Dakshina Movie: పూజా కార్యక్రమాలతో మొదలైన ‘దక్షిణ’

'కబాలి' ఫేమ్ సాయి ధన్సిక ప్రధాన పాత్రలో రూపొందుతున్న లేడీ ఓరియెంటెడ్ సస్పెన్స్ థ్రిల్లర్ మూవీ ‘దక్షిణ’. ఛార్మీ కౌర్ ప్రధాన పాత్రలో విజయవంతమైన లేడీ ఓరియెంటెడ్ మూవీస్ ‘మంత్ర’, ‘మంగళ’లను తెరకెక్కించిన దర్శకుడు ఓషో తులసీరామ్ ఈ చిత్రాన్ని డైరెక్ట్ చేస్తున్నారు.

Dakshina Movie Launched With Pooja Ceremony

Dakshina Movie: ‘కబాలి’ ఫేమ్ సాయి ధన్సిక ప్రధాన పాత్రలో రూపొందుతున్న లేడీ ఓరియెంటెడ్ సస్పెన్స్ థ్రిల్లర్ మూవీ ‘దక్షిణ’. ఛార్మీ కౌర్ ప్రధాన పాత్రలో విజయవంతమైన లేడీ ఓరియెంటెడ్ మూవీస్ ‘మంత్ర’, ‘మంగళ’లను తెరకెక్కించిన దర్శకుడు ఓషో తులసీరామ్ ఈ చిత్రాన్ని డైరెక్ట్ చేస్తున్నారు. ఇక ఈ చిత్రాన్ని కల్ట్ కాన్సెప్ట్స్ పతాకంపై అశోక్ షిండే నిర్మిస్తున్నారు. కాగా ఈ రోజు పూజా కార్యక్రమాలతో ఈ సినిమాను చిత్ర యూనిట్ ఘనంగా ప్రారంభించింది. నేడు రెగ్యులర్ షూటింగ్ సైతం స్టార్ట్ చేశారు.

హైదరాబాద్‌లోని నరసింహారెడ్డి ఇంజినీరింగ్ కాలేజీలో ‘దక్షిణ’ పూజా కార్యక్రమాలు ఘనంగా జరిగాయి. ఈ కార్యక్రమానికి ముఖ్య అతిథిగా విచ్చేసిన ప్రముఖ నిర్మాత వంశీకృష్ణ ముహూర్తపు సన్నివేశానికి కెమెరా స్విచ్ఛాన్ చేయగా, ప్రణతి, శ్వేతా భావన క్లాప్ ఇచ్చారు. చిత్ర నిర్మాత అశోక్ షిండే మాట్లాడుతూ ”సాయి ధన్సిక, ఓషో తులసీరామ్ కలయికలో సినిమా చేయడం సంతోషంగా ఉంది. తెలుగులో ‘మంత్ర’, ‘మంగళ’ ఫిమేల్ ఓరియెంటెడ్ థ్రిల్లర్స్ ట్రెండ్ సెట్ చేశాయి. ఆ సినిమాల తరహాలో ‘దక్షిణ’ కూడా ఉంటుంది. మూడు షెడ్యూళ్లలో చిత్రీకరణ పూర్తి చేయడానికి ప్లాన్ చేస్తున్నాం. తొలి షెడ్యూల్ ఈ రోజు ప్రారంభమైంది. హైదరాబాద్‌లో ఈ రోజు నుంచి ఈ నెల 24 వరకు జరుగుతుంది. రెండో షెడ్యూల్ గోవాలో అక్టోబర్ 6 నుంచి 20వ తేదీ వరకు ప్లాన్ చేశాం. మూడో షెడ్యూల్ హైదరాబాద్‌లో నవంబర్ 1 నుంచి 10 వరకు జరుగుతుంది. దాంతో సినిమా మొత్తం పూర్తవుతుంది. నటీనటులతో పాటు ఇతర వివరాలు త్వరలో వెల్లడిస్తాం” అని తెలిపారు.

సాయి ధన్సిక, రిషబ్ బసు, సుభాష్, ఆనంద భారతి తదితరులు కీలక పాత్రల్లో నటిస్తున్న ఈ చిత్రానికి నర్సింగ్ ఛాయాగ్రహణం అందిస్తుండగా, బాలాజీ సంగీతం అందిస్తున్నారు. ఈ సినిమాను కల్ట్ కాన్సెప్ట్స్ బ్యానర్ పై అశోక్ షిండే నిర్మిస్తున్నారు. మరి ఓషో తులసీరామ్ తెరకెక్కిస్తున్న దక్షిణ మూవీ ప్రేక్షకులను ఏ రేంజ్ లో ఆకట్టుకుంటుందో చూడాలి.