Karuppu: సూర్య కరుప్పు రిలీజ్.. షాకింగ్ కామెంట్స్ చేసిన డైరెక్టర్

సూర్య కరుప్పు(Karuppu) సినిమా విడుదలపై షాకింగ్ కామెంట్స్ చేసిన దర్శకుడు అర్జీ బాలాజీ.

Director RJ Balaji makes shocking comments on Suriya Karuppu movie release

Karuppu; తమిళ స్టార్ సూర్య గత కొంతకాలంగా హిట్ లేక బాధపడుతున్నారు. ఆయన నటించిన గత చిత్రం కంగువ భారీ అంచనాల మధ్య విడుదలై డిజాస్టర్ గా నిలిచింది. దాంతో సూర్య సాలిడ్ కంబ్యాక్ కోసం ఆయన ఫ్యాన్స్ ఈగర్ గా వెయిట్ చేస్తున్నారు. దాంతో, కంగువ తరువాత చాలా గ్యాప్ తీసుకొని సూర్య చేస్తున్న సినిమా కరుప్పు(Karuppu). దర్శకుడు ఆర్జే బాలాజీ తెరకెక్కిస్తున్న ఈ సినిమాలో త్రిష హీరోయిన్ గా నటిస్తోంది.

ఇప్పటికే ఈ సినిమా నుంచి విడువులైన టీజర్ కి ఆడియన్స్ నుంచి క్రేజీ రెస్పాన్స్ వచ్చింది. అలాగే సినిమాపై అంచనాలను కూడా ఒక రేంజ్ లో పెంచేసింది. అందుకే, ఈ సినిమా ఎప్పుడెప్పుడు విడుదల అవుతుందా అని ఫ్యాన్స్ ఎదురుచూస్తున్నారు. అయితే, మరికొన్ని రోజుల్లో కరుప్పు సినిమా థియేటర్స్ లోకి వస్తుంది అని భావిస్తున్న వేల చిత్ర దర్శకుడు ఆర్జే బాలాజీ షాకింగ్ కామెంట్స్ చేశాడు.

Jyoti Poorvaj: హాట్ బ్యూటీ జ్యోతి పూర్వాజ్.. హాట్ ఫొటోలతో సోషల్ మీడియా షేక్

తాజాగా మీడియాతో ఇంటరాక్ట్ అయిన దర్శకుడు కరుప్పు సినిమా రిలీజ్ గురించి మాట్లాడుతూ.. “ప్రెజెంట్ జనరేషన్ లో ఆడియన్స్ సినిమాలను చాలా లోతుగా విశ్లేషిస్తున్నారు. అందుకే కరుప్పు సినిమాకు అంచనాలను విపరీతంగా పెంచాలని భావించడం లేదు. మేము అనుకున్నదానికన్నా సినిమా చాలా బాగా వచ్చింది. అందరికీ నచ్చుతుంది నచ్చుతుంది అన్న నమ్మకం ఉంది. సూర్య అభిమానులు ‘కరుప్పు’ అప్‌డేట్స్ కోసం ఈగర్ గా వెయిట్ చేస్తున్నారు.

ఇప్పుడు తమిళనాట శాసనసభ ఎన్నికల హడావుడి నెలకొంది. అందుకే, కరుప్పు సినిమాను ఎన్నికల ముగిసాక, సమ్మర్ లో విడుదల చేయాలని ప్లాన్ చేస్తున్నాం. ఈ సినిమా కేవలం మాస్ ప్రేక్షకులకు మాత్రమే కాకుండా.. ఫ్యామిలీ, స్టూడెంట్స్, పిల్లలు, అందరితో కలిసి ఎంజాయ్ చేసేలా ఉంటుంది” అంటూ చెప్పుకొచ్చాడు. దీంతో దర్శకుడు బాలాజీ చేసిన ఈ కామెంట్స్ ఇప్పుడు వైరల్ అవుతున్నాయి. అయితే, ఎట్టకేలకు కరుప్పు సినిమా రిలీజ్ పై క్లారిటీ వచ్చింది అంటూ సూర్య ఫ్యాన్స్ ఆనందం వ్యక్తం చేస్తున్నారు. మరి చాలా గ్యాప్ తరువాత సూర్య చేస్తున్న కరుప్పు సినిమా ఎలాంటి విజయాన్ని అందిస్తుంది అనేది చూడాలి.