Honour Killing
Pakistan’s 26-year-old Qandeel Baloch Honour Killing : పాకిస్థాన్‌కు చెందిన 26 ఏళ్ల ఖండీల్ బలోచ్ ను తోడబుట్టినవాడే హత్య చేశాడు. అతనికి కోర్టు శిక్ష విధించింది. శిక్షా కాలం పూర్తి చేసుకుని విడుదల కూడా అయ్యాడు సోషల్ మీడియాలో సెన్సేషన్, పాక్ పూనం పాండేగా పేరున్న క్వాందీల్ బలోచ్ హత్య కేసులో సోదరుడు మహ్మద్ వసీమ్ శిక్షా కాలం పూర్తి కాకముందే విడుదల అయ్యాడు. తోబుట్టువును చంపి జైలుకు వెళ్లి బయటకొచ్చి వసీయ్ కు ఘన స్వాగతం పలికారు జనాలు. బ్యానర్లు కట్టి..భారీగా ఊరేగింపు నిర్వహించారు.దీనికి సంబంధించి వీడియోలు..ఫోటోలు సోషల్ మీడియాలో వైరల్ గా మారాయి.
కాగా..పాక్ పూనం పాండేగా పేరున్న క్వాందీల్ బలోచ్ హత్య ప్రపంచవ్యాప్తంగా పెను సంచలనం సృష్టించింది. ఎంతో పేరు తెచ్చుకున్న క్యాందీల్ చేసే పని ఇంట్లో వారికి నచ్చలేదు.ముఖ్యగా సోదరుడు వసీమ్ కు అస్సలునచ్చలేదు. దీంతో పలుమార్లు చెప్పిచూశాడు.అయినా వినకపోవటంతో అశ్లీల వీడియోలను ఇంటర్నెట్లో పోస్ట్ చేస్తూ కుటుంబం పరువు తీస్తోందంటూ వసీమ్ 2016, జులైలో క్వాందిల్ బలోచ్ ను గొంతుకోసి హతమార్చాడు. ఈకేసులో వసీమ్ ను అరెస్ట్ చేసిన పోలీసులు అతనిని కోర్టులో హాజరుపరిచారు. దీనిపై విచారించిన ముల్తాన్ కోర్టు వసీమ్మ్ కు జీవిత ఖైదీ శిక్ష విధించింది.
అయితే ఇంతకాలం జైలుశిక్ష అనుభవించిన ఆమె సోదరుడు.. సోమవారం (ఫిబ్రవరి 14,2022) జైలు నుంచి బయటకు వచ్చాడు. ఆ సమయంలో ఊరేగింపుగా జనం బ్యానర్లు కట్టి మా హీరో అంటూ నినాదాలుచేస్తు భారీగా ఊరేగిస్తు ఇంటికి తీసుకెళ్లటం ఇంటికి తీసుకెళ్లడం చర్చనీయాంశంగా మారింది. సోదరిని చంపినవాడికి ఇటువంటి స్వాగతమా? అతనేమన్నా ఘనకార్యంచేసి జైలుకెళ్లొచ్చాడా?అనే విమర్శలు వినిపిస్తున్నాయి.
ఫౌజియా అజీమ్ అలియాస్ క్వాందీల్ బలోచ్ అలియాస్ కందిల్ బలోచ్.. పాక్ తొలి సోషల్ మీడియా సెలబ్రిటీ. భర్త నుంచి విడిపోయాక ఆమె.. హాట్ ఫొటోలు, వీడియోలతో పేరు సంపాదించుకుంది. ఈ క్రమంలో భారత క్రికెటర్లు, సినీ తారల పేర్లను సైతం ఆమె ఉపయోగించుకుంది. ఇదిలా ఉండగా..ఆపై ఆమె పరివర్తనలో మార్పొచ్చింది. ఉద్యమకారిణిగా పలు అంశాలపై పోరాడింది. ఇదిలా ఉండగా.. 2016లో క్వాందీల్(26) దారుణంగా హత్యకు గురైంది. అశ్లీల ఫొటోలు, వీడియోలతో తమ కుటుంబ పరువు తీస్తున్నందువల్లే తన సోదరిని హతమార్చానని బలోచ్ సోదరుడు వసీమ్ గర్వంగా చెప్పాడు. సోదరిని చంపినందుకు తాను ఏమాత్రం బాధపడటంలేదని పైగా గర్వపడుతున్నానని చెప్పాడు.ఆమె హద్దులు దాటినందుకే హత్య చేశానని సమర్థించుకున్నాడు. ఈ కేసులో వసీమ్కు జీవిత ఖైదు పడింది.
ఈ హత్య ఉదంతం మడోనా లాంటి పాప్ సింగర్ దగ్గరి నుంచి ఎంతో మంది సెలబ్రిటీలను కదిలించింది. ఆడవాళ్ల స్వేచ్ఛ.. దానికి ఉండాల్సిన పరిధులు వంటి విషయాలపై పాక్ లో పెద్ద ఎత్తున చర్చలు జరిగాయి.పాక్లో ఇలాంటి నేరాలకు చట్ట సవరణ పై చర్చ జరగ్గా.. చట్టాలకు కీలకమైన మార్పులు కూడా జరగటం గమనించాల్సిన విషయం. అదే టైంలో ఇటువంటి దారుణ నేరాలకు సంబంధించిన కేసుల్లో క్షమాభిక్షలు ఇవ్వకూడదనే డిమాండ్ బలంగా వినిపించింది. కాగా..తమ కుమార్తె హత్య కేసులో కొడుకు వసీంను క్షమించే ప్రసక్తే లేదని తొలుత ఆ పేరెంట్స్, తోబుట్టువులు అన్నారు. చివరికి.. క్షమాభిక్షకు ఒప్పుకోవడంతో ఆరేళ్ల శిక్షా కాలం పూర్తి కాకముందే వసీం బయటకు వచ్చేశాడు.
బలోచ్ ను హత్య చేసినందుకు గర్వంగా భావిస్తున్నానని, అందుకు భావితరాలు తనను గుర్తుంచుకుంటాయని మహ్మద్ వసిమ్ అరెస్ట్ అయిన సమయంలో వ్యాఖ్యానించాడు. ఇప్పుడు రిలీజ్ అయ్యాక కూడా అతని పరివర్తనలో ఎటువంటి మార్పు రాకపోవటం గమనించాల్సిన విషయం. విడుదల అయ్యాక కూడా జైలుకు వెళ్లినప్పుడు చెప్పిన మాటలే స్థానిక మీడియాకు చెప్పాడు. ఇక ముల్తాన్ సిటీలోని అతనుండే ఏరియా మొత్తం వసీమ్ను ‘హీరో’గా కీర్తిస్తోంది. అమ్మాయిలు జన్మించేది ఇంట్లో ఉండటానికిమాత్రమే..వారు సంప్రదాయాలు పాటించాలని, ఆ విషయంలో దారి తప్పితే వసీమ్ లాంటి హీరోలు పుట్టుకొస్తారంటూ బ్యానర్లు, ఫ్లెక్సీలు సైతం ప్రదర్శించారు. కానీ జైలునుంచి విడుదల అయ్యిన తరువాత వసీమ్ ను కుటుంబం సభ్యులు ఇంట్లోకి రానివ్వలేదు.దీంతో వసీమ్ అదే ఏరియాలో మరో అద్దె ఇంట్లోకి దిగాడు.
