‘రుద్ర’ గా పవర్‌స్టార్..
- Published By: 10TV Digital Team ,Published On : February 10, 2021 / 08:46 PM IST
PSPK 28: పవర్‌స్టార్ పవన్ కళ్యాణ్, రానా దగ్గుబాటి కాంబినేషన్‌లో సూర్యదేవర నాగవంశీ సితార ఎంటర్‌టైన్‌మెంట్స్ బ్యానర్‌పై ప్రొడక్షన్ నెం:12 గా.. మలయాళంలో విజయవంతమైన ‘అయ్యప్పనుమ్ కోషియమ్’ చిత్రాన్ని తెలుగులో రీమేక్ చేస్తున్న సంగతి తెలిసిందే.
ఈ చిత్రం రెగ్యులర్ షూటింగ్ ఇటీవలే ప్రారంభం అయింది. పవన్ కళ్యాణ్, రానాలపై ఫైట్ మాస్టర్ దిలీప్ సబ్బరాయన్ నేతృత్వంలో యాక్షన్ సన్ని వేశాలను చిత్రీకరించారు దర్శకుడు సాగర్.కె.చంద్ర.
పవన్ షూటింగులో జాయిన అయిన ఫస్ట్ డే ఆయనకు వెల్‌కమ్ చెబుతూ మేకర్స్ ఓ వీడియో రిలీజ్ చేశారు. ఇక అప్పటినుండి సోషల్ మీడియాలో పలు ఫ్యాన్ మేడ్ పోస్టర్లు, డిఫరెంట్ టైటిల్స్ దర్శనమిస్తున్నాయి.
తాజాగా ‘రుద్ర’ (వర్కింగ్ టైటిల్) పేరుతో డిజైన్ చేసిన పవన్ ఫ్యాన్ మేడ్ పోస్టర్ వైరల్ అవుతోంది. కాకపోతే ఈ మూవీలో పవన్ క్లీన్ షేవ్‌తో కనిపిస్తున్నారు. ఫొటో పాతదే అయినా డిజైన్ చేసిన విధానం బాగుంది.
మాటల మాంత్రికుడు త్రివిక్రమ్ ఈ సినిమాకి స్క్రీన్‌ప్లే- డైలాగ్స్ రాస్తున్నారు. ప్రముఖ నటులు సముద్ర ఖని, మురళీ శర్మ, బ్రహ్మాజీ, నర్రా శ్రీను ఈ చిత్రానికి ఇప్పటివరకు ఎంపికైన తారాగణం కాగా.. థమన్ సంగీతం, ప్రసాద్ మూరెళ్ళ సినిమాటొగ్రాఫర్, నవీన్ నూలి ఎడిటింగ్, ఏ.ఎస్.ప్రకాష్ ఆర్ట్ బాధ్యతలు నిర్వర్తిస్తున్నారు.
View this post on Instagram
