Bahubali The Epic: కొత్తగా వస్తున్న పాత సినిమా.. కొత్త సీన్లు సెట్, పాత సీన్లు కట్.. రాజమౌళి ‘ఎపిక్’ ప్లాన్
బాహుబలి.. ఇండియన్ సినీ ఇండస్ట్రీలో ఈ సినిమా క్రియేట్ చేసిన సంచలనాలు(Bahubali The Epic) అన్నీ ఇన్నీ కాదు. తెలుగులో చేసిన ఒక రీజినల్ మూవీ ప్రపంచస్థాయిలో సత్తా చాటింది అంటే అది మాములు విషయం కాదు.
- Published By: 10TV Digital Team ,Published On : September 30, 2025 / 09:40 AM IST
'Baahubali The Epic' movie coming to the audience in a new version
Bahubali The Epic: బాహుబలి.. ఇండియన్ సినీ ఇండస్ట్రీలో ఈ సినిమా క్రియేట్ చేసిన సంచలనాలు అన్నీ ఇన్నీ కాదు. తెలుగులో చేసిన ఒక రీజినల్ మూవీ ప్రపంచస్థాయిలో సత్తా చాటింది అంటే అది మాములు విషయం కాదు. ఆ విషయంలో దర్శకదీరుడు రాజమౌళి ఒక యజ్ఞమే చేశారు అని చెప్పడంలో ఎలాంటి సందేహం లేదు. ఇండియన్ సినిమాను.. అందులోను తెలుగు సినిమాను ప్రపంచస్థాయిలో నిలబెట్టింది ఈ సినిమా. రెండు(Bahubali The Epic) భాగాలుగా వచ్చిన ఈ సినిమా మొదటి భాగం రూ.700 కోట్లకు పైగా వసూళ్లు సాధించగా.. రెండవ భాగం ఏకంగా రూ.1800 కోట్లకు పైగా వసూళ్లు సాధించి ఇండియన్ సినీ ఇండీస్ట్రీలో సరికొత్త అధ్యాయాన్ని లిఖించింది. దాంతో, ఈ సినిమా తరువాత వరుసగా పాన్ ఇండియా సినిమాలు, పాన్ వరల్డ్ సినిమాలు రావడం మనం చూస్తూనే ఉన్నాం.
Deepika Padukone: సరదా మాటలు సీరియస్ అయ్యాయి.. ఇద్దరు అన్ ఫాలో చేసుకున్నారు.. దీపికా ఎందుకిలా?
ఇప్పుడు ఈ సినిమా సరికొత్తగా మరోసారి ప్రేక్షకుల ముందుకు రావడానికి సిద్దమయ్యింది. ఈసారి “బాహుబలి ఎపిక్” పేరుతో సరికొత్తగా ప్రేక్షకుల ముందుకు రానుంది. బాహుబలి, బాహుబలి 2 కలిపి బాహుబలి ఎపిక్ గా విడుదల చేస్తున్నారు. అయితే, ఈ రెండు భాగాల సినిమాలు కలిపి మొత్తం ఐదు నుంచి ఆరు గంటల నిడివి ఉంటుంది. కాబట్టి, ఈ రెండు సినిమాలను ట్రిమ్ చేసి విడుదల చేయబోతున్నారు. అయితే, బాహుబలి సినిమాని ఇప్పటికే కొన్ని వందలసార్లు చూసేసున్నారు ఆడియన్స్. అలాంటిది ఇప్పుడు మళ్ళీ విడుదల చేస్తే ఎవరు చూస్తారు అనేది పెద్ద క్వశ్చన్ మార్క్ గా మారిపోయింది.
కానీ, ఆ ఆరు గంటల సినిమాలో ఏ సీన్స్ కట్ చేశారు, ఎలా సింక్ చేశారు, కొత్త సీన్స్ ఏమైనా యాడ్ చేస్తున్నారా అనే క్యూరియాసిటీ మాత్రం ప్రేక్షకుల్లో ఉంది అనడంలో ఎలాంటి సందేహం లేదు. ఆ ఒక్క విషయం “బాహుబలి ఎపిక్” సినిమాపై అంచనాలను పెంచుతోంది. ఇక ఈ సినిమా అక్టోబర్ ఎండింగ్ ప్రేక్షకుల ముందుకు రానుంది. మరి మరోసారి సరికొత్త ప్రయోగంతో ప్రేక్షకుల ముందుకు రాబోతున్న రాజమౌళికి ఆడియన్స్ ఎలాంటి రిజల్ట్ ని అందిస్తారు అనేది చూడాలి.
