వర్మ మాట మీద నిలబడ్డాడు – ట్రైలర్ రిలీజ్ చేశాడు!
పూజా భలేకర్ ప్రధాన పాత్రలో నటించిన‘ఎంటర్ ది గర్ల్ డ్రాగన్’ ఇంటర్నేషనల్ ట్రైలర్ రిలీజ్..
- Published By: sekhar ,Published On : December 13, 2019 / 10:55 AM IST
పూజా భలేకర్ ప్రధాన పాత్రలో నటించిన‘ఎంటర్ ది గర్ల్ డ్రాగన్’ ఇంటర్నేషనల్ ట్రైలర్ రిలీజ్..
‘కాంట్రవర్సీ కింగ్’ రామ్ గోపాల్ వర్మ ఎప్పటినుండో పెండింగ్‌లో ఉన్న ‘లేడీ బ్రూస్ లీ’ (ఇప్పుడు పేరు మారింది) సినిమాని బయటకి తీశాడు. ఆర్జీవీ తాజా చిత్రం ‘ఎంటర్ ది గర్ల్ డ్రాగన్’.. బ్రూస్ లీ స్ఫూర్తితో మార్షల్ ఆర్ట్స్ నేపథ్యంలో రూపొందిన ఈ సినిమా ట్రైలర్ ఇటీవల విడుదల చేయగా మంచి రెస్పాన్స్ వచ్చింది.
పూజా భలేకర్ ప్రాక్టీస్ వీడియో విపరీతంగా వైరల్ అయింది. ఈ సినిమా అంతర్జాతీయ ట్రైలర్‌ను బ్రూస్ లీ సొంత పట్టణమైన చైనాలోని ఫోషన్ సిటీలో డిసెంబర్13న విడుదల చేయనున్నట్టు ప్రకటించి వర్మ అన్నంత పనీ చేశాడు. చైనా వెళ్లి అక్కడి మీడియా మరియు బ్రూస్ లీ అభిమానుల సమక్షంలో ‘ఎంటర్ ది గర్ల్ డ్రాగన్’.. ఇంటర్నేషనల్ ట్రైలర్ లాంచ్ చేశాడు.
వర్మ మార్క్ రొమాంటిక్, యాక్షన్ అంతా కనిపిస్తోంది ట్రైలర్‌లో.. పూజా భలేకర్ ఎన్నాళ్లు మార్షల్ ఆర్ట్స్ ట్రైనింగ్ తీసుకుందో కానీ రఫ్పాడించేసింది.. ఫైట్స్‌తో పాటు, రొమాంటిక్ సన్నివేశాల్లోనూ రెచ్చిపోయింది. ఆమె తన పాత్రకు పూర్తి న్యాయం చేసినట్టుగానే కనిపిస్తోంది.
ఇది భారతదేశంలో నిర్మించిన తొలి మార్షల్ఆర్ట్స్ సినిమా అని, తన కెరీర్లో అత్యంత ప్రతిష్టాత్మకమైన సినిమా అని ఆర్జీవీ చెప్తున్నాడు. ఇండో-చైనా సంయుక్త నిర్మాణంలో జింగ్ లియు, టి.నరేశ్, టి.శ్రీధర్ ఈ సినిమాను నిర్మించారు. రవి శంకర్ సంగీతం, రమ్మీ సినిమాటోగ్రఫీ అందించారు.
