ఖిలాడి లో ‘యాక్షన్ కింగ్’

Action King Arjun: ఈ సంక్రాంతికి ‘క్రాక్’ తో బ్లాక్‌‌బాస్టర్ హిట్ అందుకున్న మాస్ మహారాజా రవితేజ, ‘రాక్షసుడు’ తో సూపర్ డూపర్ హిట్ కొట్టిన దర్శకుడు రమేష్ వర్మ కాంబినేషన్లో రూపొందుతోన్న చిత్రం ‘ఖిలాడి’.. ‘వీర’ తర్వాత వీరి కలయికలతో తెరకెక్కుతున్న ఈ సినిమాని ఏ స్టూడియోస్, పెన్ స్టూడియోస్ బ్యానర్లపై జయంతి లాల్ సమర్పణలో సత్యనారాయణ కోనేరు నిర్మిస్తున్నారు. రవితేజ పుట్టినరోజు(జనవరి 26) సందర్భంగా ‘ఖిలాఢి’ ఫస్ట్ గ్లింప్స్ విడుదల చేయగా మంచి రెస్పాన్స్ వచ్చింది.

రవితేజ ద్విపాత్రాభినయం చేస్తున్న ‘ఖిలాఢి’ లో మీనాక్షి చౌదరి, డింపుల్‌హయతి కథానాయికలు.. ఈ చిత్రంలో సీనియర్ నటుడు ‘యాక్షన్ కింగ్’ అర్జున్ కీలకపాత్రలో నటిస్తున్నట్లు మూవీ టీమ్ తెలిపింది. కథ, క్యారెక్టర్ వినగానే ఇంప్రెస్ అయ్యి వెంటనే గ్రీన్ సిగ్నల్ ఇచ్చారట అర్జున్. ప్రస్తుతం రెగ్యులర్ షూటింగ్ జరపుకుంటున్న ‘ఖిలాడి’ కి ‘రాక్‌స్టార్’ దేవి శ్రీ ప్రసాద్ సంగీతమందిస్తున్నారు.