మెగాస్టార్ మూవీకి మ్యూజిక్‌ డైరెక్టర్‌‌గా 13ఏళ్ల బాలుడు
మలయాళ మెగా స్టార్ మోహన్ లాల్ హీరోగా నటిస్తూ.. దర్శకత్వం వహిస్తున్న కొత్త మూవీ 'బారోజ్'.
- Published By: veegamteam ,Published On : September 24, 2019 / 05:52 AM IST
మలయాళ మెగా స్టార్ మోహన్ లాల్ హీరోగా నటిస్తూ.. దర్శకత్వం వహిస్తున్న కొత్త మూవీ ‘బారోజ్’.
మలయాళ మెగా స్టార్ మోహన్ లాల్ హీరోగా నటిస్తూ.. దర్శకత్వం వహిస్తున్న కొత్త మూవీ ‘బారోజ్’. ఈ మూవీకి సంబంధించి ఒక విషయం సోషల్ మీడియాలో వైరల్ అవుతోంది. భారీ బడ్జెట్ తో రూపోందుతున్న ఈ సినిమాకు సంగీత దర్శకుడిగా పదమూడేళ్ల పిల్లాడిని పరిచయం చేయబోతున్నారు.
ఆ పిల్లాడు ఎవరో కాదు.. తమిళ సంగీత దర్శకుడు సతీష్‌ కుమారుడే. పిల్లాడి పేరు లైడియన్ నాదస్వరం. ఇటీవలే లైడియన్ అమెరికా టాలెంట్‌ షో ‘ద వరల్డ్స్‌ బెస్ట్‌’లో విజేతగా నిలిచాడు. లైడియన్ రెండేళ్ల వయసులోనే డ్రమ్స్‌ వాయించడం మొదలుపెట్టాడు.
ఓ షోలో లైడియన్ నిమిషంలో 325 బీట్స్‌ ప్లే చేసి అందరినీ ఆశ్చర్యపోయేలా చేశాడు. ఇక ఈ సినిమా షూటింగ్‌ చాలా వరకు గోవాలో జరగనుంది. మలయాళ పరిశ్రమలోనే భారీ బడ్జెట్‌తో తెరకెక్కబోయే సినిమా అని వార్తలు వినిపిస్తున్నాయి.
