Child Artist: మరో బాల నటుడు హీరోగా ఎంట్రీ

Child Artist

Child Artist: బాహుబలి, రేసుగుర్రం, మల్లి రావా, దువ్వాడ జగన్నాధం, నా పేరు సూర్య లాంటి ఎన్నో సూపర్ హిట్ చిత్రాల్లో బాల నటుడిగా నటించిన  సాత్విక్ వర్మ ఇప్పుడు హీరోగా మనల్ని మరింత ఎంటర్టైన్ చేయటానికి బ్యాచ్ చిత్రంతో మన ముందుకు వస్తున్నాడు.

ఆకాంక్ష మూవీ మేకర్స్ పతాకంపై బేబీ ఆరాధ్య సమర్పణలో సాత్విక్ వర్మ, నేహా పఠాన్ హీరో హీరోయిన్లుగా  శివ దర్శకత్వంలో రఘు కుంచే సంగీత సారధ్యంలో రమేష్ ఘనమజ్జి నిర్మిస్తున్న మ్యూజికల్ యూత్ ఫుల్ ఎంటర్టైనర్ చిత్రం బ్యాచ్.  ఈ చిత్రం ఇటీవలే షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలలో బిజీగా ఉంది.

షూటింగ్ పూర్తయిన సందర్భంగా దర్శకుడు శివ మాట్లాడుతూ “బ్యాచ్ ఒక యూత్ ఫుల్ ఎంటర్టైనర్ చిత్రం. యూత్ కి కావాల్సిన అన్ని అంశాలతో చిత్రాన్ని నిర్మించాము. క్రికెట్ బెట్టింగ్ నేపథ్యంలో  కాలేజీ బ్యాక్ డ్రాప్ లో కొందరు పోకిరి కుర్రాళ్ల కథే మా ఈ సినిమా.  షూటింగ్ పూర్తి అయ్యింది, ప్రస్తుతానికి పోస్ట్ ప్రొడక్షన్ పనుల్లో ఉంది. అన్ని కార్యక్రమాలు పూర్తి చేసుకుని త్వరలోనే విడుదల చేస్తాం” అని తెలిపారు.

నిర్మాత రమేష్ ఘనమజ్జి మాట్లాడుతూ “దర్శకుడు శివ చెప్పిన కథ బాగా నచ్చింది.  మా చిత్రంతో బాల నటుడు సాత్విక్ వర్మ ని హీరోగా పరిచయం చేయడం చాలా సంతోషంగా ఉంది. ఈ సంవత్సరం జనవరిలో షూటింగ్ మొదలు పెట్టి హైదరాబాద్, విశాఖపట్నం, కాకినాడ వంటి పరిసర ప్రాంతాల్లో 59 రోజుల్లో పూర్తి చేశాం. ఈ సినిమాకి సంగీత దర్శకుడు రఘు కుంచే మరో హీరో. సాత్విక్ వర్మ, రఘు కుంచే కాంబినేషన్ లో వచ్చే పాటలు అద్భుతంగా వచ్చాయి. అన్ని కార్యక్రమాలు పూర్తి చేసుకుని త్వరలోనే విడుదల చేస్తాం” అని తెలిపారు.