Jatayu: ఇంద్రగంటి భారీ స్కెచ్.. రోషన్ మేకతో ‘జఠాయు’.. విజువల్ వండర్‌గా రామాయణ గాథ!

యంగ్ హీరో రోషన్ మేకతో జఠాయు(Jatayu) సినిమా ప్లాన్ చేస్తున్న దర్శకుడు మోహన్ కృష్ణ ఇంద్రగంటి.

indraganti mohan krishna next movie with roshan meka

• ఇంద్రగంటి భారీ గ్రాఫికల్ మూవీ ఫిక్స్
• జఠాయు సినిమాలో హీరోగా రోషన్
• దిల్ రాజు బ్యానర్ నుంచి మరో భారీ మూవీ

Jatayu: టాలీవుడ్ ఇండస్ట్రీలో తనకంటూ ఒక ప్రత్యేకమైన గుర్తింపును సంపాదించుకున్న దర్శకుడు ఇంద్రగంటి మోహన్ కృష్ణ. వైవిధ్యమైన కథాంశాలతో సినిమాలను తెరకెక్కించడంలో దిట్ట ఈ దర్శకుడు. కానీ, గత కొంతకాలంగా ఆయనకు బాక్సాఫీస్ వద్ద ఆశించిన స్థాయిలో విజయాలు దక్కడం లేదు. ఈ క్రమంలోనే ఆయన ఒక ప్రతిష్టాత్మక ప్రాజెక్టును పట్టాలెక్కించేందుకు చాలా కాలంగా ప్రయత్నాలు చేస్తున్నారు. అదే ‘జఠాయు(Jatayu)’. రామాయణ గాధలోని కీలక ఘట్టాల ఆధారంగా, భారీ గ్రాఫికల్ హంగులతో ఈ సినిమాను రూపొందించాలని ఆయన ప్రణాళికలు సిద్ధం చేసుకున్నారు.

Maruthi: వైష్ణవ్ తేజ్ కోసం మారుతి మార్క్ ఎంటర్టైనర్.. ‘హ్యాపీ పొంగల్’తో హిట్టు కొడతారా?

తొలుత ఈ భారీ ప్రాజెక్టును రౌడీ స్టార్ విజయ్ దేవరకొండతో చేయాలని భావించాడు. ఈమేరకు కథా చర్చలు కూడా జరిపారు. కానీ, అనుకోని కారణాల వల్ల ఆ కాంబినేషన్ పట్టాలెక్కలేదు. తాజా సమాచారం ప్రకారం, ఇంద్రగంటి మోహన్ కృష్ణ ఈ విజువల్ వండర్‌ను టాలీవుడ్ యంగ్ హీరో రోషన్ మేకతో తెరకెక్కించాలని ఫిక్స్ అయ్యారట. రోషన్ ఇప్పటికే పెళ్లి సందD, ఛాంపియన్ వంటి సినిమాల్లో తన లుక్, నటనతో మంచి గుర్తింపు తెచ్చుకున్నాడు. కాబట్టి, ఈ పౌరాణిక టచ్ ఉన్న యాక్షన్ డ్రామాకు రోషన్ సరిగ్గా సరిపోతారని దర్శకుడు భావిస్తున్నారట.

ఈ భారీ బడ్జెట్ చిత్రాన్ని ప్రముఖ నిర్మాత దిల్ రాజు తన శ్రీ వెంకటేశ్వర క్రియేషన్స్ బ్యానర్‌పై నిర్మిస్తుండటంతో భారీ అంచనాలు నెలకొన్నాయి. రామాయణంలోని జఠాయువు పాత్ర చుట్టూ తిరిగే ఈ కథలో విజువల్ ఎఫెక్ట్స్ కీలక పాత్ర పోషించనున్నాయి. ఇంద్రగంటి మార్కు భావోద్వేగాలకు తోడు, హాలీవుడ్ స్థాయి గ్రాఫిక్స్‌ను ఈ సినిమాలో చూడవచ్చని సినీ వర్గాలు అంటున్నాయి. సరైన సక్సెస్ కోసం ఎదురుచూస్తున్న ఇంద్రగంటికి, కెరీర్ ఆరంభంలోనే భారీ ప్రాజెక్టు దక్కించుకున్న రోషన్‌కు ఈ సినిమా అత్యంత కీలకం కానుంది. త్వరలోనే ఈ ప్రాజెక్టుకు సంబంధించి అధికారిక ప్రకటన వచ్చే అవకాశం ఉంది.