Akhanda 2: ఇదేం ఫ్యానిజం రా బాబు.. ఒక టికెట్ లక్ష పెట్టి కొన్నాడు.. బాలయ్య క్రేజ్ మాములుగా లేదుగా..

నందమూరి బాలకృష్ణ హీరోగా వస్తున్న సినిమా అఖండ 2(Akhanda 2). మాస్ చిత్రాల దర్శకుడు బోయపాటి శ్రీను ఈ సినిమాను తెరకెక్కిస్తున్నాడు.

Akhanda 2: ఇదేం ఫ్యానిజం రా బాబు.. ఒక టికెట్ లక్ష పెట్టి కొన్నాడు.. బాలయ్య క్రేజ్ మాములుగా లేదుగా..

Balakrishna fan buys Akhanda 2 first day ticket for Rs 1 lakh

Updated On : November 30, 2025 / 7:01 PM IST

Akhanda 2: నందమూరి బాలకృష్ణ గురించి, ఆయన క్రేజ్ గురించి ఎంత చెప్పినా తక్కువే. ఆయన నటన, డైలాగ్ డెలివరీ, యాక్షన్.. ఇలా ప్రతీ విషయంలో ఆయన టాపే. ప్రస్తుతం టాలీవుడ్ ఇండస్ట్రీలో మాస్ కి కేరాఫ్ అంటే బాలయ్యే అని చెప్పాలి. 65 ఏళ్ళ వయసులో కూడా కుర్ర హీరోలకు ధీటుగా సినిమాల మీద సినిమాలు చేస్తున్నాడు. ప్రస్తుతం ఆయన హీరోగా వస్తున్న సినిమా అఖండ 2(Akhanda 2). మాస్ చిత్రాల దర్శకుడు బోయపాటి శ్రీను ఈ సినిమాను తెరకెక్కిస్తున్నాడు. 2021లో విడుదలైన భారీ బ్లాక్ బస్టర్ సినిమా అఖండ సినిమాకు సీక్వెల్ గా ఈ సినిమా తెరకెక్కుతోంది. అందుకే అఖండ 2 సినిమాపై ప్రేక్షకుల్లో భారీ అంచనాలు నెలకొన్నాయి.

The Girlfriend OTT: ఓటీటీలోకి వస్తున్న ‘ది గర్ల్‌ఫ్రెండ్‌’ మూవీ.. స్ట్రీమింగ్ ఎప్పుడు.. ఎక్కడంటే?

అన్ని హంగులు పూర్తిచేసుకొని డిసెంబర్ 5న ప్రపంచవ్యాప్తంగా విడుదల కానుంది ఈ సినిమా. ఇదిలా ఉంటే, తాజాగా అఖండ 2 సినిమా విషయంలో ఒక ఆసక్తికర సంఘటన చోటుచేసుకుంది. అదేంటంటే, అక్కడ 2 సినిమా మొదటి షో టికెట్ కోసం సూపర్ ఫ్యాన్ పేరుతో వేలం పాట జరిగింది. ఈ వేలం పాటలో జర్మనీ చెండికి బాలయ్య ఫ్యాన్స్ ఒక టికెట్ ను ఏకంగా లక్ష రూపాయలకు సొంతం చేసుకున్నాడు. ఆ అభిమాని పేరు రాజశేఖర్ పార్నపల్లి. ఈయనకి బాలకృష్ణ అన్నా, ఆయన సినిమాలన్నా పిచ్చి. అందుకే, అఖండ 2 సినిమాకి సంబందించిన ఒక్క టికెట్ ను లక్ష పెట్టి కొనుక్కున్నాడు.

ఈ ఒక్క సంఘటన చాలు ప్రపంచవ్యాప్తంగా బాలకృష్ణ సినిమాలకు ఎంత క్రేజ్ ఉందొ చెప్పడానికి. అలాగే, ఫ్యాన్స్ అందు బాలయ్య ఫ్యాన్స్ వేరయా అంటూ మరోసారి ప్రూవ్ చేశాడు ఈ అభిమాని. ఈ న్యూస్ ఇప్పుడు టాలీవుడ్ ఇండస్ట్రీలో హాట్ టాపిక్ గా మారింది. ఇది చూసిన నెటిజన్స్ ఒక రేంజ్ లో రెస్పాండ్ అవుతున్నారు. ఇదెక్కడి మాస్ క్రేజ్ రా మామా అంటూ కామెంట్స్ చేస్తున్నారు. మరి, భారీ అంచనాల మధ్య డిసెంబర్ 5న విడుదల కానున్న అఖండ 2 సినిమా ఎలాంటి విజయాన్ని అందుకోనుందో చూడలి.