OM Birla: లోక్‌సభ స్పీకర్ పేరుతో ఫేక్ అకౌంట్లు.. ఎంపీలకు మెసేజ్‌లు
కొంతమంది కేటుగాళ్లు ఏకంగా లోక్‌సభ స్పీకర్ ఓం బిర్లా పేరుతో ఫేక్ అకౌంట్లు క్రియేట్ చేశారు. ఆయన ప్రొఫైల్ ఫొటో పెట్టుకుని, ఆయన పేరుతోనే కొంతమంది ఎంపీలకు మెసేజ్‌లు కూడా చేస్తున్నారు.
- Published By: 10TV Digital Team ,Published On : May 4, 2022 / 08:22 PM IST
Om Birla
OM Birla: కొంతమంది కేటుగాళ్లు ఏకంగా లోక్‌సభ స్పీకర్ ఓం బిర్లా పేరుతో ఫేక్ అకౌంట్లు క్రియేట్ చేశారు. ఆయన ప్రొఫైల్ ఫొటో పెట్టుకుని, ఆయన పేరుతోనే కొంతమంది ఎంపీలకు మెసేజ్‌లు కూడా చేస్తున్నారు. ఈ విషయాన్ని స్వయంగా ఓం బిర్లా వెల్లడించారు. 7862092008, 9480918183, 9439073870 అనే నెంబర్ల నుంచి ఈ మెసేజ్‌లు వెళ్తున్నాయని ఆయన చెప్పారు.
ఎంపీలతోపాటు, మరికొందరు వ్యక్తులకు ఇలా తన పేరుతో మెసేజ్‌లు, కాల్స్ వెళ్తున్నట్లు ఓం బిర్లా పేర్కొన్నారు. ఈ విషయంపై అధికారులకు ఫిర్యాదు చేసినట్లు ఆయన సోషల్ మీడియా ద్వారా వెల్లడించారు. ఈ నెంబర్ల నుంచి వచ్చే ఎలాంటి కాల్స్, మెసేజ్‌లకు అయినా స్పందించవద్దని ఆయన కోరారు.
