Russia Warns America: ఇరాన్, ఇజ్రాయెల్ వార్.. రంగంలోకి రష్యా, చైనా.. అమెరికాకి వార్నింగ్.. మిలటరీ జోక్యం చేశారో.. ట్రంప్ కి ధమ్కీ

అమెరికా సైనిక జోక్యం అత్యంత ప్రమాదకరంగా మారొచ్చని రష్యా హెచ్చరించింది.

Russia Warns America: ఇరాన్, ఇజ్రాయెల్ మధ్య యుద్ధం తీవ్ర రూపం దాలుస్తోంది. ఇరు దేశాలు భీకరంగా దాడులు చేసుకుంటున్నాయి. ఒకరిపై ఒకరు బాంబులు, క్షిపణుల వర్షం కురిపించుకుంటున్నాయి. ఇక ఈ యుద్ధంలోకి అమెరికా కూడా ఎంట్రీ ఇవ్వనుందనే వార్తలు మరింత ఉద్రిక్తతను పెంచాయి. ఇరాన్ లొంగిపోవాల్సిందే అంటూ అమెరికా అధ్యక్షుడు డొనాల్డ్ ట్రంప్ వార్నింగ్ ఇవ్వడం, అమెరికా యుద్ధ విమానాలు పశ్చిమాసియా వైపు కదలడం.. ఈ పరిణామాలు మరింత హీట్ పెంచాయి.

తాజాగా మరో కీలక పరిణామం చోటు చేసుకుంది. ఇరాన్, ఇజ్రాయెల్ వార్ లోకి రష్యా, చైనా ఎంట్రీ ఇచ్చాయి. అగ్రరాజ్యం అమెరికాకి స్ట్రాంగ్ వార్నింగ్ కూడా ఇచ్చాయి. ఇరాన్, ఇజ్రాయెల్ యుద్ధంలో మిలటరీ జోక్యం చేసుకుంటే.. తీవ్ర పరిణామాలు తప్పవంటూ ట్రంప్ కి ధమ్మీ ఇచ్చాయి రష్యా, చైనా. అమెరికా సైనిక జోక్యం అత్యంత ప్రమాదకరంగా మారొచ్చని హెచ్చరించాయి.

ఇరాన్-ఇజ్రాయెల్ యుద్ధంలో ‘సైనిక జోక్యం’కు వ్యతిరేకంగా రష్యా అమెరికాను హెచ్చరించిందని తెలుస్తోంది. “ఈ పరిస్థితిలో సైనిక జోక్యం గురించి మేము ప్రత్యేకంగా వాషింగ్టన్‌ను హెచ్చరించాలనుకుంటున్నాము. ఇది నిజంగా అనూహ్యమైన ప్రతికూల పరిణామాలతో కూడిన అత్యంత ప్రమాదకరమైన దశ అవుతుంది” అని రష్యా విదేశాంగ మంత్రిత్వ శాఖ ప్రతినిధి మరియా జఖరోవా మీడియాతో అన్నారు.

బుధవారం, రష్యా ఉప విదేశాంగ మంత్రి సెర్గీ ర్యాబ్కోవ్ ఇజ్రాయెల్‌కు ప్రత్యక్ష సైనిక సహాయం అందించకుండా అమెరికాను హెచ్చరించారు. “ఈ రకమైన ఊహాజనిత ఎంపికల గురించి కూడా మేము వాషింగ్టన్‌ను హెచ్చరిస్తున్నాము. ఇది మొత్తం పరిస్థితిని తీవ్రంగా అస్థిరపరిచే దశ అవుతుంది” అని ర్యాబ్కోవ్ అన్నారు. ఇరాన్ అణు మౌలిక సదుపాయాలపై ఇజ్రాయెల్ దాడులతో ప్రపంచం విపత్తు నుండి “మిల్లీమీటర్ల” దూరంలో ఉందని జఖరోవా అన్నారు. ఐక్యరాజ్యసమితి అణు భద్రతా నిఘా సంస్థ ఇప్పటికే నిర్దిష్ట నష్టాన్ని గుర్తించిందని చెప్పారు.

”మొత్తం ప్రపంచ సమాజం ఎక్కడుంది? పర్యావరణవేత్తలందరూ ఎక్కడ ఉన్నారు? మేమంతా దూరంగా ఉన్నాము, ఈ రేడియేషన్ తరంగం మనల్ని చేరుకోదని వారు భావిస్తున్నారో లేదో నాకు తెలియదు. ఫుకుషిమాలో ఏం జరిగిందో తెలుసు కదా” అని 2011లో జపాన్ అణు విద్యుత్ ప్లాంట్ ప్రమాదం గురించి ప్రస్తావించారు.

