Baahubali The Epic : ‘బాహుబలి ది ఎపిక్’ ర‌న్‌టైమ్ పై రానా ఆస‌క్తిక‌ర వ్యాఖ్య‌లు..
తెలుగు సినిమా స్థాయిని పెంచిన చిత్రాల్లో బాహుబలి ఒక‌టి.
- Published By: 10TV Digital Team ,Published On : July 16, 2025 / 10:52 AM IST
Actor Rana intresting comments on Baahubali The Epic Run Time
తెలుగు సినిమా స్థాయిని పెంచిన చిత్రాల్లో బాహుబలి ఒక‌టి. రెండు భాగాలుగా ప్రేక్ష‌కుల ముందుకు వ‌చ్చిన ఈ చిత్రం అద్భ‌త‌మైన విజ‌యాన్ని సొంతం చేసుకుంది. బాహుబలి మొద‌టి పార్టు రిలీజై ఇటీవ‌లే 10 ఏళ్లు పూర్తి అయ్యాయి. ఈ సంద‌ర్భంగా చిత్ర ద‌ర్శ‌కుడు రాజ‌మౌళి మాట్లాడుతూ.. రెండు భాగాల‌ను క‌లిపి ఒకే పార్టుగా విడుద‌ల చేయ‌నున్న‌ట్లు చెప్పాడు. బాహుబలి : ది ఎపిక్ పేరుతో అక్టోబర్ 31న ఈ చిత్రం ప్రేక్ష‌కుల ముందుకు రానుంది.
తెలుగు, తమిళం, మలయాళం, హిందీతో పాటు జపనీస్ భాషలో ఈ చిత్రం రిలీజ్ కానుంది. కాగా.. ఈ చిత్రం ర‌న్‌టైమ్ గురించి సోష‌ల్ మీడియాలో ఎన్నో రూమ‌ర్లు చ‌క్క‌ర్లు కొడుతున్నారు. ఒక‌రు 5 గంట‌ల 27 నిమిషాల నిడివి ఉంద‌ని అంటే.. మ‌రొక‌రు 4 గంట‌లే అని అంటున్నారు. తాజాగా ఈ చిత్ర ర‌న్‌టైమ్ పై ఈ సినిమాలో భ‌ల్లాల దేవ పాత్ర‌లో అద్భుతంగా న‌టించిన రానా ఆస‌క్తిక‌ర వ్యాఖ్య‌లు చేశాడు.
Prabhas : ‘స‌లార్ 2’ ఇప్ప‌ట్లో క‌ష్ట‌మేనా? గ్యాప్ తీసుకోబోతున్న ప్ర‌భాస్‌ ?
రానా నిర్మాత‌గా వ్య‌వ‌హ‌రించిన కొత్త ప‌ల్లి చిత్రం జూలై 18న ప్రేక్ష‌కుల ముందుకు రానుంది. ఈ చిత్ర ప్రీ రిలీజ్ ఈవెంట్‌లో రానా.. బాహుబలి ఎపిక్ పై మాట్లాడాడు. ఈ చిత్ర ర‌న్‌టైమ్ గురించి త‌న వ‌ద్ద ఎలాంటి స‌మాచారం లేద‌న్నాడు. ఈ విష‌యం ఒక్క రాజ‌మౌళికే తెలుస్తుంద‌న్నాడు. ఇక ఎంత నిడివి ఉన్నా కూడా త‌న‌కు ఆనంద‌మే అని చెప్పుకొచ్చాడు. ఈ ఏడాది తాను ఏ చిత్రంలో న‌టించ‌క‌పోయిన‌ప్ప‌టికి కూడా త‌న‌కు బ్లాక్ బాస్ట‌ర్ రానుంద‌న్నాడు.
