్‌ విక్టర్‌ బెల్‌ఫోర్ట్‌తో తలపడాల్సిన కొవిడ్‌-19 కారణంగా ఆస్కార్‌ డీలా హోయా పోటీ నుంచి తప్పుకున్నాడు. అతడి స్థానంలో హోలీఫీల్డ్‌ రావడంతో పోటీలకు రావడంతో కాలిఫోర్నియా అథ్లెటిక్స్‌ కమిషన్‌ అంగీకరించలేదు. 2011 నుంచి బాక్సింగ్‌కు దూరంగా ఉన్న హోలీఫీల్డ్‌ అక్టోబరులో 59 వసంతంలోకి అడుగుపెట్టనున్నాడు. అందుకే ఫ్లోరిడాకు వేదికను మార్చారు.

కొన్నేళ్లపాటు బాక్సింగ్‌ పోటీలకు ఆతిథ్యమిచ్చిన ట్రంప్.. పలు బౌట్లను ప్రమోట్‌ చేశాడు. ఇందులో చాలావరకూ అట్లాంటిక్‌ సిటీలోని సొంత క్యాజినోలోనే జరిగాయి. రాజకీయ వేదికలపై సంచలన వ్యాఖ్యలు చేసే ట్రంప్‌ బాక్సింగ్‌కు వ్యాఖ్యానం ఎలా ఉంటుందోనని అంచనాలు పెరిగిపోతున్నాయి.