Also Read: అమెరికా గుడ్ న్యూస్.. స్టూడెంట్ వీసాల అప్లికేషన్లు మళ్లీ ప్రారంభం.. కానీ ఓ కండిషన్..

అటు చైనా కూడా అగ్రరాజ్యం తీరుపై తీవ్రంగా స్పందించింది. ఇరాన్ పై అమెరికా సైనిక జోక్యాన్ని తప్పుపట్టింది. దీన్ని సార్వభౌమాధికార విచ్ఛిన్నంగా అభివర్ణించింది. అమెరికా జోక్యం ఇరాన్ సార్వభౌమత్వాన్ని ఉల్లంఘించడమేనని బీజింగ్ సీరియస్ అయ్యింది.

“ఇతర దేశాల సార్వభౌమాధికారం, భద్రత, ప్రాదేశిక సమగ్రతను ఉల్లంఘించే ఏ చర్యనైనా చైనా వ్యతిరేకిస్తుంది. అంతర్జాతీయ సంబంధాలలో బలప్రయోగం లేదా బెదిరింపును వ్యతిరేకిస్తుంది” అని చైనా విదేశాంగ మంత్రిత్వ శాఖ ప్రతినిధి గువో జియాకున్ అన్నారు. ఇరాన్‌పై ఇజ్రాయెల్ సైనిక చర్యలు తీవ్రతరం చేయడంపై చైనా అధ్యక్షుడు జి జిన్‌పింగ్ తీవ్ర ఆందోళన వ్యక్తం చేసిన కొద్ది రోజులకే ఈ హెచ్చరిక వచ్చింది. కజకిస్తాన్‌లో మధ్య ఆసియా నాయకులతో జరిగిన శిఖరాగ్ర సమావేశంలో మాట్లాడిన జిన్ పింగ్.. “అత్యవసరంగా ఉద్రిక్తతలను తగ్గించాలని” కోరారు. అన్ని పార్టీలు వీలైనంత త్వరగా సంఘర్షణను తగ్గించడానికి, పరిస్థితి మరింత దిగజారకుండా నిరోధించడానికి కృషి చేయాలి” అని జిన్‌పింగ్ చెప్పారు.

టెహ్రాన్‌తో ఉన్న దీర్ఘకాల సంబంధాల ద్వారా బీజింగ్ స్థానం మరింత బలపడుతోంది. సౌదీ అరేబియా వంటి దేశాలతో బలమైన సంబంధాలను ఏర్పరచుకున్నప్పటికీ, చైనా ఇటీవలి సంవత్సరాలలో ఇరాన్‌తో సైనిక, ఆర్థిక సహకారాన్ని పెంచుకుంది. ఉమ్మడి నావికా విన్యాసాలు కూడా ఇందులో ఉన్నాయి. ఇరాన్‌పై అమెరికా ఆంక్షలను ఇది నిరంతరం వ్యతిరేకించింది. ఇరాన్ అణు ఒప్పందం నుండి వాషింగ్టన్ 2018లో వైదొలగడాన్ని విమర్శించింది.

2022 నుండి ఇరాన్ చమురు దిగుమతులను కస్టమ్స్ డేటా నుండి అధికారికంగా తొలగించినప్పటికీ, చైనా ఇరాన్ అతిపెద్ద ఇంధన కొనుగోలుదారుగా కొనసాగుతోంది. ఈ సంవత్సరం, ఇరాన్ చమురు వాణిజ్యాన్ని సులభతరం చేశారనే ఆరోపణలతో అమెరికా అనేక చైనా సంస్థలపై ఆంక్షలు విధించింది. అంతేకాదు క్షిపణి ఇంధన ఉత్పత్తికి కీలకమైన చైనా తయారీ రసాయనాలు ఇటీవల ఇరాన్‌కు చేరుకున్నాయని నివేదించింది.

ఇరాన్ లోని అణు కేంద్రాలు లక్ష్యంగా ఇజ్రాయెల్ దాడులు చేస్తున్న సంగతి తెలిసిందే. అమెరికా అధ్యక్షుడు డొనాల్డ్ ట్రంప్ సైతం ఇజ్రాయెల్ తో జత కట్టాలని చూస్తున్నారు. ఇరానియన్ అణు కేంద్రాలపై దాడుల అంశాన్ని పరిశీలిస్తున్నారు.