Allu Arjun : బాహుబలి, RRR తర్వాత పుష్ప వాళ్ళ కోసం హిట్ కొట్టాలి అనుకున్నా.. రష్మిక కష్టం చూసి బాధేసింది..
పుష్ప 2 ప్రీ రిలీజ్ ఈవెంట్లో అల్లు అర్జున్ మాట్లాడుతూ..
- Published By: 10TV Digital Team ,Published On : December 3, 2024 / 12:33 AM IST
Allu Arjun Speech in Pushpa 2 Movie Pre Release Event
Allu Arjun : తాజాగా నేడు హైదరాబాద్ లో జరిగిన పుష్ప 2 ప్రీ రిలీజ్ ఈవెంట్లో అల్లు అర్జున్ మాట్లాడుతూ.. పుష్ప1 పూర్తయ్యేప్పటికి పుష్ప 2 కథ ఇంకా వినలేదు. కానీ నాకు నమ్మకం ఉంది పుష్ప 2 అస్సలు తగ్గేదేలే అని. మూడేళ్ల తర్వాత మళ్ళీ ఇప్పుడు మిమ్మల్ని కలుస్తున్నాను. మా నిర్మాతలు మైత్రి నవీన్ గారికి, మైత్రి రవి గారు వీళ్ళు కాకుండా ఇంక ఏ నిర్మాతలు ఈ సినిమా తీయలేరు. మమ్మల్ని నమ్మి ఈ సినిమాపై కోట్లు ఖర్చు పెట్టినందుకు థ్యాంక్స్. నా స్నేహితుడు దేవిశ్రీ ప్రసాద్ గురించి ఎంత చెప్పినా తక్కువే. మా జర్నీ 20 ఏళ్ల నుండి ఉంది. ఫహద్ ఫజల్ గారు అద్భుతంగా నటించారు. ఫస్ట్ హాఫ్ పూర్తయిన తర్వాత ఆయన నటన గురించి ప్రత్యేకంగా మాట్లాడుకుంటారు. కేరళ వాళ్ళు అంతా ఆయనను చూసి గర్వపడే విధంగా నటించారు. ఈ సినిమాలో స్పెషల్ సాంగ్ చేసిన శ్రీలీల ఈ జనరేషన్ లో తెలుగు వాళ్ళు ఆదర్శంగా తీసుకునే విధంగా ఉంటుంది. తెలుగు వాళ్ళు గర్వించే స్థాయికి మమ్మల్ని తీసుకుని వెళ్లాలని కోరుకుంటున్నాను. ఐదు సంవత్సరాల నుండి నాతో కలిసి పనిచేసిన రష్మిక గురించి ప్రత్యేకంగా చెప్పాలి. తను కాకుండా వేరే వాళ్ళైతే ఈ ఐదు ఏళ్ళు ఎలా గడిచేదో కూడా నాకు తెలియదు. రెండు రోజులపాటు కనీసం నిద్ర కూడా లేకుండా ఒక్క నిమిషం కూడా లేట్ చేయకుండా పీలింగ్స్ సాంగ్ కోసం పనిచేసింది. నిద్రపోయావా అని అడిగితే లేదు అంది. అది చూసి నాకు ఎంతో బాధేసింది. ఈ సినిమా నీకు చాలా గొప్ప పేరు తీసుకువస్తుంది. ఇలాంటి అమ్మాయిలతో కలిసి పని చేయాలి అనిపించేలా పని చేశావు అని అన్నారు. దీంతో బన్నీ మాటలకూ రష్మిక ఎమోషనల్ అయింది.
అలాగే సుకుమార్ గురించి మాట్లాడుతూ.. పుష్ప అంటే సుకుమార్ సినిమా. ఈయనను చూసి ఇంత గొప్ప డైరెక్టర్ తెలుగులో ఉన్నాడా అనుకునేలా పనిచేస్తారు. సినిమాను ప్రమోట్ చేయడం కోసం మేము దేశమంతా తిరుగుతుంటే ఆయన మాత్రం ఇంకా సినిమా బాగా వచ్చేలా చేయడానికి కష్టపడుతూనే ఉన్నారు. ఈ సినిమా కోసం అందరూ కష్టపడ్డారు అనడం కంటే జీవితాలను పెట్టేసారు అనడం కరెక్ట్. సుకుమార్ గారు లేకుండా ఇది జరిగేదే కాదు. ఆయన లేకుండా మేము లేము. జీవితంలో అందరూ తమ ఐదు సంవత్సరాల కాలాన్ని ఆయన్ని నమ్మి పెట్టాము. ఆయన నాతో కలిసి ఆర్య సినిమా చేయకపోతే నేను లేను. ఈ సినిమా నా కోసం ఆడాలని నేను అనుకోలేదు. కానీ మూడు సార్లు మాత్రం ఈ సినిమా ఆడాలనుకున్నాను. సుకుమార్ గారి కష్టం చూసి ఈ సినిమా హిట్ అవ్వాలి అనుకున్నాను. ఈ సినిమా కోసం మూడు ఏళ్ళు కష్టపడిన సినిమా యూనిట్ కోసం ఆడాలి అనుకున్నాను. బాహుబలి, ఆర్ఆర్ఆర్ సినిమాలు వచ్చినప్పుడు తెలుగువాళ్ళు గర్వించారు. ఆ తర్వాత పుష్ప సినిమాతో అంతే స్థాయిలో ఉండటంతో తెలుగువాళ్ళ కోసం ఈ సినిమా ఆడాలి అనుకున్నాను. ఈ సినిమా కోసం మా బెస్ట్ ఇచ్చేసాము. డిసెంబర్ 5న సినిమా చూశాక మీకు ఆ విషయం అర్థమవుతుంది. సుకుమార్ గారు మాట్లాడేటప్పుడు నేను చాలా ఎమోషనల్ అయిపోయాను అని అన్నారు.
చివర్లో తన ఫ్యాన్స్ కు ఆర్మీ అంటూ ప్రత్యేకంగా ధన్యవాదాలు తెలిపారు. ఇక ఈ సినిమా కోసం పనిచేసిన వాళ్లందరికీ పేరుపేరునా ఒక్కొక్కరి గురించి చెప్తు థ్యాంక్స్ చెప్పాడు బన్నీ. లాస్ట్ లో పుష్ప అంటే ఫ్లవర్ అనుకుంటివా, ఫైర్ అనుకుంటివా, వైల్డ్ ఫైర్ అంటూ డైలాగ్ చెప్పి అదరగొట్టాడు.
