WhatsApp New Feature : వావ్.. వాట్సాప్‌లో సూపర్ ఫీచర్.. HD కాదు.. ఇక ఒరిజినల్ క్వాలిటీతోనే ఫోటోలు, వీడియోలు పంపొచ్చు..!

WhatsApp New Feature : వాట్సాప్‌లో ఫోటోలు, వీడియోలు పంపేటప్పుడు క్వాలిటీ తగ్గుతోందా? అతి త్వరలో ఒరిజినల్ క్వాలిటీలో మీడియా షేర్ చేసుకునే కొత్త ఫీచర్ రానుంది. దీని పూర్తి వివరాలివే..

WhatsApp Users Will Soon Be Able To Share Photos And Videos In Original Quality

• వాట్సాప్‌లో మరో అదిరిపోయే అప్‌డేట్..
• వాట్సాప్‌లో ఫోటోలు, వీడియోలు పంపితే క్వాలిటీ తగ్గదు..
• ఫోటోలు పంపితే క్వాలిటీ పోతోందనే భయం అక్కర్లేదు
• ఇక కంప్రెషన్ లేకుండానే ఫోటోలు, వీడియోలు పంపొచ్చు

WhatsApp New Feature : వాట్సాప్‌లో ఫోటోలు, వీడియోలు షేర్ చేస్తున్నారా? అయితే మీకో గుడ్ న్యూస్.. ఇకపై ఫోటోలు, వీడియోలు పంపేటప్పుడు వాటి క్వాలిటీ తగ్గిపోతుందనే బాధ అక్కర్లేదు.. ఎందుకంటే.. ప్రముఖ మెసేజింగ్ యాప్ వాట్సాప్ సరికొత్త ఫీచర్‌ను తీసుకొచ్చేందుకు రెడీ అవుతోంది.. ఈ ఫీచర్ అందుబాటులోకి వస్తే.. ఒరిజినల్ క్వాలిటీలోనే ఫోటోలు, వీడియోలను ఇతరులకు పంపుకోవచ్చు అనమాట.. అది ఎలాగో ఇప్పుడు చూద్దాం..

సాధారణంగా వాట్సాప్‌లో ఫోటోలు, వీడియోలు పంపినప్పుడు వాటి సైజును తగ్గించేందుకు యాప్ కొంతమేర కంప్రెషన్ చేస్తుంది. దీంతో మన ఫోన్‌లో ఉన్న ఫోటో క్వాలిటీకి, అవతలి వ్యక్తికి చేరిన ఫోటో క్వాలిటీకి చాలా తేడా కనిపిస్తుంది.

వాట్సాప్ కొత్త ఫీచర్ ఇదేనా? :
ముఖ్యంగా ఫొటోగ్రఫీ ఇష్టపడేవాళ్లు, హై-క్వాలిటీ వీడియోలు షేర్ చేసుకునేవాళ్లకు ఇదికాస్త ఇబ్బందిగానే ఉంటుంది. ప్రస్తుతం ఈ సమస్యను తగ్గించేందుకు వాట్సాప్ HD ఆప్షన్‌ను అందిస్తోంది. కానీ, ఇందులోనూ కొంత కంప్రెషన్ ఉంటుంది..

Read Also : Instagram AI Age Detection : ఇన్‌స్టాగ్రామ్‌లో ఏజ్ దాచేస్తున్నారా? ఇక మీ ఆటలు సాగవు.. టీనేజర్ల కోసం మెటా సరికొత్త AI నిఘా!

ఇప్పుడు ఈ సమస్యకు చెక్ పెట్టేలా మరో కొత్త ఆప్షన్‌ను వాట్సాప్ టెస్టింగ్ చేస్తున్నట్టు WABetaInfo రిపోర్టులో వెల్లడించింది. ఆండ్రాయిడ్ యూజర్ల కోసం ఈ ఫీచర్‌ను డెవలప్ చేస్తున్నట్లు తెలిపింది. ప్రస్తుతం ఫోటోలు, వీడియోలు పంపేటప్పుడు (Standard Quality, HD Quality) అనే రెండు ఆప్షన్లు కనిపిస్తున్నాయి. కొత్త ఫీచర్ వస్తే వీటితో పాటు (Original Quality) అనే మూడో ఆప్షన్ కూడా అందుబాటులోకి రానుంది..

వాట్సాప్ ప్లస్ యూజర్లకేనా? :
ఈ ఆప్షన్ ఎంచుకుంటే.. ఫోటోలు, వీడియోలు ఎలాంటి కంప్రెషన్ లేకుండా ఒరిజినల్ క్వాలిటీలోనే పంపుకోవచ్చు. అయితే, ఇక్కడ ఓ ట్విస్ట్ ఉంది. ఈ ఫీచర్ వాట్సాప్ ప్లస్ సబ్‌స్క్రైబర్లకు మాత్రమే అందుబాటులోకి వచ్చే అవకాశం ఉంది..

మరోవైపు.. ప్రస్తుతం వాట్సాప్ ప్లస్ లేకపోయినా ఒరిజినల్ క్వాలిటీలో ఫోటోలు, వీడియోలు పంపుకోవచ్చు. ఇందుకోసం గ్యాలరీ నుంచి నేరుగా కాకుండా డాక్యుమెంట్ల రూపంలో షేర్ చేయాలి. అయితే కొత్త ఫీచర్‌తో ఇకపై అలా ఉండదు.. ప్రస్తుతానికి ఈ ఫీచర్ డెవలప్ స్టేజీలోనే ఉంది. ఎప్పుడు అందుబాటులోకి వస్తుందో వాట్సాప్ అధికారికంగా ఎలాంటి ప్రకటన చేయలేదు..