Hadley Gamble : ఆ డ్రెస్ ఏంటి? ఆ ఎక్స్‌ప్రెషన్స్‌‌కు అర్థమేంటి? అధ్యక్షుడిని ఇంటర్వ్యూ చేసిన యాంకర్ పై విమర్శలు
ఇటీవల రష్యా అధ్యక్షుడు వ్లాదిమర్‌ పుతిన్ ను సీఎన్‌బీసీ న్యూస్ యాంకర్ ఇంటర్వ్యూ చేసింది. ఈ ఇంటర్వ్యూలో ఆమె ఏం అడిగిందో, పుతిన్ ఏం చెప్పాడో అనే అంశాల కన్నా.. న్యూస్ యాంకర్ వేసుకున్న
- Published By: 10TV Digital Team ,Published On : October 19, 2021 / 05:33 PM IST
Hadley Gamble
Hadley Gamble : ఇటీవల రష్యా అధ్యక్షుడు వ్లాదిమర్‌ పుతిన్ ను సీఎన్‌బీసీ న్యూస్ యాంకర్ ఇంటర్వ్యూ చేసింది. ఈ ఇంటర్వ్యూలో ఆమె ఏం అడిగిందో, పుతిన్ ఏం చెప్పాడో అనే అంశాల కన్నా.. న్యూస్ యాంకర్ వేసుకున్న డ్రెస్, ఇచ్చిన ఎక్స్ ప్రెషన్స్ హాట్ టాపిక్ గా మారాయి. అలాగే ఆమెను ఉద్దేశించి పుతిన్ చేసిన కామెంట్స్ కూడా విమర్శలకు దారితీశాయి.
మాస్కోలోని ఎనర్జీ ఫోరమ్‌లో వ్లాదిమర్‌ పుతిన్ పాల్గొన్న సెషన్‌కు సీఎన్‌బీసీ ఉద్యోగి హాడ్లీ గ్యాంబుల్ మోడరేటర్‌గా ఉన్నారు. యూరప్‌లో ఏర్పడ్డ గ్యాస్ సంక్షోభం గురించి జరిగిన సెషన్‌లో పుతిన్ ఆమెను ఉద్దేశించి అందంగా ఉంది.. ప్రెట్టీగా ఉందని ప్రశంసించాడు. పుతిన్ వ్యాఖ్యలపై విమర్శలు వెల్లువెత్తాయి. వ్యవహారం కాస్త ముదురుతుండటంతో పుతిన్ ప్రచారకుడు వ్లాదిమిర్ సోలోవియోవ్ రంగంలోకి దిగాడు.
Fasting : ఉపవాసంతో ఆరోగ్యానికి మేలే..!
సోలోవియోవ్ తన రోసియా 1 న్యూస్ ఛానల్‌లో హాడ్లీ గ్యాంబుల్, పుతిన్ మధ్య జరుగుతున్న సంభాషణకు సంబంధించిన వీడియోను టెలికాస్ట్‌ చేశాడు. పుతిన్ దృష్టి మరల్చడానికి గ్యాంబుల్ ప్రయత్నించిందని ఆరోపించాడు. ఫుటేజ్‌లో ప్రధానంగా ఆమె కాళ్లపై దృష్టి పెట్టాడు. పుతిన్‌తో మాట్లాడుతున్నప్పుడు హాడ్లీ తన కాళ్లను ముందుకు వెనక్కి ఊపుతూ ఉంటుంది. హాడ్లీ చర్యలపై రష్యా మీడియా ఆగ్రహం వ్యక్తం చేసింది. ‘‘హాడ్లీ ఈ పనుల ద్వారా తనను తాను ఒక సెక్స్‌ ఆబ్జెక్ట్‌గా ప్రదర్శించుకుంది. పుతిన్ దృష్టిని మరల్చాలని విఫల యత్నం చేసింది’’ అంటూ మండిపడింది.
Teeth : మిలిమిల మెరిసే దంతాల కోసం..
ఇక సీఎన్‌బీసీ న్యూస్ యాంకర్ ను ఉద్దేశించి.. అందంగా ఉన్నావ్.. ప్రెట్టీగా ఉన్నావ్ అంటూ.. పుతిన్ చేసిన వ్యాఖ్యలు కూడా దుమారాన్ని రేపాయి. పుతిన్ వ్యాఖ్యలపై నెటిజన్లు అభ్యంతరం వ్యక్తం చేశారు. దాంతో రష్యా మీడియా ఎదురుదాడికి దిగింది. సదరు న్యూస్ యాంకరే పుతిన్‌ని డిస్టర్బ్‌ చేయాలని భావించింది.. ఆమె బాడీ ఎక్స్‌ప్రెషన్స్‌, డ్రెస్ చూస్తే.. పుతిన్‌కి సిగ్నల్‌ ఇచ్చినట్లే ఉందని ఎదురుదాడికి దిగింది. అయినా నెటిజన్లు ఊరుకోలేదు. మీ అధ్యక్షుడు మరీ అంత బలహీన మనస్తత్వం కలవాడా అని నిలదీస్తూ రష్యన్ మీడియాని కడిగేశారు.
